|
|
بنات اشلونكم حبيت أكتب هالموضوع لأني عيزت وأنا أدور ولي اللحين ما
أدري شسوي وقلت محد بيساعدني إلا انتوا وادري فيكم ماتقصرون فلي عندها أي اقتراح تقوله وأكون شاكرتلها والله يجعله بميزان حسناتها …
أول شي بقوله إني أنا طالبة عمري 21 وعندي بيبي عمرة 10 شهور والحين أنا حامل بالسابع ولادتي آخر فبراير إنشاء الله …
أدري دوختكم بس المشكلة إلي بغيت أقولها إني بحمالي الأول زاد وزني وايد ومامداني أضعف روحي إلا و حملت مرة ثانية وزاد وزني واايد
قمت أستحي من شكلي (ادري الحين بتقولون هذي أكيد تخرع ) لا مو لي هالدرجة أشوه أنا طويلة فالمتن ضايع بس شكلي ساير أكبر من عمري وما أقدر ألبس كل شي فقررت إني أغير شكل وأسوي نيوووولووووك لما أولد فما عليكم أمر إلي عندها اقتراحات تساعدني منها يستفيدون إلي حمل معاي أدري هذي مشكلة أكثر من عضوه فخل نساعد بعض ونرتاح ونريح..
أولا : نبي اقتراحات حق أشياء جربتوها وضعفتكم جلسات مساج أو أشياء ثانية ..
ثانيا: نبي نشوف كل وحدة شسوت حق التغيرات الي سارت بجسمها سواء تشققات أو غيرها..
ثالثا: قصات وصبغات حلوة سويتوها وحركات يديدة ..
رابعا : والأهم مفاجئات حق أبو العيال وفناتق يديدة حبها ريلج عق الولادة تدرون لأنة الريل أكثر واحد يترغب التغيير…
(مشكورين وسوري إذا طولت عليكم بس صج أنا محتاجة مساعدتكم بهالموضوع والله لا يخلينه من أرائكم الطيبة )
وربطي بطنج ودفي لا يحوشج هوى
وبالنسبه للأكل وخري عن النشويات وأكلي اللي يفيد
ومثل ما قالو البنات حاولي ترضعين
بس بالنسبه للماي !!!!!!!!!!!
اللي اعرفه انه الماي موزيييييييييييييين وقت النفاس
وبالنسبه للجسم سوي حمامات مغربيه وقصي شعرج وصبغيه
وغيري ستايلج في البيت وبره شوفي شنو كنت تلبسين وغيري 180 درجه وسلامتج