الجدول الصيني مضبووووط ولا اخرطي؟؟ تعالو نتأكد مع بعض

هاي يا امهات اشلوووونكم شخبااااااركم… قبل لا ابدي احب ااكد ان كل شي بيد الله وان هالجدول مجرد اجتهاد من العلماء واولا واخيرا ما يصير الا اللي الله كاتبه..
الجدول الصيني يعتمد على شغلتين:
(1) الشهر الي تم فيه الحمل (2) عمر الام وقتها
هااااااااااااااااااااااا وصلنا لعمر الام….. وهني القمنننننننننننننننده
اللي قريته باكثر من موقع ان الجدول ياخذ الرقم الصحيح لعمر الام ويحذف الكسور… يعني: اذا بذاك الشهر اللي حملتي فيه كان عمرج 29سنه و 11شهر تحسبينها على 29 موووووووووووووووو 30

بس اختي يننتني اتقول ما عندهم سالفه لو عمرها 29 وشهر واحد تنحسب 30 لانها اصلا كملت ال29 خلاص
عاد انا قلت بما ان السونار مره قالو لي ولد ومره بنت ولي الحين مادري شالطبخه وهذا اول بيبي خل اسأل امهات كويتيات…
المطلوووووووووب:
من خلال حمالتج بعيالج اللي قبل…
نبي الشهر اللي حملتي فيه ونبي عمرج اذا حذفتي الكسور وعمرج اذا ماااااااااااااااااااااااااا حذفتي الكسور … حسبيها بالجدول اللي انا حاطه صورته وشوفي شنو اللي يضبط على نوع البيبي اللي يبتيه … عشان بالنهايه نوصل لاقتناع اذا حسبة الصينين ولا اختي اضبط

انا راح ابتدي …
اخر دورة كانت 18/2 بس اتوقع اني حملت اول شهر3 لان ما اعتقد يمدي بشهر 2 ولا تنسون فترة الامان…عمري كان 22سنه و 5شهور
اذا حسبتها على 22سنه…….ولد
واذا 23سنه……بنت
ومادري شنو الاضبط لان لي الحين ما ولدت

يلا يا حلوييييييييييييييين خنشوف ابداعاتكم

نسيت اقولكم اذا ما تعرفون …..

O …… يعني بنت
X ……يعني ولد

ما جربت للحين هههههههه خل اتزوج اول

انا حملت بشهر 11 وولدت بشهر 9

وكان عمري 24 بحذف الكسور

وييبت بنوته وحسبت بالجدول طلع O يعني بنت

يعني صح الجدول

بس جنه الاكس يعني بنت والاو ولد هذا الي درسنااه

شلون تنحسب الطريقه فهموني ؟
نحسب الشهر اللي حملنا فيه وجم كان عمرنا وقتها طيب وبعديييييييي؟
>>> اللي يسمعني يقول عندي 10 عيال

x للذكر

o للانثي

حسبيها على 22 وحذفي الكسوووور انا دايم اسوي جذي ويضبط والله أعلم

اممممممممم ضبط بواحد والثاني لا والله اعلم

اول ولادتين ضبط معاي بس هالحمال يطلع لي ولد و كل السونارات الي سويتها تقول بنت

آنا حملت شهر 10 وعمري 21 طلعلي بنت
يبت بنوتة
مع التحية………………

انا بكل حمل يطلعلي صح

بس هالمره يطلعلي ولد وانا السونار يقول بنوته100%

انا اللي اعرفه في كذا جدول صيني
بعضهم تحذفين الكسور و بعضهم لأ لازم تشوفين بالسايت شنو كاتبين لج ساعات يكتبون ضيفي على عمرج 9 شهور و بعدين حذفي الكسور (العمر بالشهور القمرية)
انا عشان جذيه ما احب الجدول الصيني احس راسي يفتر مادري احسب على اي اساس
على العموم انا عندي اربع يهال وضبط معاي الجدول بس مرة وحدة … هههه اتوقع خرطي….
بس بجرب الصورة اللي انتي حاطتها وبشوف شنو يطلع و اقول لج

شوفي حبوبة
انا شفت الجدول و تقريبا ضبط اكثر اذا سويت جذيه
ضيفي على عمرج 9 شهور و بعدين حذفي الكسور من الناتج وبعدين طبقى على الجدول

علشان تعرفون انه خواره
جيكت على الجدول بعيالي ثلاثتهم اسمالله عليهم
22 شهر 2
25 شهر 6
28 شهر 2
طلع لي x
على كلامكم انه ولد صح؟

بس انا عندي 3 بنات الله بيحفظهم!!