|
|
مرحبا
صاحبتي بتتزوج وبتجي الكويت لمده يومين
وتبي بالتفصيل الممل
اسم المحل والشارع او الموقع
ماتبي ماركات لانه فيه بالسعوديه
تبي الدرعات القمصان البجامات لانجري
بدلات مرتبه مخلطات مفارش للسرير
وكل شي يطري ببالكم
( وهي سمينه مره )
الله يسعد و ويوفق من ترد
خل تعطي اسمه حق التاكسي يودونها عليه في خووش اطقم فوط وارواب ومفارش وسوالف شموع وحق بيت روووعه
وعندج سنتر بوينت في قمصان نوم وفي همن شموع وحركات حق البيت وفيه ملابس داخليه مريحه وفي مفارش مثل ماتبين
وعندج مجمع الكوت بصراحه فيه بدل وسوالف حلوه وكلها محلات مو عالميه بس فيه بدلات رزه صناعات كويتيه تلاقين
وعندج مجمع البيرق بالعقيله في سوالف حلوه
شرق ومارينا مول والافنيوز مجمعات بضاعتهم عالميه
بس الافنيوز تحصلين داخله محلات صناعه كويتيه خصوصا فوق وايد رااقي ورزه
وعندج حق العبي والدراريع العربيد مجمع العربيد بالفروانيه
اشكال والوان وسعرهم بحدود 20 دينار وفوق بس حلو شغلهم ويظبط لها البدله على قياسها
واذا رحتي الفروانيه عشان العربيد مري الحمرا مول مجمع في نفانيف وقمصان وشيل واكسسوارات وسوالف حلوه مو عالمي
وعندج اذا تبين شي واو ويسوى روحي انسام الخلف بالجابريه اقل بدله عندها ب 250 بس شي يسوى شغل عدل وكشخه باللبس
وعندج حق اللانجري موقع رنا ستور كتبي بقوقل يطلع لج دامج بتيين الكويت
طلبي منها 5 قمصان ب 30 دينار والله بلاش وشغلهم حلو وخامهم حلو
انا شخصيا اطلب منهم بين فتره وفتره .. طلبي منها واتييبه لج لي باب الفندق وعطيها الفلوس
اذا تذكرت شي ارجع اقوولج حياتي
وحياكم الله بالكويت بتنورونهاا
والسموحه عالقصور
اسمه النقره الشمالي والجنوبي
فيه سوالف اكسسوارات وبدل وقمصان وشييل وعندهم قياسات كبيره
حتى تكرمين الجوواتي والكعووبه عندهم وشي شي شغلهم
الكويت منوره باهلها يالغاليه
جزاك الله خير ويارب توفقك وتسعدك وترزقك ويحقق كل ماتتمنيه..اللهم امين
الله يسلمج ولو احنا خوات
ماسوينا الا الواجب
وانشاءلله اذا تذكرت شي اكتبه لج من عيوني
ويزاج الله خير عالدعوه الطيبه