البامبرز وحساسيته .؟؟ . تكفون دخلوا

السلام عليكم..

بنات بنتي صارلها اكثر من 20 يوم حايشتها حساسيه وماخليت شي ما استخدمته سواء طبيب او صيدليه
ومانفعها..

والله اكثر من 10 كريمات ويخلص الكريم ولا اكو فايده؟.؟؟

البعض قالي غيري الحفاظ بس مادري كنت اتصور افضل حفاظ بامبرز..
بلييز اللي تعرف كريم زين حتى لو غالي تقولي والله البنت تكسر الخاطر

الله يجزاكم الجنه

ما تشوف شر بنوتج

انا اذكر على بنت اختي ما طاح عليها البامبرز وكان مسبب لها حساسية قوية حيل حيل اللي جلدها انصلخ وقام يطلع لحمها

واستخدمت هجيز والحمدلله كان اوكي معاها

وعليكم السلام
نفس مشكله بنتي
البامبرز مو على كل ياهل يطيح انا بنتي تنتفت من البامبرز استعملت لها دارلنق وايد كان انسب اهو تحسينه قطني من داخل
بالنسبه للكريمات شوفي في كريم بالصيدليه صغير لونه ابيض باخضر وترى فيه نتفه كرتزون انا كنت احطلها منه وفوقه طبقه من كريم ثاني هم من الصيدليه طويل لونه ابيض بازرق
ادري وصفي للكريمات خرطي بس شسوي مو حافظه اساميهم
ومن تنام البنت طلعي الحفاظ وحطيلها كريم وحطي تحتها شي وخلي البنت تتهوه شوي
الله يعافيها يارب

انا الصراحة اتوقع من بامبرز لأنه ايسبب حساسية غيرة لنعية هجيز او بيبي جوي وستخدمي سوداكريم تراه يمدحونة حق حساسية الحفاظ

ترا الحفاظات كل ياهل غير ..
انا البامبرز ما كنت اقدر البسه بنتي العودة بو نص ساعة وتصرررررخ ..
الثانية كان ماشي معاها من احسن ما يمكن بس غيرته علشان ريحته ..

عموما انا بقولج عن كريم من احسن ما يمكن بس ديري بالج للحالات المستعصية مو كل يوم لأن فيه كورتيزون ..
بنتي تخررررررع لما تتسلخ ينشلع يلدها ودم بعد عمري اهيه نوعية جسمها جذي ماقدر اصبر عليها ..
اسمه (بانديرم) ما تحصلينه بصيدليات بره بس صيدليات الصحة موجود حتى بالمستوصف ويفضل تحطينه بالليل علشان ياخذ مفعوله بتحسين بتأثيره من اول مرة بس مووو على طول ..

وغسول abc عجييب نستخدمه انا وبناتي طبعا واصفته لهم د.ريم قنواتي يعني مايضر البيبي حتى بو شهر عادي انشالله ..

وكريم لكل يوم انا طحت على واحد اسمه (زينكاست) موجود بالجمعيات ورخيص حسيته اخف من سودو كريم حق استخدام يومي وهم ماشي مع بنتي اوكي ..

والله يشافيها انشالله

حطي لها ميبو او شي فيه كرتزون
واستخدمي غسول abc بالصيدلية لونه قمر ديني
واخذي من المستوصف الدوا الازرق الي قبل نستخدمه حق الجروح ينشف والله وخليها شوي بدون بامبرز هفي عليها اذا حطيتيه عشان يطقها هوا وبنت عمي تحط نشا اذا كان متسلخ ينشف ويريح تقول
واحسن حفاضات libero بنتي كانت نفسج بس والله بنت عمي قالتلي ترى هذول احسن حفاضات الماني مو خليجي وصج وايد ارتاحت بنتي والحين ولدي وماشاء الله ما يسرب جربي وانشاء الله تتحسن يارب

شوفي حبيبتي بعد السلام ….. اختي يوم يابت بنتها تستخدم لها بامبرز و من النفاس البنت واااااايد منسلخة و الله العظيم ما خلت دكتور الا و ما ودتها له .. طبعا عفاف الرومي وخري عنها ما تعرف شي … اخر شي نعتولنا دكتورة اطفال بمستوصف العديلية و الله انها الحين مسافرة تكمل بس سمعي اشقالت حق اختي اولا البامبرز لأ لان فيه زيوت عطرية عشان اول ما الياهل يسوي شي تطلع ريحه حلوة .. فتستخدم اما الهجيز او ليبرو او دارلينجز .. ثانيا تغسلينها عدل وتمشينها وديري بالج من المناديل مالت جونسون و سيبا ميد و الماركات الثانية كلها تسوي التهاب حق الياهل و خصوصا اذا كانت بنت .. وبعد ما تنشفينها عدل من الماي بفوطة ناشفة خليها من غير البامبرز مدة ساعة بالكثير عشان الفطريات تموت بالهوا … و بعدين عطتها 3 كريمات من المستوصف اخلطهم مع بعض وهم كريم الحفاظ مال المستوصف و كريم ببانثين الصناعة المصرية الابيض فيه خط اخضر و كريم الفطريات طبعا كل تغير بامبرز تحطلها منهم والله في غضون 4 ايام اسم الله عليها راح عنها السلخ و الله يعز الحكومة

احسن حفاضات ليبرو وايد زينة وكريم سودو كريم+الراعي

انا من غيرت حفاظات بامبرز الزفت وانا مرتاحه .. اللهم لك الحمد والشكر..

والله ماتتخيلين قبل شلون متعذبه مع بنتي .. الحين استخدم بيبي جوي والحمدلله مرتاحه

واذا تجرحت احط لها ميبو حق الجروح والحروق

انا ولدي حاشته فطريات من البامبرز والحين هو على ليبرو شحلاته

ترى اذا فطريات ما راح تروح الا بكريم مخصص السودو كريم و غيره مايسوون شي

الدكتورخالد السعيد عطاني مره كريم للفطريات لولدي تشترينه بدون وصفه عادي

اسمه كريم Daktacort للفطريات لونه ابيض باحضر

حبيبتي استخدمي بامبرز لايــبيــرو libero والله وايد نفس حالة بنتج وبس استخدموه ارتاحوا

انة بنتي مثل بنتج ما خليت خاص ما وديتها كريمات شريت لها ما كو فايدة والبسها بامبرز بس شنو سويت لما اغسلها اجفف المنطقة عدل بالفوطة وارش عليها بودرة جونسون والحين تمام راح الاحمرار والحرارررررررررر والفطريات

انا بنتي صار فيها وجنه حرق مو حساسيه طبعا حساسيه قووووووووويه
عطاني الدكتور لها كريم ميبو للحروق لانه بالاعشاب والسمسم والحمدلله عقب يومين راح منها نهائيا والحين استخدم لها كريم الصودا اللي علبته رماديه

غيري بامبرز لان وايد يهال اييبلهم حساسيه وتكرمين يسرب..

جربي ليبرو وايد زين

جزاكم الله خير..وفعلا امس رحت بدلت الحفاظ..وبحاول اوديها الصيدليه اشوف شيعطيني

ربي يعافيكم ويخلي لكم عيالكم