التوفل

بنات بسالكم ..

من متطلبات الماجستير انج تنجحين بالتوفل او شي ..جذي .. واختكم غشيمه بهالموضوع ..يعني ماني عارفه التوفل شنو بالظبط وعشان انجح فيه شسوي واذا باخذ دورات شراح يدرسوني ..

وانا صراحه السبلنج عندي مييييييح والمحادثه ميحين اما القراءه افهم عادي بس لما ادش انجليزي بالعميق لا والله مافهم فيعني مستواي بالانجليزي ظعيف وابي اسنع نفسي عشان تنطبق علي شروط الماجستير اذا بغيت اقدم فشسوي ؟؟؟؟

بليز ترا انا صج غشيمه بهالسالفه وابي خبرتكم ..

وتسلمون

اختي الغشيمه اول شي التوفل الحين صعبوه قبل ماكان فيه لسننج الحين لازم

اقول دخلي اول شي معهد الامديست تالي يسون لج اختبار وعلي هالاساس يحددون مستواج وامشي معاهم ليمن توصلين لفل 4 تالي انشالله راح تكونين توب

وبعدين سوي توفل وعلي فكره اذا تفكرين تدرسين بره الحين قاموا يطلبون ال جي ار ي هو اصعب من التوفل

بس اذا بالديره لا

ولازم تيبين علي حسب المكان 550

عدل كلام بنوته …وااايد صعبوا التوفل الحين ,,,يعني ضروري تاخذين دورة لغة وتتدرجين فيها ليما توصلين مستوى عالي..

بنت خالي ماخذتها بجامعة الكويت…بس ما ادري وين بالضبط بس اكيد تبع قسم الانجليزي..

والله يوفقج ان شاالله وتنجحين فيه وبالماستر..

غشيمة شنو راااح تكملين ؟؟؟؟؟شنو تخصصج؟؟؟؟

تسلمون بنات انا كنت مفكره اسوي جذي من زمان ادش دورات ليما اوصل لمستوى التوفل المشكله اني ماحب ادرس انجليزي الله يعين .. طيب ماتدرون اسعار الدورات جم ؟؟

اوركيد تسلمين الله يسلمج انا ليلحين قاعده ادرس بكاليريوس وطموحي اكمل ماستر وحطيت اسمي من بين الي يبون الماستر بجامعتنا ( المفتوحه ) بس الي فهمته انهم يبون التوفل فقلت ابي ابلش من الحين عشان اذا صار الوقت الا اكون ممن استوفو الشروط ان شاء الله ..

والله كريم ..

تسلمون بنات .. بس الامديست وين مكانهم وشنو تعرفون عن اسعارهم وطريقتهم .. وتسلمون

والله يالغشيمه بالنسبه لل السعر ماذكر اضن 150 للفل الواحد والمكان بالسالميه بس هم مادري اي صوب

هلا حبيبتي .. اذا 150 اوكي هذي اسعار الدورات بس لايكون اكثر عموما رقمهم عندي بدق عقب العيد واستفسر .. ويعطيج الف عافيه ..وتسلمين

هلا الغشيمة
ادا تبين دورة التوفل روحي مركز خدمة المجتمع تبع جامعة الكويت بكلية الهندسة بالخالدية، ودورات التوفل عندهم ب75 دك ومدتها 3 اسابيع 3 ساعات باليوم وادا خلصتي الدورة تقدرين تقدمين الاختبار عند الجامعة ب25 دك او عند اميدست ب15 دك
وترى دوراتهم على مدار السنة من تخلص دورة تبدي غيرها
وسلامتج

والله خوش سعرهم حلو صراحه ما عليج امر ماعندج رقمهم ؟؟

وتسلمين يا ختي ما قصرتي على المعلومه ..

علي فكره يالغشيمه تري دورات الجامعه تف ممتااااااااازه وايد انصحج فيها

موفقة غشيمة وان شاللة تحققين طموحج

موفقة يا الغشيمة

وكلام بنوته عدل

أنا أخوي طلعتله بعثة قطر

وعلشان امتحان التوفل كان صعب ما سافر

مع أنه دولة خليجية

تسلمون بنات .. بجرب دورات الجامعه واشوف .. مشكورين وما قصرتو ..

انا قدمت التوفل بجامعة الكويت و نجحت فيه بدون دوره ولا شي بس رحت مكتبة ذات السلاسل تبيع كتاب عن امتحانات التوفل و معاه نماذج محلوله من الامتحانات . انا صراحه استفدت منه

بس شالفايده انجح باامتحان وانا ما عرف انجليزي انا ابي التوفل مو بس عشان الماجستير ابي اكون متمكنه من اللغه بعد ..

وتسلمين يا موني ..

دورات التوفل تركز على طريقة الامتحان يعني تستفيدين منها بس بالامتحان و اذا تبين لغه لازم تاخذين دورات محادثه وايد تقوي