|
|
السلام عليكم ورحمة الله وبركاته
مرحبا بنات
بغيت أسأل إذا أحد عنده فكره عن امتحان الإيلتز اللي تسويه القنصلية البريطانية وبشنو يفرق عن التوفل ؟!
لأني امتحنت توفل وأدري إني مستحيل أنجح فلازم أشوفلي طريقة ثانية
ويعطيكم العافية
سعرها 69 دينار
أنا امتحنت توفل بالجامعه وأدري إني ما راح أجيب الـ score المطلوب مني فحبيت أجرب الإيلتز هالمره يمكن تضبط معاي
واللي أبي أعرفه ، هل الإيلتز أسهل وإلا أصعب من التوفل ؟
up
up
بيلو ، أنا كنت بمدرسة حكومية وزينة الحمدلله بالإنجليزي بس ما بالتوفل ما أترقع كلش، وسألت عن الإيلتز قالوا فيه بارت speaking قلت أرجع للتوفل وأحط حيلي فيه أحسن
مع إني كان عندي samples امتحانات قديمة مع حلولها قبل أدخله وما قدرت عليهم كلش، يبيلي أعرف الشرح بعد
مفكره بالدورات بس ما أدري وين الزين منهم
ويعطيج العافية ماقصرتي والله
الجامعه قبل لا يقبلونج مثلا يمتحنونج توفل وانتي مثلا تروحين لمعهد القنصلية البريطانية ويمتحنونج الايلتز و تاخذين مثلا الشهاده وتقدمينها للجامعه والا شلون ..؟
موفقة حبيبتي
|
المشاركة الأصلية كتبت بواسطة -bello-
 قاسي زماني .. قالولج ماعندهم توفل لانهم خاصيين حق الدورات باللغه البريطانيه .. اذا تبين التوفل المكان الوحيد اللي يعطي دورات توفل اهو اميديست وهم يمتحنونج هناك
|
يعطيج العافية حبوبه
رايي آنا الشخصي اني امتحن الايلتز لأنه الانجليزي لغة الاساسية مو الأمريكية .
التوفل امتحان عالمي علشان يعرفون مستواج بالإنجليزي، وبكل دوله يحددون أماكن معينة يسوون هالامتحان ، مثلاً بالكويت يسوون هالامتحان بجامعة الكويت ومعهد أميدست. الامتحان ماله علاقة بقبول الجامعة لدراسة البكالوريوس بس له علاقة بالماستر. يعني اللي يبي يدرس ماستر بالجامعة لازم يمتحن هالامتحان وياخذ اعلى من الدرجة المطلوبة للتخصص اللي يبي يدرسه.
السهوله او الصعوبه شي نســـبي
بالنسبه لي الآيلتز وااااااايد اسهل من التوفل!
الآيتلز مثل ماقالو البنات معترف فيه فــ اوروبا اكثر من اميركا ،، بس بعد بآميركا فيه جامعات معترفه بالآيتلز
اما التوفل يتروالي معترف فيه بكل مكان
شخصيا انصحج تقدمين ايلتز دامج خريجه مدرسه حكوميه ولاتحاتين " بارت المحادثه" تراه وايد سهل
جوفي انا بعطيج سايت يصير تتدربين عليه حق الآيتلز وصج صج صج صج صج صج صج صج وايد مفيد هالسايت
انا بنفسي وايد استفدت منه ويبت فيه سكور يدخلني جامعات مرموقه
>>>>https://www.scottsenglish.com/ielts
انصحج فيــــــه لايطوفج ،، بالسايت هذا لازم تدفعين مبلغ ١٠ دنانير حق كمن شهر
صراحه يسوى ومب وايد عليه من تجربتي لــه
موفقه حبيبتي واذا عندج اي سؤال بخصوص الآيتلز لايردج شي =)
أما الايلتز حق الجامعات البريطانيه وغالبا يكون اصعب من التوفل لأن المناهج البريطانيه اصعب من الامريكيه