التابعه والحمل

السلام بنات أنافينى تابعه وأقرا عند الحداد وتعورت من قبل هالحماله مرتين والحين بنات بدت عندى أحلام مرة سودة بيدها سكينه تلحقنى تبى تطقنى بس أنا أنخشيت منها والله خاااايفه حيل بنات يارب تحفظ لى اللى ببطنى بنات أنا مااابى منكم شى ء بس أبى تدعون لى لأنى والله تعبت بنتى بيصير عمرها 4سنوات وأنا والله ماعندى غيرها وكاسرة خاطرى طلبتكم بس تدعووون لى ربى يثبت اللى ببطنى يارب يارب لاتخلونى من دعائكم

بنات المرة اللى تجينى بالحلم تلبس أسود بأسود ودايما تجينى قبل لاأتعور الله يخليكم تونى سامعه نبض البيبى أدعوو لى يصير من نصيبى الله يخليكم

الله يثبت اللي ببطنج يا رب ويقر عينج بشوفته
التابعه مالها علاج الا القرايه وافضلها ان انتي تقرين على نفسج اذا تقدرين
قبل تنامين خليج على وضوء وصلى الشفع والوتر واهم شي لا تنسين اذكار الصباح والمساء
وماراح يضرج مع الله شي
والله يتمم عليج انشالله

بعدين الحمدلله التابعه تروح مع القرايه
انا بنت خالتي جتها التابعه مرتين والحمدلله باقي الحمالات ماجتها والحين عندها الله يحفظهم 4
يعني لا تخافين شده وتزول بحيل الله

الله يثبت لج اللي ببطنج

ويبعد عنج كل شر انتي واللي ببطنج

جزاكم الله خير شدعوة بنات19 وحدة بس 3 اللى ردوو؟ شكرا ماقصرو اللى ردو بميزان أعمالكم

هلا حبيبتي انا مثلج فيني تابعه واااااايد قويه واعرف وحده ادهن حق التابعه
وهذي معروووووفه بالكويت الكل يعرفها ويعرف شغلها واااااااااااايد زيينه

حبيبتى ماعليج أمر بس عنوانها برووح لها ماقصرتى

الله يثبت حملج انشاءالله وعادي اقري كل يوم قران
ولااتخافين منها اذا خفتي منها راح اتعبج اهم شي القران وادعيه على طوووووووووووول والله يحفظج انتي والبيبي

عموما التابعه هذي تجي الاغلب الحوامل الوحجه فينا لازم تقراء قران و تحاول انها لا تخاف علشان البيبي لا يصير في شي انااصلا يوم صارت فيني تركت البيت و انحشت عند اهلي هذي بحملي الاول و انشاءالله هالمره مااشوف شي

ان شاء الله ماكو الا الخير..

عسى الله يتمم عليج ويقر عينج بالبيبي المتعافي.. آمين

وانتي وكلي امرج لله.. واقري المعوذات دايما وآية الكرسي

والله يحفظج ويرزقج الذرية الصالحة..

الله يثبت اللي ببطنج يا رب وتفرحين بشوفته يارب
والله حاسه فيج انا بحمالي الاول جذي واجهضت وسبب التابعه والله يثبت لي حمالي هالمره ويثبت حمالج ان شاءالله

ابله هيام حبيبتي ركزي معاي

انا بعد فين وقالي الشخ لا تحطين ابالج قولي أنا مافيني شي انا مافيني تابعه صدقيييييييييييييييييييييييييني ماراح تحلمين مره ثانيه
وقبل لا تنامين اقري سوره يس وسوره الليل

أن حلمتي وان صار شي مو زين تعالي طقيني

حصني نفسج بالاذكار اليومية و المعوذات والله يحفظج و يحفظ البيبي انشاء الله

حبيبتى أرقى نفسج ماعرف والله احدبس أدعى الله يثبته لج يارب ويرزق اللى تبى يارب

الله يعينج حبيبتي ويثبت جملج يااااااارب

عليج بسورة الكرسي

خليها على طول معاج واقريها قبل النوم

وعدلي شكل نومتج لا تصير ريولج بإتجاه الجبله خلي راسج بإتجاه الجبله او يمينها

وانشالله ماكو الا العافيه بس مو تخلين القرايه