البنات اللي يدرسون برا

السلام عليكم ورحمه الله وبركاته

راح ابدي بالموضوع على طووووول انا سلمكم الله كنت ادرس برا بلندن على حسابي الخاص بس الله ماكتب لي اكمل طبعا مو نقص بالفلوس لا نصيب درست تقريبا 3 اكوارس المهم انا الحين صارلي سنه بالبيت مقدمه بالديوان تقدم لي واحد يدرس بامريكا ولمن درا اني كنت ادرس برا رفض وقال ماخذ وحده تدرس برا المهم طنشت قلت تفكيرة رجعي والصدمه شنو انه رد وتقدم لي مره ثانيه ورفض ابوي قال البنت مو لعبه بيدك قال آسف عمي انا ماكنت ادري انكم معاها لان اهلي كانوا مستقرين بلندن وبعدين ردينا واهوا قال علبالي بروحها لحد اهنيه وابي اوقف هذا الموضوع شرايكم فيه يعني اللي دارسه برا ممنوعه من الزواج علما ان احنا بدو
ترا الموضوع صارله سنه
وسلامتكم

اي عادي .. انا كنت ادرس بره وكلمن يدري اني بره يهون حتى رفيجاتي و هلشي حتى على بنات الجامعات الامريكيه اللي بالكويت
شبابنا تفكيرهم بطيييخ من كثر مااعرفوا كل هب ودب عبالهم كل بنات الديره من هالاشكال ..
اخذيلج واحد متفهم وعارف الحياه مو واحد متعقد و يعقدج معاه

تصدقين وااايد اسمع عن هالسالفه وخصوصا اني ادرس برا بس مع الاهل

انا ولد خالتي رشحوله وحده طيبه اخلاق كانت تدرس بامريكا تدرين شنو قال ؟!!! لا يحوشك

طبعا انا ❊❊ انصدمت

والحين ودي اكمل بروحي ،، خصرصا باقيلي بس سنتين واتخرج حرااام ارجع

واللي ما يبيني بالطقاق ،، شنو هالتفكير الرجعي ،، والبنت اللي تدرس برا هذا دليل ثقه اهلها فيها

لو اهم مو واثقين فيها جان ماخلوها ،، اعتقد هالسبب كافي انه يرضى فيها

وايد جذي تفكريهم

يعني اهوا في اهانه انا احس لأنهم يعممون انه كل البنات اللي يدرسون برا يخربطون او انهم منفتحين وايد

بس اكو سالفه اعرفها واحد خطبوله بنت من اهله كانت تدرس برا قال ما اخذها لأانها رضت تروح بدون محرم و من هالكلام يعني,,,

ياكثر اللي تفكيرهم جذي بس اذا انتى واثقه من نفسج ماعليج منهم وبالطقااااااااااااق

هلابكم واللم الموضوع صج مهم بس انا ماشوف في مانع انها تتزوج يعني شفيها لو درست برا البنت وتوفقت بدراستها بالعكس المفروض يوقف معاها ويدرسون اهم الاثنين بس طبعا احنا يمكن في مجتمع له فكرة على دراسة البنت برا يخلي بعض الناس متمسكين بافكارهم وظنونهم والله يوفق الجميع يارب وتقبلي مروري

تراا مو كل الرياييل جذي
انا تزوجت وريلي قدملي اوراقي اكمل دراستي بره واروح وارد ساعات بروحي وساعات معااه

شالتخلف!! عاد شوفيي تفكيره اهوه شنو .. يعني اللي بره تخربط واللي بالكويت ماتسوي شي!! لا حبيبتي في رياييل متفهمين ومثقفين ويبون اللي دراسه بره .. كل شي نصيب ولا تفكرين بواحد متخلف.. تلقين محتر وعموما الريال الكويتي مايبي المره احسن منهه!!

معليش بنات ادري مو مكان هالموضوع اللي بقوله هنا
بس وربي محتاره
انا تو مسجله جديده ومو قادره اكتب موضوع ؟؟
يقولو لاتملك الصلاحيه؟؟
شلون اقدر اكتب موضوع ياحلوين؟؟
وانا بكتب موضوع لاي وحده تبي تبيع فستان كشخه حق زواج ياليت تراسلني الله يوفقها لان عندي زواج الاسبوع الجاي ومرررره مبتلشه

حبيبتي لا تلومينه من اللي يشوفه ويسمعة

البنت الزينه تفرض احترامها وتكون محترمة بره ولا بالكويت

المهم السمعة وحنا كلنا نعرف بعضنا واكيد لما الولد يسأل عن البنت بتكون سيرتها زينة وما عليها

المهم الستر والبنت تحسب حساب هذا اليوم والكويت صغيرة وكلنا نعرف بعض

والله يستر علي كل من يدور عالستر

مشكورين على مرووركم ترا اهوماعليه حسافه بس شنو اهو يقول دارسه برا ليش وماليش جنا حلال له وحرام علينا ويوم درا ان كل العايله كانت هناك يقول تطمنت انا اخوي مرته كانت تدرس برا والكل طلع عليها اشاعات بس والله صج صج ونعم فيها

ماينلام الصراحه الشر يعم والخير يخص
وايد ناس تفكيرهم جذي وبنات ابليس مو مقصرين الصراحه بس اهو المفروض يسأل من قبل مو على كيفه يهون بعدين يرد يطق ويهه الصراحه فيها جلة حيا ..!!

اللي تفكيره جذيه ما يشوف شر ياخذله وحده دارسه هنيه و يمكن يسلم , البنت لو بتسوي غلط تسويه بدارها , بناتنا في منهم دارسين برى و في من اللي خذت من اللي درسوا هنيه و في اللي خذت اللي يدرس معاها سالفة نصيب و توفيق

المشكله مو بجذي المشكله انه عجوول

يعني المفروض يتركد و يسال عدل من اول مره مو يرفضج اول ما سمع عنج تدرسين بره بس امبين انه صج متعقد .. اسال عن اخلاق البنت اول ولا الأخلاق يحددها من خلال دراستها بره ولا لأ.. واي باط جبدي