التفاهم المعدوم مع زوجي

هاي صبايا
كيفكم
دايم اعتبركم مثل خواتي الكبار واحب احط مواضيعي هنا. السالفه أنا الحين نفاس
وزوجي كل ماجاني لازم ينكد علي بكم كلمه. اخر مره جاء يقول لي الحرمه بدالها الف واتزوج عليك
واننتي روحي للمحكمه اطلبي صك طلاقكك وادفعي شيك وانأكون ربحت حرمه وشيك قلت أنا سويها واول من بيباركلك أنا. وبعدها بشوي يقول أنا ماراح انزال لك بالارض انابخليك دايم في العالي والبيت بدونك ولاشي
ودايم ينااقض نفسه. مره يجي يقول تجهزي الجاي اصعب بحكم أين كنت مأشتغبل ورفلا بمعنى الكلمه أنا وعدت نفسي ؤعدته أين اتغير بس دايم يغلط علي وعلى ابوي مره ابوي مايسوى ومره مايبي يقابله لان اخر مره صارت بينهم مشكله أنا ودي اعرف هل الرجال لي يقول دايم بتزوج ويهذ صدق يسويها وكيف امنعه انه مايسب ولايغلط على ابوي. ودايم يقول بس ترجعي أنا بتغير واسهر بالاستراحه الين اخر الليل ماحد يمنعني كل شيء ماكنت احبه يبي يسويه عناد فيني وفي ابوي اروح اقول انت تبيني يقول ايه بس تغير نكد مأبي ومن هالكلام. كلامي ملخبط ادري بس والله من حر مافيني.

شنو السبب ؟؟

اكيد انتي مقصره معاه بشي ..!!

حبيبتي قبل لا تشتكين لنا لازم تواجهين نفسج بعيوبج
هل انتي مغطيه كل احتياجات ريلج
اولشي اخلاق ونفسيتج حلوه مع ريلج ؟؟ مريحته مونسته تظحكين تفرفشين تتقبلين منه الكلام تدلعينه ؟؟ ولا كله مبوزه ومنكده ومو عارفه تتفاهمين معاه
ترى الاخلاق اساس كلشي بالدنيا
اذا اخلاق موزينه مع ريلج اي شي ثاني ماراح يفيد
وعقب الاخلاق اتي باجي الشغلات من اهتمام بلبس وكشخه وشكل وزينه للزوج
واهتمامج بلبسه وباكله و تعيشينه مثل الملك بدون قصور
مو معقوله ريلج بيعاندج بدون سبب في سبب وفي تقصير منج لازم تواجهين نفسج بالمشكله اللي فيج وتعالجينها وتحلينها وتحافظين على ريلج عشان لا يسوي فيج حركات عناد او يردلج الصاع صاعين

الله يهديه يارب

الله يهديه ويسخره لج )=

كله بكفه والغلط على ابوج بكفه
انتبهي
طبعا اكيد انتي الي صغرتي اهلج بعيونه وسكته له ليمن تمادا
المره مرات من حبها لزوجها تنسا اهلها وتبديه عليهم وطبعا هذي النتيجه
الوحده لازم اتحسس زوجها ان اهلها ظهرها وسندها وماتسمح لزوجها يدوس عليهم بحرف

الله يهديه

طيب وش اسوي كيف امنعه من الغلط على ابوي بس هذا هو اكبر همي

حبيبتي لما يغلط على ابوج بيني انج زعلانه وضايقه وخليه يحس بهالشي

لان اذا ما حس فيها راح يكررها ويضايقج

يعني غيري اسلوب تعااملج وياااه يحسسه ان غلططط بحقج

مفروض ماتخلينه يتمادى على ابوج

شوووفي حطي حد للغلط عن اهلج

لا يغلط على اهلج دامهم مالهم شغل فييه

و زعليي عليه لاتكلميينيه

و سالفة بيتزوج عليييج

قوليله تفضل رووح

دور بنية و انا بخطبها لك مو انا اللي اتهدد بوحدة

و شوفي انتي بعد شفيييه اهوو

مشيش ولا متحامل ولا زعلان من موقف ؟؟؟؟

ميمو
الله ييسر امورج

زوجج مريض نفسي ؟

اذا لا
معناها لج دور باللي قاعد يقوله
يعني مو معقول فجأة
بقول بتزوج
متعني وزاير بيتكم علشان يقول بتزوج
شنو قلتيله قبل ؟؟؟

مشاكله مع ابوج
اتوقع انتي من النوع اللي يشيش ابوه واهله
ع الزوج
ولي كبرت السالفه كأن مالج دور
اشلون تجرأ يغلط
في خطوات وصلته لهالشي

احييج ع قرارج بالتغيير
واشجعج عليه

ايه والله صح اناكنت اشيش ابوي عليه وخصوصا اهو مايصرف علي ولاريال ويوم جاء العيد عطاني مية ريال بس وقتها قلت ابي ملابس قال بالميه هذي قلت ابي اصلح جوالي قال بالميه هذي قلت طيب اشريلي جوالي قال بعدين وبعدها دخلت ابوي بالصرف. وصار الي صار. بس قلتله أنا بتغير قال أنا مجروح ومن هالامور طيب خلاص أنا وش بيدي يقول ابوك جرحني وانتي جرحتيني قبله. وهو شخض متناقض مره يقول انتي معي طول العمر الين خمسين سنه قدام ومايملى عيني من الحريم الأنتي ومره يقول بتزوج عليك لو ماتعدلتي وياكثر تناقضه باشياء ثانيه

من ردج
عرفت ان لج دور
مو مثل بداية
الموضوع
حسستيني مريض نفسي

وبعدين قلتي
انج كنت ( رفلة ) وبتتغيرين

المصرف
هل هو بخل ولا ماعنده؟

الزبدة
انت ماتبين الطلاق
خاصة بينكم طفل
اللي عليج ابدي بتنفيذ وعدج بالتغيير
والسنع داخل البيت
مو يوم يومين
قولي سنة كاملة
وشوفيه يتغير ولا لا
واهم شي تنظيم وقتج
خاصة عندج بيبي
بطلي حنة وعتب
باختصار
تغيري علشان يتغير
قدميله شي يحس فعلا تستاهلين يتغير

زين زاد مصروفج عقب تدخل الوالد؟

وع فكرة سالفة التناقض
مرة فرق مرة تحت
كل الازواج
وحتى الزوجات
لي رضو وباوقات الصفاء يصيرون غالين
ولي عصبنا قلنا وقلنا
خاصة احنا الحريم كفارات العشير
فينا هالطبع؟

الله يعينج لسانه متبري منه !