البنات المطلقات والمتزوجات بقولكم شي أقسم بالله ماراح تتحسفون

شخباركم عساكم بألف خير إن شاءالله
أنا أول مره أكتب بهالقسم بس والله كتبت هالموضوع لعيونكم وأبيكم تستانسون بس

بقولكم سالفه صغيره

أنا مو متزوجه
يوم من الأيام سمعت شغله والله لما سمعتها قلت خلاص مابي اتزوج وأمي اخترعت عبالها فيني شي
قتلها يمه بس سمعي هالكلام ولما سمعته والله ويها تغير عاشت جو ثااااااااااااااااااااني
وأنا لما سمعته وربي كش شعري جسمي كله
والله لو تسمعونه بتقولون مثل ماقلت

هالشي حق المطلقات
الزوجات اللي مأذينهم أزواجهم
البنات اللي مر عليهم العمر وماتزوجوا
العزوبيات
وحتى الزوجات اللي زينين معاهم أزواجهم

والله والله والله لو تسمعونه وربي ماراح تندمون أقسم بالله راح تحسون باللي انا حسيته ويمكن أكثر
سمعوه بروحكم وعيشووووا الجو

اهو شريط اسمه ( وغارت الحور ) حق الشيخ ( عبدالمحسن الأحمد )
خلوا أي أحد اييبه حقكم تلقونه عند الأماكن اللي يبيعون فيها أشياء دينيه

في بنات مايحبون يسمعون سوالف فيها دين وماادري شنو
بس والله لو تسمعين هذا جنه واحد قاعد يسولف معاج اينن اينن اينن ماشاءالله

لما تسمعونه تدرون شنو بتقولون؟ والله راح تقولون ياربي أبي أروح جنتك اليوم قبل باجر والحين قبل بعد شوي والله هذا اللي تمنيته … تدرون شنو قلت انا ؟ ياحلات الموت دام هذا اللي راح نلقاه آخر شي
بتقولون أرام مينونه ؟ <<< بقولكم سمعوه وانتوا راح تصيرون أين مني

شوفوا أحلفكم بربكم لاتستهينون فيه وحتى بناتكم الصغار خلوهم يسمعونه والله والله والله ماراح تندمون وياأمهات اشتروا الشريط حق بناتكم وسمعوه قبلهم وراح تقولون أرام صادقه بكل كلمه

إذا سمعتوه بس أبيكم تدعولي دعوه صغيره
الله يقدرني على بر أمي وأبوي إذا كبروا بس هذا اللي ابيه