التغذية وقت الدورة الشهرية

الـسلام عليـكم

حبيباتي آنا احترت بالتغذية وقت الدورة ..

ودي اعرف شنو الأغذية المفيدة وقت الدورة الشهريه
يعني ما اقصد الاعشاب و غيره ..

ابي مثلاً وقت الإفطار شنو أقدر آكل ؟ الغدا ؟ العشا ؟
غير الدارسين و الحلبه و الرشاد و و و .. ابي شي ينوكل شنو ؟

لأن كلما اقول شي قالوا مو زين وقت الدوره ..
شنو الأشياء الي ناكلها تضر و قت الدوره وشنو الأشياء اللي تفيد
و يعطيكم العافيه

عموما وقت الدوره لازم ماتخففين من اكلج فديتج
لان في هالفتره التغذيه ضروريه لان الجسم محتاجها بشكل اكبر
انا اكل العسل,, اخذلي حلبه ,, حبه سودا .. دارسين .. والمشروبات الدافيه
عشان انظف جسمي

و اكل كل شي مفيد سواء كنت في هالفتره او لا
مثل الاكل البحري امووت فيه .. اللحوم .. البيض
اقلي بزيت زيتون بدل الزيت العادي

وانشالله البنات يفيدونج اكثر فديتج

•
•
•
7orya 3sal
•
•
•

شوفي حبيبتي الريوق يا عصيده او مصابيب او خبزه تسوينها بالفرن طبعن العجينه بون خميره او تاكلين بيض المهم شي ساااااااخن والغدا عادي اي شي بس مافيه قرع او ملفوف او باميه والعشا عدي وخربطي قبوط او مرقوق او تشريبه او جريش او كباب بس المعكرونه والعيش حاولي تبتعدين عنهم بالفتره هذي واذا جعتي تسلي بقصم او بسكوت وجاي او اعشاب او قهوه وتمره اوشوربه ساخنه بس بدون ماجي >>>طولتها بس اتمنى اني فدتج

حوريه عسل و المزه

حبيباتي والله ما قصرتوا

لا تضحكون علي لان انا من صغري مو متعودة اهتم بتغذيتي وقت الدورة
عشان جذي كله اتييلي آلام بطن شديده

اليوم تريقت صمونه زعتر و الغدا كليت كباب وشوربة بروكلي و بعدين شربت جاي زنجبيل

اهم شي التغذية وقت الدورة………………….مشككككككككووووووووووور ررررةةةةةةةةةةة

يسير آكل بطآط مفيوح

يقولون مو زيييين

علي آلدوره آلحييين وميييته جووع

آلجووع كآفرر

شكرا على المرور مضاااوي ..

المترفة آنا بعد سامعه البطاط مو زين وقت الدوره بس مادري صج والا لا مو متأكدة

سويلج تمر مطبوخ مع شوية رشاد وكل ما يعتي اكلي منه

أو سويلج ريوق أو عشى بيض بالخضار عشان يكون مفيد اكثر انا طريقتي بالبيض أحمس اول شي الخضار ( طماط + فلفل أخضر + شويييه بصل مفروم ) وبعدين احط فوقه البيض واخلطة وقبل ما يستوي احط جبن تشيدر المربعات و بقدونس الصراحة لذيذ و مفيد

بالدورة امل من الاكل المفيد مرات ودي اطلب لي وجبات ولا اشربي بيبسي ولا اكل ايس كريم خخخخ صج لنها 6 ايام بس اشتهي كل شي

بس استحمل ..

اذا يعت اكل تمر باي وقت

ريوقي يكون بيض متروس فلفل اسود و حليب و زنجيبل او كورن فليكس و حليب دافي

الغدا .. دياي بالفرن ولا الموجود من الغدا و شوربه او تشريبه لحم او دياي

العشا .. جريش و هلا هريس و شاورما مشاوي

مشكوورة قطوة على مشاركتج وبالعافيه عليج حبيبتي
وانا مثلج حيل أمل خصوصا اني اموت على الايس كريم والشيبس والفانتا والاشياء الي مو زينه
بس عوار الدورة قوي احيانا ما اقدر اداوم ولا اتحرك من مكاني احس كله بسبة اهمالنا بالتغذية بهالفترة

اب اب

يسلمو يا قلبي على الرفع

اممم انا مثلج ماعرف أبد ..
بس بسألكم أنـا المره هاذي دم دوورتي الله يعزكم خفيييف أول يوم مـاء أسود ثآني وثآلث يوم ماء وردي ..
وبس يومين الدوورة .. أمي تقول يمكن عندج تلخبط بالهرمونات ؟!
عاد يوم غسلت حسيت بآلام وعوار بظهري من تحت شنو الحل ومن عندهـااا خبرة ؟!

هلا حبيبتي على حسب انتي العادة دورتج شكثر تطول جم يوم؟ آنا اسبوع
يمكن انتي طبيعي عندج ما تطول عليج ..

او يمكن انج قاعدة تشربين اشياء بارده أو تقعدين بالبرد
لأن البرودة تخلي الدم يتجمد ما ينزل لازم تتدفين عدل حبوبه مع المشروبات الدافيه ظروري
هالشي يساعد على ان الدم ينزل مو زين يتعلق

شربي شغلات تساعد على تنظيف الرحم والبطن وتنزل الدورة يعني جاي زنجبيل او مريميه
والرشاد حطيه مع التمر عاد الرشاد صج يخليج تنزفين

اما اذا كنتي تهتمين انج تدفين نفسج بالدورة ومع هذا جذي يصير فيج يمكن عندج خلل بالهرمونات
سوي تحليل هرمونات اتوقع يسوونه خامس يوم دورة .. ما جربته

خاطري

..اليوم اول يوم علي و تذكرت موضوعج

الريوق كليت بيضه و حليب

و الغدا .. ما اشتهي بس كليت تمر

و الحين بسوي جاي دارسين و لا زعتر

و العشا امم يمكن شوريه

حبيبتي انتي سلامتج وبالعافيه

زين سويتي اهم شي اول الايام

انا ارتحت بهالدورة لان وايد اهتميت بأكلي

صج اني مليت من الاكل المفيد بس راحة شوي

واليوم اخر يوم لي .. تبادلنا