الثعلبه كافيكم ربي شرها

السلام عليكم
مراح اطول عليكم لأني والله العظيم أكتب لكم وأنا حدي متضايقه00000
ولدي عمره 3 سنوات لما كان عمره سنه صارت فيه الثعلبة براسه وعالجتها عند الطبيب ومافاد وبعدين وديته عند حلاق قالوا لي يعالج الثعلبة هو صحيح عالجها بس ليومكم ماطلع فيها شعر يعني كأنها صلعه صغيرونه بس ألحين واليوم وأنا أحرك شعره شفت ثعلبة جديدة شكلها بالطول والله تضايق ودي أبكي تكفون شالحل ؟؟؟؟؟؟؟؟؟؟؟؟
ماودي أعلم أبوه لأنه راح يهوشني وراح يقول كله منج انتي إللي تربين شعره والناس ماتعطي خير وراح يحلقه صفررررررررر أدري أعرف عدل
تكفون إللي تعرف علاج أو وصفة شعبية لا تبخل علي والله لأدعي لها قايمه قاعدة

بعد عمري ما يشوف شر و يكافيه شر العين

* حبيبتي روحي طبيب جلدية و يعطونه علاج *

>> لا تخافين في أدوية تعالج الثعلبه

—————

حبيبتي فركيها بالثوم لمده 3 او 4 ايام لي اسبوع وإن شاءالله تروح ويطلع الشعر
انا كانت فيني
واقري على ولدج
وتطمني ترى انا سألت دكتوره قالت يا عين او النفسيه تعبانه
وفلا بالرقيه و الثوم الحمدلله رد لي شعري وطلعلي شعر مكانها
وللعلم ترى الثوم له فوائد واجد

الله يشافي ولدج يآرب

تسلمين ياعمري الطبيب مو مفكرة فيه أخاف عليه من أبرهم

عاد هو فديته حيل خواااااف يمكن من خوفه ؟؟؟؟؟؟؟؟؟
قالولي عن الثوم والرقيه ببدأ من اليوم إدعيلي إنها تروح يارب وتسلمين ماقصرتي

والله كأنج تتكلمين عن بنتي بأولى روضه وصارت فيها ثعلبه ولا تشوفين نفسيتي ونفسيه البنت لأنها كل يوم تزيد والحمدالله وانا ادور بالمنتدى بالصدفه شفت رقم واحد اسمه بو أسامه ويدق عليه زوجي ورحناله اهو مكانه بفحيحيل وما يعالح الا الثعلبه المهم كان في بنتي 6 دوائر قال ليش نطرتوا لم الثعلبه تكبر انتو تأخرتوا بعلاجها بس الحمد الله خذت عنده 3 جلسات وراحت الثعلبه والله يا بنات لا تخلون وقالي سببها نفسيه وفعلا انا بنتي خوافه تخاف حتى من ظلها

ان شاء الله باخذ الرقم من زوجي واحطه لكم وترى الرقم موجود بس نسيت اسم البنت اللي حاطته الله يجزاها الف خير

اختي كان فيها ثعلبه ووديناها لابوحمره وعطاها ابر لمده اسبوعين لكن مافاد معاها شي بعدين حطت امي على شعرها 5 فصوص ثوم و5 حبات فلفل اخضر الحار تقطعهم صغار وتدقهم بعدين تفرك فيهم مكان الثعلبه يوميا لمده اسبوع والله من بعدها نبت الشعر على طول مع ان ابو حمره يقول لاتحطون الثوم على الشعر لانه قلويات والوصفه هذي امي سامعتها من الدكتور التونسي مبارك الاشقر اللي كان يطلع على قناة الديرة
والله يشافيلج ولدج ويخليه لكم
واذا عندج اي استفسار من عيوني راسليني على الخاص لاني ماارجع للمواضيع

والله اختي انا زوجي كانت فيه ثعلبه نثيه يعني اتولد وانتشرت مع الوقت بطريقه اتخوف وما فاد وياه الا الدكتور صالح الجريوي اللي بالنقره عطاه اعلاج وما شاء الله الحين صاره 6 سنين ما اعرف طريج الدكاتره مع العلم انها كانت تطلع من قبل واتروح جم سنه لين راجع دكتور صالح بعدها ما عرف شنو ثعلبه والله يشفي وليدج انشاء الله

حياتي ممكن تقولينلي عن تجربتج؟؟ انا اختي حاشتها الثعلبه

ان ابوي بعد قلبي فيه ثعالب وايد بس ماكو فايده مايروحون
واختي وين الرقم ماحطيتيه لنا

حبيبتي لا تودين ولدج اي مكان …. علاجه باذن الله مثل ما قالت وحده من االبناات "الثوم+الرقيه" وماله دااعي تحلقينه

وللعلم لما كنت صغيرة كذا مرة صارت فيني والحمدلله راحت بفضل الله ثم الثوم

الثوم ثم الثوم ثم الثوم عن تجربه ولا تقظظين راس الولد بالابر فركيها بثوم لين تصير حمره وساعات بتشوفين يطلع منها شويه دم لا تخافين عادى انا بنتى جذي واختى من صغرها تروح وترجع لها مالج الا الثوم والله يشافيه يارب

انا صار باختي وتعالجت وزوجي لا تخافين اهم شي النفسيه والله عالجيها وحطي ببالج انها مشكله وراح تخلص وتصير ذكري…اقري على بنتك وحطي ثوم وبشوف ولد اخوي صار بسأله شسوا وارد عليج انشالله ماكو الا العافيه…يارب تشفي ولدج والمسلمين من كل مرض وشر يارب….

صادقين البنات مالك الا الله ثم الثوم والله يشفي ولدك وكل مسلم

شوفي الرابط في وحدة حاط فيه وصفة لعلاج الثعلبة بس ترى الثعلبة علاجها يطول شوي وعليج بالدعاء و الصدقة قبل كل شي والله يشافي الجميعhttps://q8yat.net/showthread.php?t=382833