الجامعه العربيه المفتوحه!

سلام عليكم اخواتي!

اول شيء شلونكم انشاء الله مرتاحين و صيام مقبول و تقبا الله الطاعات و كل عام و انتم بالف خير!

ثانيا الموضوع ماعرفت وين اكتبه و لقيت هذه الصفحه انسب شيء .

انه بس ابي منكم مساعده اللي دارسه بالجامعه العربيه المفتوحه اتقولي شنو رايه في هل جامعه او تقولولي من احسن جامعه بالكمبيوتر و اسعاره متناسبهعشان انه من السويد و ساكنه باكويت و ابي ادرس اهني خلال هل ثلاث سنوات انشاء الله.. انشاء الله استفاد منكوم و مشكورين حبايب..

اختي كانت تدرس فيها وطلعت منهااا ..

مع ان الكل نصحها قبل لا تدخلها انها ما تدشهاا بس لين دشت وشافت بعينها

ما انصحج فيها صراحة لو اذكرلج عيوبها مني لي باجر ما اخلص

اذا بتدرسين على حسابج بجامعة خاصة احسن شي gust … والله يوووفقج

مالي خبره والله بس اسمع انها زينه مع الجانب بس الكويتين وايد ينظلمون فيها

نهال حبيبتي الحين خليتيني اغير تفكيري فيه هالجامعه بس بنت خالت زوجي درسة هناك و الحمدلله اتقول زينه غريبه!
فشينقو شلون يعني ينظلمون فيها؟

أنا فيها وماشي حالي فيها

مثلها مثل أي جامعة ثانية

انزين انه قاعد اقرأ في صفحة gust انو per credit hour 175 kd , and per foundation year 1600 kdشنو معنا انه مو فاهمه

emankuwaiti شنو ادرسين؟ و شنو الاسعار؟

اختي كانت فيها وطلعت حيل نظامهم فاشل
جنه بالعمد يسقطون الطالي عشان يرد ياخذ الماده ويدفع فلوس زياده
احسهم استغلالين

بالعكس الجآمعه زينه لي سنتين فيهآ ..
وكل تخصص يعتمد على تقبل الطآلب له او لآ ..

مستحيل يسقطون آحد متعمدين .. بس شوي صعبين بالدرجآت
يعني لآزم درآسه و وآجبآت وكل شي ..,
بس الطلبه يآخذونهآ بتسآهل وينصدمون بالنتيجه ..
وفيها اساتذه متعسرين واساتذه متسآهلين حآلها حآل
كل الجآامعات والكليآت ..!

هاذا الي اقصده بطايه وايد يظلمون الكويتين علبو ان عندهم فلوس يقولون نسقطهم الكويتين ماعندهم مانع يعيدون الماده ويدفعون فلوس بس الاجانب يراعون ظروفهم ويساعدونهم هالكلام سمعته من اكثر من وحده والله ..

شوفي حياتي انا اختى تدرس فيها اهى بخصوص الاسعار حلوه رخيصه نسبته جامعات الخاصه يلي بالكويت

بس القبول على حسب نسبتج و اول شئ تمتحنين امتحان مستواه اذا نجحتي بالامتحان ثاني تدخلين التخصص على طول

مواد على حسب ميزانيتج تقدرين تاخذين 4 مواد و تقدرين تاخذين 2 مادتين سعر الماده تقريبا 109 كل ماده لها سعرها

بتوفيق بالنسبه جامعات الخاصه اقل شئ 20 الف اما جامعه العربيه 4000 الالف رخيصه

بالنهايه على جسب ميزانيتج

رفيجتي ادرست فيها

مناهجها صعبة ولازم لغتج الانجليزية ممتازة

الجامعة زينة ما فيها شي

بس يبيلها دراسة ومجابل

انا درست فيها تقنيه معلومات وحاسوب وتخرجت من 3 سنوات ، شنو حابه تعرفين وانا افيدج

يا بناات مشكوووورين على ردكم و الله يعطيكم العافيه و انه شكلي بقلب على الجامعه الامريكيه حق كمبيوتر graphic designer يعني 3D و هل دراسه…

بس يا توته حبيبتي الامتحان حق اللغه الانكليزيه مو جذي؟ و المشكله الثانيه انه صارلي زمان دارسه الثنويه شنو بيسوون؟؟ يعني بيصعبونه علي لو شنو ؟؟ :S

الدراسة تعتمد على اللغة الانجليزية

انا فيها ولي سنتين ومثل ماقلت لج اذا لغتج ممتازة تمشين فيها لانه التخصصصات بالللغة الانجليزية ماعدا التربية والتربية لحد الحين مقفل