|
|
انا بسأل هالسؤال وابي البنات يقولولي اذا يحصل معاهم هالشي وله لا ؟
وابي الامهات يقولولي شنو السبب فيه ؟؟
ليش الامهات ما يرضون تقعد البنيه بروحها بدارها ؟؟
ليش دايما اذا كانت صاكه عليها الباب
اتيي الام واتطل عليها (( اتسوي روحها تبي شي ))
واتخلي الباب مبطل واتروح ؟؟؟
ليش يعني ماكو خصوصيه حق البنيه ؟؟
وليش اذا شافوها بدت تهتم بروحها يعصبون ويتنرفزون
ليش كل ما سوت شي قالولها هذا حق متزوجين وانتي اشتبين بهالسوالف ؟؟
يعني بالله اللي مو متزوجه اتقطن
اصلا بالعكس المفروض تكشخ عشان تتزوج خخخخخخخخ
بس انا سالفة الدار هذي منرفزتني وايد
ووايد بنات كانوا معاي يقولولي نفس الحجي
فحبيت اعرف من البنات كلكم جذي ؟؟
والامهات
ليش ؟؟ شالسبب ؟؟
لووول
والله لي الحي نفي
بس ترا مو امي لا تفهموني غلط
امي بس لا اتشوفني قاعده وصاكه علي داري لووول
صج مادري ليش
شوفي قبل لا اتزوج كنت اتذكر ان الوالده كانت تنصحنا وتخاف علينا بس احنا مو كفو ماكنا نقدر هالحرص كله نفكر ان هذي لتصرفات لازم ماتسويها امي لازم ماتسالني لاني كبرت لازم ماتعترض على تصرفاتي
وسبحان الله دار الزمان وتزوجت وصار عندي عيال ولاشعوريا قمت اسوي مثل ماسوت معاي امي وبعد ازود بس هذا من خوفي وحرصي عليهم بس سالفه تبطل البيبان انا ماعندي بس صاكه عليهم شوي بالطلعات مع الصديقات
وعندي حركه حلوه ههههههههههههه لما يشبكون على النت اسوي روحي ابي شي واطل طل على النت تدرون الدنيا مالها امان وعيال ابليس ماخلو شي لعيال الحلال
وبس سلامتكم
بس صدقوني كل هالتصرفات من خوفنا عليكم 
ولا اقرى كتب
عاد لمن سافرت بالغربه قعدت بروحي تصدقين افتدقت الطريقه بس عاادي تتزوجين وتنسين
ياليت كل الامهات اليدد يحرصون مثل امهاتنا أول
الحرص واجب بكل شي
اصلا امي الله يرحمها حتى ترتب الكبت + تنبش فيه << يا حلاتها
والله لو كل الامهات ينبشون ويحرصون جان ما شفنا هالبلاوي
اللي زايده هالايام
الله يستر علينا وعلى عيالنا
آخر شي قـمت اقولها انا متزوجه بس ريلي مسافر هههههههههه
واول كانت تيي تطل عالنت سـاعات بس الحين لا تدري وين ادش وسـاعات اذا في بضاعه ولا شي اقعد اوريهــا ولا سوالف متزوجات والعابهم حق بنات خالتي عـادي صرنـا فري الحين
الله يستر عليهم لا تلومونها اذا ينتو البنت اتعرفون ليش اتسوي جذي
ياما تناجرت مع امي على هالسالفه و الحين اقول احسن شيء سوته ما تنلام
ومرات امي تيي تطل علي وتقول وينج ميتة حية ؟ لأن امي تحب لمن العايلة
تجتمع نكون كلنا مع بعض بس انا طبعي احب اقعد بروحي وماا تنرفز اذا طلت علي وراحت بس اتنرفز لمن تطلع وتخلي الباب وراها مبطل
مالي خلق اقوم اسده.
|
المشاركة الأصلية كتبت بواسطة Xtina
 انا احب القعده بداري مرات واحط الهيدفون واسمع على سريري
ومرات امي تيي تطل علي وتقول وينج ميتة حية ؟ لأن امي تحب لمن العايلة تجتمع نكون كلنا مع بعض بس انا طبعي احب اقعد بروحي وماا تنرفز اذا طلت علي وراحت بس اتنرفز لمن تطلع وتخلي الباب وراها مبطل مالي خلق اقوم اسده. |
ذكرتيني بللذي مضي
..الحين تسوون روحكم ماليين من حرصها عليكم وانها داريه بالها عليكم و تحاتيكم!لكن الله لا يوريكم غلاها .
والله لو عندي بنية اسو نفس الشي اخاف عليها حتى واهى بالدار بروحها