البواسير بسبب الحمال والولاده ساعدوها

قووووووووووة اخواتي العزيزات من اسبوع دقت علي ارفيجتي وحيل تعبانه والسبت البواسير اللي صابتها من الحمال وللعلم اهي عندها 4 منو يعرف دكتور شاطر او دكتوره تقدر تحل مشكلتها هذي مع العلم انها تستحي حييل حتى ريلها مايدري عنها حبيت اسألكم لان ماقدرت انفعها وقلت اكيد في بنات تقدر تساعدني اني اساعدها

منو اشطر دكتور او دكتور وشنو تقدر تسوي في البيت علاج
نحن بالانتظار

حبيبتي اذا اهي توها والده خل تاخذ تحاميل للبواسير وتاكل اكل ما اييب الامساك وانشالله راح يروحون منها واذا للحين حامل خل تكافح الامساك قد ما تقدر واذا ولدت بالسلامه تقول حق دكتورتها الي تبي تولدها تعطيها علاج وما تشوف شر يالغاليه

هو اهم شي الامساك.. لازم تدير بالها منه..

خل تاخذ ملين اذا عندها امساك..(في نوع وايد زين انا مجربته اسمه بني فايبر) كله الياف طبيعية مايضر
هو صاير جنه عصير تفاح وتقريبا نفس طعمه.. وخل تسال دكتورتها عنه..

ومثل ماقالت (بنت ابوي) خل تاكل اكل يبعد الامساك (لبن، برتقال، كيوي، الخبز والتوست الاسمر،..)

وتقول حق دكتورتها تعطيها كريم ترا وايد يريح..

وانا ادري ان مغاطس الماي الدافية زينه بعد.. تقعد فيها نص ساعة على الاقل مرة وحدة باليوم..
(هي عادة تكون مغاطس ماي وملح بس ماادري اذا هذا ينفع مع الحمل والا لا) تسال دكتورتها على هالموضوع احسن

او تقدر تسويلها بدال المغاطس مطارة ماي حار وتحطها مثل كمادات دافية للبواسير

وسلامتها وماتشوف شر..

اذا توها والده

في علاجات وايد بالصيدليه تريح
تروح حق دكتورتها الي ولدتها وتصرفلها الادويه انا حاشني بولادتي ومع العلاج راح
بس اهم شي على طول تخلي بطنها ماشي مو ماسك

انا جربت العسل على الريج يمشي البطن

يعطيكم الف عافيه على مروركم وماقصرتوو والله مشكووووووووووووووووورين
بس اهي مو حامل ولا والده ابنه اسم الله عليه عمره سنتين بس حيل تعاني منهم وانا وصلت لها معلوماتكم ومشكورين
بس محد يعرف دكتور او دكتوره زينيين حق العلاج وجزاكم الله الف خير

حبيبتي خل تاخذ كركم مع زيت وتخلطه وتحطه كانه دهان على المنطقه والزيت يكون اما زيت الزيتون او زيت تستخدمه

وان شاء الله تطيب لان اختي في حمالها في ولدها ماخلت طبيب ماراحت له هي وزوجها اخر شيء قالت لها جدتي تخلط الكركم مه الزيت وتحطه دهان اللحين هي بخير اتمنى ان ينفعها

تقبلي مروري

حبيبتي علشان الامساك انا جربت كل الادويه فادوني بس مو وايد،،،،خليها تاكل حبتين اراسيا ( هذا المجفف الاسود الي مع المشمش المجفف اهو كوجه مجففه)
والله تنسى شي اسمه امساك

اذا هي موحامل.. اول شي خل تشوف نوع البواسير شنو..
لان في اربع درجات من البواسير.. الدرجة الثالثة والرابعة ماينفع لها الا الجراحة

اما الدرجة الاولى والثانية تتعالج بالادوية والليزر <<< هذا اللي سمعته..

بس بالنسبة للدكاترة. مااعرف احد معين..

الله يشفيها ……………….. يااارب

انا بكل حمله تصير فيني بواسير لكن بعد الولاده تختفي