|
|
(امل) وحيده بين صبيان
قبل الغزو بسنه
تزوجت(محمد) بعد خطبة قصيرة
خوووش ريال وتعرّض لازمات مالية كثيرة وكانت (أمل)
السند الاول له
توفت ( ام امل ) قبل 5 سنوات وبعدها بشهور توفي
(ابو امل)
طوال سنوات زواج امل كان الاب ينصحها ويقول:-
يا أمل مو شين الزوجه تساعد زوجها بس الافضل تاخذ ضمان منه
مثل كمبيال او شيك او تعهد>>>>
وكانت امل تثق ثقة مو طبيعية ب (محمد)
وبعد سنوات من سكن >>> الايجار ومرور عام على ووفاة والدين (أمل)
طلع لهم بيت حكومه بغرب الجليب
وكانت امل فرحااانه فيه واثثت البيت وحطت سنترال كله على حسابها لان زوجها على
قد حاله وهدمت طوفة وبنت ثانية وتشتري وتحط وكل يوم انا وياها بالضجيج
و(محمد) بدورة تدريبية خارج الكويت
بس الصج هو داخل الكويت وبخيطان مأجر شقة ومتزوج بنت متعرف عليها بالنت
و(أمل ) آخر من يعلم
وبالصدفة (أمل) شافت محمد والزوجه الجديده بالمهلب رايحين السينما
طبعا اقولكم باختصار شعور أمل لما عرفت انها البنت اللي معاه زوجته
ماتت وحيت …..
وخاصة لما عرفت ان لبنت حاطه عليه مؤخر 20 الف كويتي ومهرها 4000 آلاف
وهو دايما يصيح من الفقر والدين وعمات العين
المهم
ما صدقت أمل ودخلت المستشفى الفروانية ..لمده 3 اسابيع
ومني ومناك وبعد مشاكل ومحاكم مدتها سنه وشهرين
قررت المحكمة التالي:-
تمتع الزوجه الثانية بالسكن بنفس بيت الزوجه الاولي
اللي صبرت سنين وبنين بالايجارات وعمات العين
وقسموا البيت الى نصفين
الاول امل و5 من عيالها ويتكون من 2 غرفة نوم وصاله وصالون وديوانية وحمامين
والثاني ل لزوجه الجديده 4 غرف نوم وحمامين ومطبخ
امل لم تتحمل وفاة والديها
وزواج زوجها
وخسارة فلوسها
والقروض اللي حطتها على نفسها
وحكم المحكمه الظالم
تغير زوجها 180درجه
جاني تلفون بشهر رمضان يبلغني ان امل اصابت بالشلل النصفي
من كثرة الازمااااات والمشاكل ورا بعض
الهدف من الموضوع
السالفة وصات وخلصت ولكن
المطلوب منكم عزيزاتي
1- الدعاء ل (أمل) بالشفاء والرجوع لعيالها
2-ان لا تثقوا بالزوج ثقة عميا والله ….حاولي تكونين معتدله بعواطفج ومشاعرج وعطائاتج له
3- حلالج خليه لج استمتعي فيه واذا لزم الامر مساعده اخذي ضمان منه ترى الدنيا مالها امان
ملاحظه الاسماء وهمية والقصة حقيقية
وسلامتكم
فوفو
والرياييل صح مامنهم امان لو شنو يكونون زينين
الرجال مالهم امان بس زوجه خاين وحقير حسبي الله عليه
نفس الي صار حق خالتي
بس امل اهون
خالتي عقب ماحطت كل ماوراها و دونها على البيت
طلقها زوجها قبل لا يستلمون صك البيت
ويوم يا وقت تسجيل الملكيه سجله بالنص بينه وبين زوجته الثانيه
حسبي الله و نعم الوكيل
انا صراحه وايد مستغربه من هالقانون الظالم
ا نيكون كل شي بيد الريال
لازم يتم اعادة النظر في هالموضوع بالذات
المرا تدمج راتبها مع زوجها و تحط شقا عمرها كله في بيت ممكن بالاخير مايكون لها
لاحول ولا قوة الا بالله
انا دايما اقول جذي مو ضروري تحبين زوجج وايد حبيه بس باعتدال
الله سبحانه قال و جعلنا بينهم مودة و رحمة! ما ذكر الحب او العشق و المحبه
كافي يكون في قبول
و سلامتكم
وحسبي الله على زوجها الحقير …وعلى النعجه اللي ماخذها,,كفوه هالخروف …زين حطت عليه 20 الف مؤخر
وانشالله حوبتها ماتعداهم ….وباجر بتدور الدنيا وبيلعنون خيره عيالها
ومشكلة الريل اللي ما يقدر والله
ويا رب تقوم بالسلامة وترد حق عيالها ويصيرون لها قرة عين انشالله
الله يعينهااا وينصرهاا يااااارب
الله يقومها بالسلامه لعيالها وياخذ حقها من زوجها
وعسى الله يعووضها خير ..
موكفوو كل التضحياات اللي سوتها عشاانه وكفوووه اللي عرفها بالانترنت وحطت عليه هالمؤخر
وحوبتهاا ماراح تعداهم..
عورت قلبي
الله يشفيهاا ويخليهاا لعيالهااا
ياارب
وحسبي الله على زوجهاا الخاااين