|
|
مرحبا بنات
انا بالشهر الثاني وذبحني الوحام
كل ماكل شي ارجعه ومافادت فيني الحبوب
واكره الاكل واغصب نفسي اكل وباليوم فوق 5 مرات ارجع سواء اكلت ولا
رحت للطبيب وصفت لي تحاميل عن الترجيع؟اخاف مو زين اول مره اسمع فيه
وقالت اوصف لج هالتحاميل؟
انا كنت ترجيع اربعه وعشرين ساعه من اول ماحملت اول شي رحت الطبيب عطتني الدكتوره حبوب اسمها Navidoxine
بس مافادتني كنت اخذ وبعد شوي ارجع
رحت عقبها لدكتورتي وقلت لها اني تعبت من اللوعه والترجيع ومافادتني هالحبوب
قالت لي تبين تحاميل او حبوب ؟
قلت لها مابي تحاميل اخاف
قالت خلاص بعطيج احسن حبوب للترجيع ممتاز وبفيدج وامدحتلي اياهم حيل
بس غاليه شوي
هذا اسم الحبوب undu tablet 
بتلقينهم الصيدليه انا سألت عنهم سعرهم تقريبا 28 دينار وخرده
بس للأمانه انا ماجربتهم لاني كنت توني داشه الرابع وامي قالت ماله داعي خلاص الترجيع راح يخف والحمدلله خف وما احتجتهم
والحبوب جربوهم بنات وايد اعرفهم ومرتاحين حيييييييل وانا اثق بدكتورتي
وبس ان شاء الله اكون فدتج .gif "Eh S(7)")
الدكتوره قالت لي ان الجوع يزيد اللوعه والترجيع
وفعلا انا ماكنت اكل وللحين ما اكل واحس بلوعه وارجع احيانا بس اكل اصير احسن
حاولي تاكلين خفايف او بسكوت ناشف
والموز كان يهدي معدتي
ولاتكثرين السوائل لانها تسبب لي لوعه وترجيع
و الله يعينج حبيبتي ويسهل عليج
كله بأجره
والحبوب كرهته
وشاكره لج مرورج وكتابه تجربتج
بس التحاميل زينه ولا تضر؟
وانا ماجربت التحاميل خفت
وان شاء الله البنات يفيدونج
بــــس اللــي اعــرفـــه اخـذي بــسسكــويــت مــالــح اول مــاتـصـحــيـن
واشـــربــــي زنـــجــبـــيــــل يــخـفــف اللـــوعــه
واللــــه يـــثــبـــت حــمــلـــج ويــتــمــم عــلـــيـــج
والماي البااارد يريحني
و اللي فادني ابر الترجيع
اما التحاميل اخاااف
اب
انا اذكر قالتلي الدكتورة نفس الشي اذا ماتحملت الحبوب بالفم بتعطيني تحاميل
واحسن لج تاخذين درب عشان مايحوشج جفاف مثل ماصارلي شفايفي تقطعت واتورمت وايدي صارت نااااشفه وويهي تقشر بسبة الجفاف
وان شالله اللوعه بتخف بس لاتقعدين بدون اكل
صرت هيكل عظمي وما اشتهي ريحة الاكل
طبعا دكتوري كلا يعطيني درب وإبرة والحبوب
والحمدلله لما اخدهم ارتاح واقدر اكل شوي
استمريت على هالحال لما خفت وراحت
نصيحة اخذي درب ترى مفيييد
ضرر بالعكس بتخفف الترجيع وتحسين نفسج أحسن أختي مثلج كانت تطيح جنها بتموت علينا من كثر ماهي مؤ بوعيها
لا تأكل ولا تشرب وبس تبجي ولمن ترجع تبجي بجي وماتصير زينه الا لمن تاخذ درب تصير زينه والدرب لازم تاخذينه ولا بيزيد عندج الاسيتون
ويسبب اجهاض الله يكافينا شرهى وماعليه شدة وتزول من تدشين رابع شوي يخف ويروح انا أشوف افضل شي حبوب
او اتحملين الوحام الايام بتعدي ما عليج