|
|
تعريف : يقصد بالأنيميا قلة عدد كرات الدم الحمراء فى دم الأم ، و بالتالى نقص كمية الهيموجلوبين بالدم
و حدوث الأنيميا لدى السيدة الحامل يزيد عندها إحتمالات حدوث بعض المضاعفات مثل : حدوث نزيف أو حدوث عدوى ميكروبية
بينما يتمثل الخطر على الجنين فى قلة كمية الأكسجين المحمول على كريات الدم الحمراء للأم و المنتقل إليه عبر المشيمة ، مما يسبب له بطء النمو و توقفه أو حتى وفاته لا قدر الله
و السبب الأكثر شيوعا لحدوث الأنيميا هو نقص كمية الحديد المتناولة فى الطعام ، و لعلاج ذلك ننصح بتناول الأطعمة الغنية بالحديد مثل : اللحوم الحمراء – الفول – فول الصويا – البرقوق – الخوخ – الكبدة – التفاح … إلخ
كما أنه من الممكن تناول بعض الأدوية التى تحتوى على الحديد ( مثل كبسولات الثيراجران هيماتينيك ) و التى تعطى تحت إشراف الطبيب المعالج
عاد انا فيني انيميا بس الحمدالله موحاده
والله يستر
والله وانا بعد معي انيميا بس بسيط انشالله
ونشوف الدكتور شنو رح يعطيني عشانها
ماقصرت غلاتي
بس لازم مايكون الاتكال عالحبوب بس لازم تاكل الحامل يساعدها الي جانب الدوا مثل :
البروكلي
الفلفل الاخضر
السبانخ
الجبده
المشمش المجفف
وسمك التونه
هذي الاكلات اتساعد وايد الي عندهم انيميا او فقر الدم المصاحب للحمل
والله يسهل علينا جميعا
والله يهون علينا ويقومنا بالسلامه
انه فيني انيميا حاده وبصراحه استفدت واخترعت من الموضوع بنفس الوقت
انا بعد انيميا حاده وعطتني ادويه مركزه كلها بس والله تعب الانيميا حيل
وكله دايخه وخمول منها مااقدر اقعد ساعتين على بعض عدل
وصج صج يقل التركيز انا صايره ماركز ولا اثبت
غير جذي عطتني ادويه حق القلب معاهم
الله يعين ويسهل
هذا لازم تروحين طبيب يشخص حالتج ويعطيج ادويه تفيدج
اذا كان فقر دم عندج خفيف ولا قوي على حسب
بتكون ادويتج كلها مركزه اذا قوي اذا عادي بتكون ادويه عاديه
عشان يرفعون الحديد والكالسيوم عندج لاتصرفين على كيفج بهل شي
واساسا الصداع هذا منبه لوجود نقص بالجسم فالبندول مايسوي شي بهل حاله ولا بيهدي لانه ماراح يعدل الحديد والكالسيوم معاج
فنصيحتي لازم طبيبه تعطيج ادويه على تشخيص حالتج
واسفه اذا طولت
والانيميا اذا قويه بتعبج وايد
بتحسين بدوخه وبغثيان وماتقدرين تاكلين وجسمج يتخدر وبالذات اطراف اصابعج والخمول القوي
وبتلاحظين على نفسج تنامين وايد وان مانمتي ولحقي بتصير فيج حالة اغماء
فديري بالج
|
المشاركة الأصلية كتبت بواسطة غرومه غنوجه
 مفروض ماتاخذين بندول
هذا لازم تروحين طبيب يشخص حالتج ويعطيج ادويه تفيدج اذا كان فقر دم عندج خفيف ولا قوي على حسب بتكون ادويتج كلها مركزه اذا قوي اذا عادي بتكون ادويه عاديه عشان يرفعون الحديد والكالسيوم عندج لاتصرفين على كيفج بهل شي واساسا الصداع هذا منبه لوجود نقص بالجسم فالبندول مايسوي شي بهل حاله ولا بيهدي لانه ماراح يعدل الحديد والكالسيوم معاج فنصيحتي لازم طبيبه تعطيج ادويه على تشخيص حالتج والانيميا اذا قويه بتعبج وايد فديري بالج |
فديتج مشكوره ع ردج انا رحت الطبيب ووصفت لي حبوب الحديد الحمرا ومستمره عليها واخذ حبوب كالسيوم وبعده الصداع ابداا معكر علي حياتي خص اذا نشيت من رقادي صدااااع فضيع اول مره احس جيه
لازم اكلج يكون غني بالحديد والطبيب يوصفلج حبوب الحديد على حسب حالتج
اللي عندها فقر دم خفيف ممكن يعطونها fefol اللي هي حبوب حديد مع فوليك اسيد واللي عندها فقر دم شديد يعطونها حبوب حديد اقوى مثل tardyferron
مشكوورة يا صاحبة الموضوع