|
|
السلام عليكم
شلونكم شخباركم
ادري تو الناس على هالسؤال بس انا من الحين احاتي
بكفر المستشفى
انا ان شالله بسوي استقبال
بس شي بسييييط ان شالله
ومحتارة بالكفر وين اروح ووين اشتري
وابي اسعار مناسبة
لاني ابي استخدمه بعد الولادة حقي انا شخصيا
يعني مابي اخليه للمسشفى بو يومين واقطه بالكبت سنين
و مابي اسعار 300 و500 وفوق
الله مايرضى والله حرام
فكرت افصل بس قالولي التفصيل هالايام صاير نااااااااااااار ويمكن يطلع اغلى من الجاهز
لان الخياييط الهنادوة قامو يعوفون بسوالف الاستقبال وشغلهم صاير نار وشرار
بنات ابي مشاركاتكم لاتطنشوني
الله يسهل عليج ويوقومج بالسلامه
اختي الحين السوق متروس بس يبيلج تحوسين روحي محلات الكفرات وشوفيلج تحصلينهم ارخص وتقدرين انتي تزيدين عليه لولو او شوارفسكي وحاولي تاخذين لون تحصلينه بكل مكان علشان لاتتوهقين مه باجي الاغراض وفي محل بالنقره الجنوبي او الشمالي بالسرداب صوب محل الجذور مال الخام فيه كل شي حق البيبي وانتي بس تركبين عليه كفرج لان اهما اختصاصهم بيبي لبس وسرير ويمهم جم محل خل قمصان استقبال ….
وترى تحصلين اشيا حلوة ورخيصة بالاسواق الشعبية
انا بروح مركز بيروت تحت بالسرداب شريت منهم مفرش غرفتي والكل يسألني عنه وايد حلو وشكله غريب
و اذا تبين اغلى روحي صفاة الغانم عنده تنزيلات لغاية 70% كفراتهم صج روعة و راقية على 150 دينار بس الصراحة انا استغليته
ركبي فية دانتيل وتور وشوار من محلات الكلف جذي صدقيني بيصير مميز
اب
اب
الله يسهل ولادتج ويقومج بالسلامه
رفع لعيووونج
اول شي الله يسهل عليج ويقومج بالسلامة يا رب .. ثاني شي نصحية لا اتفكرين في التفصال .. اول شي مو حلو ومو راقي وهام غالي !!
ثالث شي انتي بالضبط مثلي .. انا احب شي استفيد منه عقب يعني مو بس للولاده وبعدين تخزين حرام
رابع شي .. اذا تبين شي مو غالي بس هام مو رخيص حيل .. عندج في ( زارا هوم – ديبانهامز – الغانم – نور الجنان برحاب )
اذا تبين ارخص ( تروفاليو – في محل اسمه السلطان بعد هذا ارخيص اعتقد مكانه بالعارضة – في محلات وايد بالرحاب عندها )
امممممممم .. بعد هل الايام هابين في كفرات شغل تركيا .. اعتقد الغانم الي بالري يايب منهم .. والله يوفقج ويقومج بالسلامة يا رب
|
المشاركة الأصلية كتبت بواسطة أميرة طفولتي
 حبيبتي انا امس كنت بالفنار في محل يم البوشيه محل كاااااااااامل حق سوالف المستشفى كل شي تبينه قمصان الاستقبال و كفرات ومفارش وملابس للبيبي وجيسه ومسوي خصم 50% على الكفرات وباجي الاشياء 70% بس عجبني جم واحد بصراحه شغل راقيوذرب ونااااعم موو خبه وكشاكش وشك ومك,,, وكله كان اوف وايت وبيج تقدرين تمرين وانشالله يعجبج شي
|
حبيتي مشكورة وايد
والله ماقصرتي
انزين المحل وين صاير بالضبط داخل الفنار والا يمه؟؟؟؟؟؟؟
|
المشاركة الأصلية كتبت بواسطة bint_q8
الله يسهل عليج ويوقومج بالسلامه اختي الحين السوق متروس بس يبيلج تحوسين روحي محلات الكفرات وشوفيلج تحصلينهم ارخص وتقدرين انتي تزيدين عليه لولو او شوارفسكي وحاولي تاخذين لون تحصلينه بكل مكان علشان لاتتوهقين مه باجي الاغراض وفي محل بالنقره الجنوبي او الشمالي بالسرداب صوب محل الجذور مال الخام فيه كل شي حق البيبي وانتي بس تركبين عليه كفرج لان اهما اختصاصهم بيبي لبس وسرير ويمهم جم محل خل قمصان استقبال …. |
انا خاطري بهالشي بس ماعرف سوالف اللوولو والترتر وهلااشياء بشوف احد يساعدني اذا مالقيت اللي ابيه
|
المشاركة الأصلية كتبت بواسطة سارة العويس
والله انا هم نفسج انا مابي اسوي استقبال بالمستشفى اهلي واهل ريلي مو هنيه بس ودي بشي بسيط
وترى تحصلين اشيا حلوة ورخيصة بالاسواق الشعبية انا بروح مركز بيروت تحت بالسرداب شريت منهم مفرش غرفتي والكل يسألني عنه وايد حلو وشكله غريب |
اي سالفة المفرش وايد حلوة الحين هابين فيها مشكورة حياتي ماتقصرين
|
المشاركة الأصلية كتبت بواسطة twinsmam
مجمع الرحاب في كفرات وايد حلوة اسعارهم من 35-60 دينار
و اذا تبين اغلى روحي صفاة الغانم عنده تنزيلات لغاية 70% كفراتهم صج روعة و راقية على 150 دينار بس الصراحة انا استغليته |
مجمع الرحاب قالولي عنه وقالولي في نفس الاسعار اللي قلتيها وهم قالو في بو 500 وفوق
المهم انا شكلي بروح صفاة الغانم مثل ماقلتي
بس ماتدرين لي متى الخصم؟؟؟؟؟؟