|
|
السلام عليكم
ابي مل وحده تكتب شنو تعطيه من ريوق و غدا و عشا يعني اليوووووم كااااامل
ومشكوريييييييييييييييييين
في ناس يبدون يوكلون الياهل من عمر 4 شهور
المهم انج بالبداية تبدين بالخضار نوع واحد 3 ايام بعدين تنتقلين للنوع الثاني تسلقينه و تهرسينه و تعطينه مره باليوم و بعد اسبوع تتدرجين و تعطينه مرتين
طبعا الملح و البهارات و السكريات ممنوعه
تبتدين بالخضار (بطاط – قرع- جزر- كوسا) بالبداية تجربين كل نوع بروحه عشان تشوفين اذا يتحسس من شي معين و بعدين تبدين تخلطين
ممكن تعطينه روب و ممكن تعطينه عيش و ممكن عصاير و ممكن ماي التمر
بعدين الفاكهه (تفاح – موز) تعطينه وجبه الضحى فاكهه و الغدا خضار أو الغدا خضار و العصر فاكهه
بعدين سمك تكونين بادية تعطينه 3 وجبات وجبه الضحى فاكهه أو خضار و الغدا سمك و العصر فاكهه أو خضار
بعدين دياي
و اخر شي اللحم
ما انصح بالقمح و الحبوب و البسكوت لانهم يسببون ربو لما يكبر الياهل
لما يصير 7 شهور تدخلين الفاكهه
8 شهور السمك و بعدها باسبوعين تدخلين الدياي
و لما يصير عمره 9 شهور تعطينه اللحم (ممكن تعطينه هريس و جريش)
و من الشهر العاشر يبدي ياكل من اكلكم عادي بس تهرسينه بالشوكه و طبعا بدون بهارات
نسيت البيض ترا مهم بس ما اذكر تبتدين بالصفار وللا البياض لأنه لازم تبدين بواحد منهم و بعد جم شهر تعطينه البيضه كامله
الذرة موزينه قبل عمر السنتين لانها ما تنهضم و الفراولة و المنجا بعد موزينين قبل عمر السنه
——————————————————————————–
قواعد اساسية يجب اتباعها لتجنب تعرض الطفل للامراض التي قد تكون التغذيه الغير صحيحه سببا فيها:
1- البدء باطعام الطفل من الشهر السادس
2- تجنب اضافة الملح والسكر
3-تجنب اعطاء (العسل-البروكلي-السبانخ-الطماطم-الفلفل الاخضر- التوت- الفراوله- الاناناس-الملفوف- الخضروات الخضراء بشكل عام-المغالي) قبل عمر السنه
4-عدم ادخال الكعك-البسكويت -الحلويات-الايسكريم الى طعام الطفل
5- تجريب كل نوع على حدا لمده اسبوع لمعرفة مدى تحسس الطفل منه
6- اذا تحسس الطفل من نوع من الاطعمه يجب التوقف عن اعطائه هذا النوع
7- البدء بالارز ثم الخضار ثم الفواكه
اطعمه قد تسبب اكزيما اذا تناولها الطفل قبل اتمام السنه:
القمح- الذره- المكسرات"الى 3 سنوات"-الطماطم-
البيض-البصل حليب البقر -الكرز-السمك-البهارات-الشوكولاته-العنب
جدول اطعام الطفل بالاشهر:
الشهر السادس:
ارز-بطاطس-بطاطا حلوه-جزر-قرع-كوسا-موز-تفاح
الشهر السابع:
خوخ-اطعمة الاطفال الجاهزه-عصير البرتقال المخفف بالماء
مشمش-كمثرى
الشهر الثامن:
الدجاج المفروم فرما ناعما بعد ازالة الجلد والعظم
فاصوليا- قرنبيط
الشهر التاسع:
لحم مفروم-روب
الشهر العاشر:
ادخال صفار البيض المطهو طهوا جيدا
التمر-العنب-البازلاء-العدس المهروس
ادخال الخبز بعد تطريته بالحليب
المعكرونه
الشهر الحادي عشر:
الجبن-االبيض المطهو طهوا جيدا-السمك
منقول
الله يخليه لك
ma ga9artaaw
انا مع خواتي شوفي اللي تعتقدين انه مناسب
بس 8 شهور وايد صغير على سمج ديري بالج ترى يسبب حساسيه
الغداا فوحى عيش وبطاط وجزر وحطيهم بالخلاط لين يصير ناعم حيل وحطيه بالصحن وزيده اشوي ماي علشان ما يكون ثقيل عليه ووكليه
وقت العصر او المغرب اعطيه تفاحه مهرووسه وحطي معاها جزر وتكون ناعمه حيل ( مثل العصير) واعطيه
العشاا اعطيه مثل اكل الغداا وقبل لا ينام خل ياخذ رضعته( تري الحليب مهم حاولى بين كل ساعتين من اكله تعطينه الرضعه)
عندج اكل بالجمعيه للرضع ( فيه امهات يعطون عيالهم بس للامانه ما حبيبته لانه كل ما كان الاكل فرش بكون صحى اكثر)
9
يعطيهم العافية
بس بضيف شغلة وحدة لا تعودين الياهل عالحلويات من اول شي
لان راح يعتمد عليها وما ياكل غيرها
للاسف انا بنتي جذي