البنات يغازلون من 3 ابتدائي

طبعا الموضوع يصدم من أمه

سمعوا هالسالفه….

ياتني بنتي اللي بثالثه وتقولي:

تصدقين ماما أبلتنا الالعاب تغازل

طبعا انا انصدمت وماكنت اتوقع ان بنتي تعرف ان في شي اسمه مغازل

المهم قلت لها

صج!!! شلون عرفتي؟

جان تقولي: سمعناها تتكلم بالتليفون وتقول: انا مش عايزه فلوس ولا عايزاك توصلني انا عايزاك انت

قلت لها ويييي مسكينه يمكن متزوجه وزوجها بيطلقها واهيه تحبه وتبيه ولا تبيه يهدها

اقتنعت البنيه وراحت

دشت علي بنتي الثانيه برابعه ابتدائي جان اقولها تصدقين ابله اختج تغازل (ابي اعرف شنو يعرفون عن لمغازل)

المهم بنتي فجت اذونها وعيونها وخشمها وكل شي وقالت من قالج؟ شلون عرفت اختي

قلت لها السالفه والمبرر…قامت تهز راسها

المهم ناديت اختها وقلت لهم انا بقولكم عن المغازل:

جان اقول ان في بنات موزينين يغازلون واحنا مانسوي جذي، واكيد راح تسمعون سوالف بنات يغاولون انتوا مالكم شغل فيهم، (طبعا انا ليلحين مادري اهم شعرفون عن لمغازل)

جان تنط بنتي لصغيره وتقول اي ماما صديقتي فلانه كله الخميس تروح السكيتنق وتبوس خالد رفيجها واهيه تحبه وتب تتزوجه (يا لهوي يا لهوي) انا وايد بريئه

وزادتها بنتي الثانيه اي ماما بعد …فلانه قصت شعرها بوي وتقول انا احب…وابي اتزوجها وبقول حق امها اني بخطبها

وااااااي ابي تخيلوا انهم صغاااااااااار احنا ماعرفنا هالسوالف اللا بالثانوي

الله يستر على عيالنا والله الدنيا تخررررع

نصيحه سولفوا مع عيالكم لأنهم يعرفون اكثر مما نتوقع

وتعيشون

صدمتني الصراحة

شنو هالجيل المفتح زايدة عن اللزوم

اغلب التفكير بهالعمر فطري انا هذا اللي سمعته من دكتور ومن كتب ويبدا الموضوع بكلام مثل احب واحد وبتزوجه ( بالنسبة للاطفال بليغي النطق والذكاء ) والموضوع طويل بس باختصار هالشي طبيعي وبالعكس شنو يقولونه عيالنا نتقبله بدوووون صدمة ولا غضب عشان يتعودون يفضفضون لنا مو للغير اللي ما تتدرين شيردون عليهم ومشكورة عالموضوع المهم والحلو

ههههههههههههههه
ايه الله يستر من الجيل هذا
حتى اخواني صغار عليهم سوالف

وي وي الله يستر من هالجيل

هههههههههههههه

عيل انا بنتي باولى ابتدائي
وتدرس بمدرسة اجنبية مختلطة وفيها كل المراحل
هذاك اليوم تقول يمه فيه وحده بمدرستنا كبيرة مسوية تجميل حق خشمها عشان تصير حلوة وتعجب الصبيان

واي انصدمت ….

هههههههههههه

من الصدمه مت من الضحك

الله يستر

لا حوووووووووووووول

يــــــــــــــــــــــوه الله يستر علينا وعلى بناتنا

والله عيال هالزمن غير شكل

انا اشوف بنات في اولى وثاني ابتدائي اذا شافو واحد حلو اقعدو يقزوووووووون فيه بنظرااااااااااااااات الله اعلم فيها

الريال يستحي واهما ما يستحون

واخذيلج بقصص الحب والغراااااااااااام

وسوالف التلفزيون والقنوات البايخه عارفينها كلــــــــــــــــــــها

ولا تيني وحده في ليله زواجي تقولي انا بنام معاكم عشان ما تســـــــــــــــوون شــــــــــــــــــــــي(في 3 ابتدائي)

هههههههههههههههههههههههههههههههههه

يماااااا منهم البنات …

امبييييييييييييييييييييييييييييييييييية
خلف اللة علينا كل اصبيان الفريج اخوانه عبالنا اول

الله يستر علينا وعلى بناتنا

الله يستر

ترا انا اذكر بنت خالتي كانت يمكن بثانيه ابتدائي او واولى ماذكر بالضبط بس كان ااخوي كله يلعبها وتستانس عليه اخوي حزتها كان بالجامعه كانت كله تقوله انا احبك تتزوجني اتوقع لان يلعبها وعادي بعد اسبوع تستانس من احد ثاني تقوله تتزوجني ليما سالناها شنو قصدج طلع ان يوح اخوي ينام عندهم وليما قالن لها ليش قالت عشان نلعب كل يوم

اما البنت اللي تبوس خالد بالسكيتنج هذي مادري جنه فيها ان لوول

وانا من جم يوم يات بنتي تقول شفتي صديقتي الشاطره عندها رفيج تسميه برمز معين وتتكلم مع صديقاتها بهذه اللغه تحسب انا ما افهم,بس الله ما يرضى جذي,وبعدين اكيد اهي مو متربيه عدل,قلت لها مو شرط يمكن اصحاب السوء اهم الي شجعوها وانت نصحيها دام انها صديقتج وما عليج منها بشي ومن اليوم ورايح قللي مشيج وياها والله المستعان ويستر على بنات المسلمين والمسلمات