«التربية»: استقبال المعلمين الجدد 8 أغسطس القادم

اصدرت وكيل وزارة التربية تماضر السديراوي قرارا بشأن استقبال المعلمين الجدد للعام الدراسي 2024/2010 ينص على ان يتم استقبال اعضاء هيئة التدريس من المعلمين الكويتيين اعتباراً من يوم الأحد 8 أغسطس 2024 اضافة الى المعلمين غير الكويتيين «التعاقدات المحلية» يوم الاحد 15 اغسطس 2024، على ان يتم استقبال المعلمين غير الكويتيين و«التعاقدات الخارجية» اعتباراً من يوم السبت 21 اغسطس 2024، كما تم تحديد يوم 13 سبتمبر 2024 كموعد لبدء دوام المعلمين والمعلمات الجدد واشتراكهم في الدورة التدريبية التي ستعقدها وزارة التربية لهم قبل بدء الدراسة.

انا مدرسة يديدة وتوظفت شهر 4
هالخبر حقي؟ ولا قصد الخبر حق اللي توهم بيتوظفون!!
حتى انا مافهمت الخبر الصراحة!
الي فهمته ياريت توضحه لنا

حبيبتي ايمو برنسيس مبروك عالتخرج وبالنسبة للتوظيف قدمي عالديوان وإن شاء الله ينزل اسمج بالجريدة وبعدين تسوين اجراءات التعيين وتدخلين الدورة التدريبية وتصيرين معلمة والله يوفقج أما أختي منال القلب لا الدورة مو حقج حق الي يتعينون الكورس الأول أما الي يتعينون الكورس الثاني مالهم دورة مادري شالحكمة

مشكوووره منووووله

رحيه الكويت تسلمين يا عسل والله يوفقج يااارب

(اضافة الى المعلمين غير الكويتيين «التعاقدات المحلية» يوم الاحد 15 اغسطس 2024،)

إي والله شنوا معناته
هل راح يكون في تقديم ثاني في الوزاره في شهر أغسطس لغير الكويتيين؟

تسلمين حبيبتي ريحة الكويت
فكة مالي خلق دورات

آلخبر حق خريجي آلفصل آلثآني من كلية آلتربية آو آللي مآتعينوآ عرفتوآ !!

حبيبتي روحي آلوزآرة قسم آلموآرد آلبشرية بِ تآريخ 8 / 8

ويضبطوووون آمورج

ما عندي جواب على سؤالج بس بغيت ادعليج الله يوفقك وأتمنى لك حياة عمليىة سعيدة يا ايمو برينسيس بس عندي نصيحة صغيرة نصحتها لي معلمة صار لها أكثر من 30 سنة تبين تعرفين النصيحة هذي علشان الأجر بس أي شي يصير في المدرسة من أحداث وراح يمر عليج بعد شخصيات ونفسيات حبيبتي حطية عند حدود باب المدرسة وعند عبور الباب خارجها حياة جديدة منفصلة يعني بالعامية شيلي من راسج دوخة المدرسة ولا تربطينها معاج في حياتج الخاصة الله يجزاها خييراللي نصحت بجذيه نفذته والحين كل شي عندي ريلاكس وما يسوى .
الملخص :- الله يوفقك ويسر أمرج

صح لسانك أنا أشهد أنك بنت حمايل

ما عليج زووود يالغالية

الله يوفقكم ..