|
|
عندي بنت من سنه جاها التهاب بالبول ووصل للكليه اليسار كان عمرها 3 سنوات المهم انها نامت بالمستشفى اسبوع خذت مضاد بالوريد وخذت مضاد وقائي 8شهور بعدين سوينا اشعه نوويه وطلعت الكليه سليمه فوقف الدكتور الوقائي وقال خلاص كل شي تمام بنتكم سليمه خلاص قلت له يعني خلاص طابت ما يحتاج اشيك عليها كل فتره قال لي لا انسي المرض خلاص بس للاسف الحين بعد سنه ردت لها الحاله اسوأ من الاول وحاش الالتهاب الكليتين حسبي الله عليهم ونعم الوكيل والمشكله يقولون لي ليش ما شيكتي على بنتج كل فتره وينكرون كلامهم
الحين انا اراجع عند دكتور خاص اسمه كامل الرشيد لما شاف المضاد اللي معطينها هالمره قال لي بالحرف الدكتور اللي عطاها حماااااااااار ما يفهم لان نوع الدوا ما يعالج الميكروب اللي فيها ويقول هي كانها تشرب ماي مو دوا لانه ما ياثر على الميكروب حسبي الله عليهم
انا توني اراجع عنده بس حبيت افيدكم ويا ليت يا بنات اللي عندها اي معلومه بخصوص حاله بنتي تفيدني ولها الأجر واللي مرت بهالتجربه تعلمني شصار معاها انا خايفه عليها حدي الله يخليها لي هي نور عيوني تكفون بنات ادعولها من قلوبكم بكره عندها قسطره
الله يطمنكم عليها يارب
ما تشوف شر بنيتج
خل اقول لج شوية معلومات عن التهابات البول بالنسبة للأطفال
اول شي انه يصير بالبنات اكثر من الأولاد علشان مجرى البول اقصر عند البنت
و اذا صار الالتهاب شنو التصرف
تدخل البنت المستشفى و تاخذ مضاد بالوريد لمدة 7 – 10 ايام
بالمستشفى يسوونلها زراعة للبول و على اساس الزراعة يعدلون بالمضاد
لما تطلع من المستشفى يعطونها مضاد وقائي يسوونلها التالي :
سونار للتأكد من عدم وجود عيوب خلقية بالمسالك البولية
اشعة بالصبغة عن طريق القسطرة للتأكد من عدم ارتجاع البول من المثانة الى الكلة
اشعة نووية بعد كم شهر للتأكد من عدم تأثر الكلة من الالتهاب
في حالة اذا الاشياء هذي طلعت طبيعية خلاص يوقف المضاد
اوكي..
ليش يرد الالتهاب في بعض الحالات
اول شي عدم الالتزام بالمضاد
عدم عمل اشعة القسطرة بسبب الخوف من المكان الحساس و هالأمور و بالتالي محد راح يعرف الا رب العالمين اذا هالياهل عنده ارتجاع ولا لأ
طريقة التنظيف من الخلف الا الأمام
الجلوس مدة طويلة في البانيو و استخدام رغوة الحمام
الإمساك المزمن
حبس البول
هذا بالنسبة للمعلومات عن التهاب البول اتمنى انها تفيدكم
بالنسبة للدكتور كامل الرشيد
استشاري كلة و رئيس قسم و على عيني و راسي
بس اول شي اللي سوى سوري للكلمة عيب عليه
عيب يقول عن دكتور ثاني حمااااااااااااااااااااااااار
اذا ما كان مقتنع بطريقة العلاج و مو عاجبه المضاد فلأنه مو متخصص بالأطفال
ولا دارس كلة اطفال
اهو مال كبار و العلاج يختلف اوكي؟
يعني يمكن المضاد المناسب لبنتج كان راح يضرها من ناحية ثانية
يعني يعدل شي و يخرب شي
و الخبير بهاللأمور طبيب الاطفال مو مال الكبار
القصد من كلامي انا شخصيا ما احترم الدكتور اللي يسب زميله
عيييييييييييييييييييييييييييييييييب و الله عييييييييييييييييييييييييييييييييييييييب
اهو يرضى احد يقول عنه حمار؟ اكيد لأ عيل ليش اهو يسوي جذيه ؟
انا ما لي علاقة لا بهذا و لا بذاك
بس ما احترم اي شخص سواء دكتور ولا غيره يسب زميله بغيابه
يا اخي مو عاجبك العلاج ارفع التلفون و كلم الدكتور المعالج و استفسر منه و شوف اللي صاير
مو تسب الريال منى و الدرب
جزاج الله خير
كاشونه
معاج حق هي تحصر نفسها ولازم اكون معاها بالحمام تسلمي
mrs-sugar
جزاج اله خير على المعلومات المفيده
انا معاج انه الكلمه مو حلوه بس والله ما ينلام فيهم كانو بيضرون بنتي بعدين هو شافني شلون منصدمه ومو مصدق انهم غلطانين بالدوا
اذا تعرفين دكتور متخصص بالاطفال علميني وتسلمين
بس لما يصير فيها شوي تسلخ ياترى من التسلخ ولا في شي ؟
|
المشاركة الأصلية كتبت بواسطة مزون203
 انا معاج انه الكلمه مو حلوه بس والله ما ينلام فيهم كانو بيضرون بنتي بعدين هو شافني شلون منصدمه ومو مصدق انهم غلطانين بالدوا
اذا تعرفين دكتور متخصص بالاطفال علميني وتسلمين |
هلا مزون
ما تشوف شر بنتج
بسألج سؤال ؟؟
اكو التهاب بالدنيا يقعد سنة كاملة بدون علاج ما يسوي اعراض او مشاكل
انا اقول لج انه الالتهاب الثاني شي يديد
و محد كان يقدر يمنعه الا الله
التهاب البول ما يكون مزمن الا مع بعض المعاقين اسم الله على بنتج
و مستحيل مستحيل يتم سنة كاملة و ما يكون متعالج و البنت عايشة حياتها طبيعية بدون مشاكل
بس سوري كلامه مو صحيح
هذي مشكلة بعض الدكاترة دايما يطلع الدكتور الثاني حمار و ما يفهم سوري عالكلمة بس هذي كلمته مو كلمتي علشان يكبر بعيون الأهل و حسبالهم انه اهو اللي يفهم بس
شوفي عندج دكتور فيصل الكندري في مبارك تلاقينه الصبح و طيبة كلينيك العصر عنده دكتوراه بأمراض الكلى للأطفال
وايد ممتاز
تقدرين تروحين له و تسألينه و خلى يشوف بنتج و ما عليها الا العافية