|
|
السلام عليكم
انا خايفه من شي
احس مرات انه داشني هوا انا بنت مو متزوجه توني صغيرة مستغربه من الهوا شنو السبب
مممم يمكن صح لبسي قصير بالبيت وهو المكيف بارد بس شسوي يعني لازم اتستر عشان ما يدشني هوا ؟
بعدين شنو اسوي عشان اتفادى هالنقطة
وشلون اعتني بنفسي وقت الدورة بحكم اني بنت ؟ انا ماخذ ادوية واعشاب كلش كلش ماعرف هالسوالف بس رفيجتي بالكلية مره كنا طالعين وهي تدري علي الدورة طلبنا من مطعم جان اطلب ببسي 
المهم اضطريت اكل بدون ما اشرب شي بس اذكر قالتلي اذ رجعتي البيت حطي تمر مع رشاد لازم اول ايام الدورة جذي شوفي شلون بينفعج وبتدعين لي
وصج حسيت انه نظفني عدل
قولوا شنو بعد يصلح البنت تسويه وقت الدورة
و اذا حسيتي ابرد في منطقة بطنج حدي مطارة ماي عليه
بس حزة الدورة ماله داعي القصير اقصاه اسبوع وعالاقل الايام الأولى لبسي بيجامات طويلة ودفي بطنج وشربي دوافي
ولعبي رياضة شوي ترى اهي اللي توخر عوار الدورة
شوفي-حبوبه
سويتلج سيرش من- النت
هذا-النظام-اسمه-نظام-فيافي-للدوره-وللنفاس
اثناء الحيض عليك تجنبي الأتي:
الجوع الشديد(يعني رجيم يوقف) او التخمة الزائدة
الأكلات اللزجة مثل الملوخية, الباميا,البصل الاخضر,القرع,الشمام ,البطيخ
الحوامض خاصه الليمون, لاباس بأكل برتقاله في اليوم ولكن بعد الشبع ( لاتكن حامضه )
الأيسكريم,الجوامد بشكل عام
تعريض القدمين للماء او المشي حافية على البلاط البارد او الأستحمام بكثرة
المحافظة على النظافة اليومية
تجنب(المشروبات الغازية)
حمل الأشياء الثقيلة او سحبها وهذا لايمنع الحركه والعمل بل على العكس اعملى الأشياء السهله وتحركي لكن لاتجهدي نفسك فوق طاقتها
العنب الحامض والرمان والكيوي والاناناس والمنجا
ممنوع الرياضه العنيفه اثناء الدوره
(((أول 3 أيام)):
في الصباح وعلى الريق تأخذين مع هذا السفوف ( اللهوم ) بعد جمع نباتاته وطحنها وتأخذين منه 2.م.ك
{ كوب حلبه+ نصف كوب حبة سوداء + مقدار فنجال حبة حلوة+م.ك قرنفل} وتلهمينها وتشربين بعدها كوب حليب
بعد ذلك تتناولين التالي:
تمر معبوط(وياليت تكون عجوه) + م.ك. سمن غنم او زبدة يطبخ على نار هادئه لمدة 10 دقائق ثم يضاف إليه حب الرشاد وهو ناشف بدون غسيل.
أتمنى الفائده للجميع
لان قبل الدوره بفتره عنق الرحم يتوسع شوي فمرات اذا تقلبتي بالفراش او قمتي فجأه تحسين دش هوا
بس هالشي مو كل يوم مرررات و عادي طبيعي لاتوسوسين
وكثري من الشوربات بكل انواعها وطبعا الحوامض ممنوعه
ولا تاخذين حبوب الصداع لأنها تجلط الدم وتحبسه داخل الرحم ( للبنت والمتزوجه طبعا )
ولا تعرضين نفسج للبرد والسنترال تدفي على قد ما تقدين ولبسي دلاااق احسن لج
واذا تحسين بالام الدوره حطي مطارة ماي حار على بطنج وظهرج
بس اكثر شرب حليب حار بدارسين ولا اروح سينابون
وايد يحوشني وانا بعد بنت
لأني أنام بشورتات والسنترال فوق راسي ولا بعد مرات أبدع .. أتسبح وكلي أقطر ماي وبعدين ألبس بجامة النوم واشخري تحت السنترال
وكله يحوشني مغص يقطعني تقطع تقولين ولادة شوي عليه بس ما أتوب .. عوار شي مو طبيعي ما أقدر اوقف على ريولي أصلاً !!!
عساكم ما تشوفونه
واللي قالت إني صبي .. شكو بالله صبي بيسأل عن هالشغلات
صج غباء