الاوقاف ولا التربيه

السلام عليكم ورحمة الله وبركاته

اشلونكم بنات وشخباركم ان شاء الله بخير

بنات انا ابي اتوظف بوزارة الاوقاف بس يقولون ان مافيه عطل وفيه بنات يقولون ان في عطل مع المدارس اشلوون يعني مافهمت قولولي الله يجزاكم خير وشنو الاحسن الاوقاف ولا التربيه

انا دبلوم سكرتاريه تنفيذيه وجم معاشهم الله يخليكم بنات ردوو علي

الاوقاف احسن لج وفيها عطل اكيد

انا سمعت انه فيها عطل نفس المدارس
طيب سؤال ؛ انا بعد سنتين اتخرج من الكليه ؛تربيه اسلاميه؛ اذا قدمت على الاوقاف معاشي نفس المدرسه؟

^
^
^
لا معاشج راح يطيح منه كااادر التدريس يعني بدال ال800 يصيرون 600 جذي

الاوقاف احسن لج مليوووووووووون مره مت التربية

بالنسبة للاماكن اللي نفس عطل التربية عندج كذا مكان
1- دار القران
2- السراج المنير
3-شؤون القران
4-الاترجة
5- القارئ الصغير

ومادري اذا في غيرهم او لأ

وبالنسبة للراتب نفس رواتب التربية ونفس عطلها

قبول المعلمات في الاوقاف لهم شروط
تحفظين عدد اجزاء معينه
عندهم اختبار يعطونج اسماء كتب تدرسينهم
وبعدين في مقابلة وتسوين لهم درس يشوفون امكانياتج هل تؤهلج لمعلمة

وبالنسبة لمعلمات الاوقاف نفس رواتب معلمات التربية

واداريات الاوقاف نفس رواتب اداريات التربية

اتوقع الأوقاف احسن لأن في عصر من4 لي 7 او الصبح من 8لي12 اما المدارس من7ونص لي وحده ونص ,,, وكلهم نفس العطل والمعاشات ,,,

تسلمون حبايبي ماقصرتوا بس بغيت اسال جم المعاش

بالنسبه للتربيه جم معاشهم ؟
والاوقاف جم ؟

نفس الشي 560 تقريبا ,,,

حددي اولا
هل انتي جامعية ام دبلوم ؟

الدبلوم 500 وشي
الجامعي 635

اكيد الاوقاف احسن من التربيه

الاوقاف ..~
لا تختارين غيرها ..~
ولاحظي الحين الاوقاف كله بالواسطه .. لإن الدوام فيها حلو ومريح ..~
والله يوفقج