|
|
السلام عليكم
حبايبي حبيت نستفيد من خبرات بعض حول تغذية الطفل
طبعا عندنا الطفل لازم ياكل واذا ماكل تصير ازمه نفسية حق الام
واذا اكل واااااااااايد وسمن والناس قامت تشوفه تخاف الام عليه من العين
في نقطه وايد مهمه وعلميه
ان الطفل من لحظه الولاده لي عمر سنتين والنصف
انتي بايدج تخلينه يكون طفل شره او طفل غذاءه متوازن
اشلون
لما يكون رضيع
تنظيم عدد الرضعات مع عدد ساعات اليوم
وحسب احتياج الطفل
بس ساعات نشوف امهات الله يهديهم اذا بجى البيبي راحت سوت لها رضعه
واذا فز شوي بالليل لازم رضعه
حتى لو شارب قبلها بنصف ساعه
ولما يبددي ياكل وتصير عسارة اللي بيطلع اسنان
تلاقين تحط لازم بايده بسكوته والا بفك
مااااافي غير تفتح الجنطه وتطلع وتوكل
الطفل نفسنا احنا الكبار
لازم ياخذ وجبات منتظمه وكميات معقوله علي عمرة
يعني مثال اذا كان عمرة لازم يرضع رضعه 6 مل واهو يشرب 4 فهذا عادي
مو تقعدين تخضين له بالمميه وترضعين فيه
المشكله ان اذا شفنا البيبي يشرب حليبه كله او ياكل كل ماعطيناه فرحنااااااااااااااااااا
واللي بيبيها نحيف تقعد توسوس مايبقي سكر مايبقي فقر دم ماتشك انه فيه
انا براي تنظيم الاكل للطفل مع التشيك العام علي صحته افضل من اني اقعد ازقط فيه لين يصير لي بلونه
واول مايبدي يتكلم قال مكدونالدز واحنا مستااااانسين ونقول ماصدقنا خل ياكل
واحنا قاعدين ندخل لاجسامهم اللي الله عالم شنو مكوناته ومافيه فايده
ومانهتم نعلمهم ياكلون موزه والا تفاحه حيل نودى الفرع ونترس بهالعربانه هالكاكاو والبطاط والحلاو اللي كله اصباغ
شوفوا اليهال باماكن الالعاب والله ثم والله يكسر خاطري الطفل اللي مايدخلونه اللعبه يقولون كبير يخافون ينقز على اليهال يطشرهم واهو مسكين زايغ قلبه على اللعب خصوصا النطاطيه
وااااااااااااااااايد عندى كلام
قلبي مترووووووووسه
يكسرون الخاطر لي ماكلوا بجينا ولي بلعوا عيبنا عليهم
ناطرة تفاعلاتكم خلونا نتبادل خبرات اشلون طريقتج بتغذية عيالج وانتى تايدين الطفل ياكل بكل وقت والا عندج نظام 
بس حبايبى نبي تفاعلكم بتغذيتكم لاطفالكم