|
|
شلونكم بنات ؟؟؟
جهزتوا حق الولادة ولا بعد أنا بادخل الرابع ان شاء لله أمي تقولي تو الناس بس أن أنا ودي قبل ماأثقل…. من وين أحصل استكانات مع فناجين قهوة وقلاصات العصير والماي؟؟؟؟
وبعد دلة القهوة مابي شي غالي
ناطرة ردكم ياحلوات 
انا رايي من راي امج نطري بعد شوي
يعني على دخلة السادس ابتدي جهزي حبوبه
بس ما يمنع من الحين تحطين في بالج من وين تاخذين شغلج
وتروحين تفترين تاخذين افكار بس لا تشترين الحين تو الناس
انا خذيت استكاناتي وقلاصات الماي من تروفاليو
كانوا منزلين شغلات تهبل فخمه وتترس العين بس غاليين مصيبه
وعندج الشلاحي الي بالاوقاف شغلهم حلو
وعندج مركز برستيج ياجرون لج مواعين وحريم ثنتين اثيوبيات يقدمون الشاي
بس شنو هبين ريح ماشاءالله وشكلهم وايد حلو يلبسون الدراعه والثوب شكلهم يونس كل من استانس عليهم
باستقبالي خاصه انا كنت والده برمضان فكان شكلهم بالدراعه والثوب وايد حلو
والي تبينه بصراحه بالجهرا بالخيمه مول وايد اشياء تهبل واستكاناتهم اطير العقل
اختي جهزت عندهم يعني طقم شاي على 40 دينار روعه
والله الموفق
بس قاعدة احاتى لانى بولد بشقتى بعد هذا ثالث طفل فشلة اولد عند امى
بدليات بس مو منى من الابتوب لعوزنى
اقصد انا بنهاية الرابع
انا والله تدرين متى جهزت اخر الثامن اول التاسع ومليت من النطره
عندي نطري احسن لح
وبدين مثل ما قالت سبوك عندج برستيج للإستقبال خوش شي تلقينهم بمجمع المثنى