التفكير والشك ذبحني

بنات انا زوجي موظف في مجمع المحاكم بالرقعي ودايم اسمع من الحريم ان هناك سمعتهم مو زينه وانه اختلاط و سوالف و مغازل طبعا مو الكل وانا بصراحه خايفه على زوجي . بنات انا كل اللي سمعته سوالف حريم بس ياليت اللي تعرف احد يشتغل هناك تسالينه وتعلميني

وااااااااي تييبين التعب حق روحج لييييييش!!
انا ريلي يشتغل بالمطار ومن طقه دوام ريلج
عادي يبا عااااااااادي ليش مو واثقه بريلج حبيبتي خلاص شعليج
وهالسوالف بكل مكان مو بس بالدوام

الافضل يكون عندج ثقة بنفسج وبزوجج

وبالنسبة لوظيفته

كل مكان فيه اختلاط واحتكاك

بس اذا الشخص متربي وخايف ربه

لا تحاتين ابدا

واذا هو مو مضبوط

حتى لو رايح المسجد يغازل بالطريج

فوفو

عدل كلام فوفو

شعليج من سوالف الحريم

كل مكان عندهم مو زين

الموضوع يعتمد على التربيه وطريقة الانسان نفسه

كل ماشفتية طالع الدوام ادعي من وراة

استودعك الله الذي لاتضيع ودائعة

وخلى بنيتج انج تبين الله يحفظة في نفسة واخلاقة ودينة وكل امورة خارج بيته لين يرجع

الشك بيدمر نفسيتج وبيتج
توكلي على الله وخليج واثقة بزوجج
لا يأثر عليج كلام الناس المرضى

من قال انه هالمكان
موزين
لا تعممين

مشكورين حبايبي على الردود ريحتوني

والله بنات ابليس بكل مكان قطيعه تقطعهم

اكو مكان ما يشتغلون فيه الحريم
يبه خلك واثقه من ريلك
ليش اتفكرين في شيء ما صار وان شاء الله ما يصير
والافضل لا تبينين لزوجك انك مضايجه من شغله
لانه راح يفكر انك مو واثقه فيه
والريال دايم يحب ان مرته تكون واثقه فيه

حبيبتي شيلي الموضوع من بالج عاااااادي ولا تشكين ولا تنبشين خوفج تشوفين المر
وبعدين كل مكان في حرييييييم شياطين حتى بالجمعيه لا تعبين نفسج اهم شي الثقه في نفسسسسسسسسسسسسسسسج وفيه زوجج
طلعي وتسللي وخللي عندج هوايه تمارسينها لو تشترين دفاتر تلوين وتلونيين على الاقل يبعد عنج الوسواس انا قبل كنت نفسج اشم دشداشته انبش بتلفونه اطل بسيارته بقيت اصير مينونه بس الحمد الله تبت من هالاشياء اللي مالها معنى وقمت امارس هواية المشي والرسم مع بناتي الحمد الله ارتحت وعليج بالاستغفار يريح البال

عجبني رد فوفو معاها حق

انتي مثلي شكوووكيه..

والله هالشي متعبني بعد أنا..حيييييييييل اغاااار عليه..وحتى لو بشغل نفسي مثل ماقالوا البنات ..ما اقدر