الانطباع الاول .ياتصيب ياتخيب

[COLOR="DarkOrchid"]

السلام عليكم ورحمة الله وبركاته

شلونكم خواتي ان شالله بخير

من تجاربكم في عالم البنات والحريم …. ويا الانطباع الاول

اكيد خواتي صادفتوا هالشي بحياتكم…..تقابلون بنت لأول مره سواء بالدوام…. بمناسبه اجتماعيه…بمراجعه….بسفر …بسوق وغيره
ومن اول تعامل وياها تطلعون بانطباع ايجابي عنها….وتقولون هالبنت مبين عليها سمحه وحبوبه…وتدخل القلب…..ومع الوقت تكتشفون العكس… عكس ماتوقعتوا
واحيانا … تشوفين البنت ملامحها تعطي انطباع انها عصبيه ..او مغروره وشايفه عمرها….وجنها تقول لحد يكلمني….لكن مع الوقت تكتشفين انها ذات معدن طيب واخلاقها عاليه

هالشي يطرح تساؤل
1- هل تعتمدون على الانطباع الاول وتصدقونه….ولأي مدى يصدق معاكم….وتكون البنت فعلاً حبوبه او تكون فعلاً صعب التعامل معاها؟

2 – في حال كنتي تدورين لاخوانج او اقاربج زوجه….فشنو العلامات اللي تكون لج الانطباع من اول مره وتقولين هالبنت مبين عليها خوش بنيه وتستاهل نخطبها لاخونا…مظهرها؟ مثلاً…ابتسامتها وبشاشتها؟…..طريقة تعاملها.؟…..ذوقها باللبس والاختيار؟ او شنو بالضبط.؟ وشنو الشي اللي يخليج تنفرين منها

يمكن يكون موضوعي شوي غريب…..بس ان شالله يكون مفيد للطرفين للي يدورون زوجه لاخوانهم وللبنات اللي على وش جواز علشان تنتبه لعمرها وتعطي الانطباع الصح عنها

وسلامتكم

: [/COLOR]27d66a9c24b146327bf

أنا بصراحه ماأعتمد عالإنطباع الأول لأني وايد إنغريت ببنات يكون إسلوبها بالكلام حلو بس بالأخير أتحسف على كل لحظه قضيتها وياها وتطلع حيه…….بس شنسوي هذا حال الدنيا

وإذا كنت بأخطب بنت مانقدر من شكلها نحكم على أخلاقها بس وايد مهم إنها تكون ذربه

ام بنات

مشكوووره حبيبتي على الرد….تصدقين انا بعد شكثر اندقرت ببنات….عشان جذي اخاف تعجبني وحده واجدم وارشحها لأخوي …وانا كل اللي بيني وبينها مجرد لقاء عابر… والبنات هالايام يخوفون….صارت الابتسامه والبشاشه من ضمن البرستيج…يعني مو راس مال ولايُعتمد عليها

السلام عليكم

انا كنت وايد وايد اعتمد على الانطباع الاول
وكنت اذا ماعجبني الشخص خلاص وويه لو شنو
ولكن مع الزمن الانسان يتعلم
ومن اخطائه يستفيد
وعرفت ناس كنت ماحب اقعد معاهم ولا احب شوفتهم ولكن الدنيا علمتني انهم يسون الدنيا وكل مافيها

ومن عقبها خلاص قمت حتى لو من البدايه ماحس باي انجذاب لهذه الشخصيه ولكن اظل معاها لما اعرف اهي شنو علشان ما اظلمها

مو شرط الانطباع الاول يعكس طبيعه الي جدامي

لا بتاكيد حبيبتي لو بخطب لاخوي ضروري اسأل عنها واتأص ومااعتمد على مجرد شوفه وحده ولقاء عابر

خاصه انها بتصير عشره عمر ويانا

خاصه انه بنات هاليومين تلاقينها بمنتهى الذرابه وهي بالاصل عوووبه وقشره

فالواحد بالسؤال والتتأص يعرف علشان لا نظلم بختنا ولا نظلم بنت الناس ويانا على ابو الانطباع الاول عنها قال جذيه

يعطيييييييييييكم العافيه بنات وماقصرتوا

والى مزيييييد من الآراء علشان نحقق الفايده للجميع

حبيبتي انا غير كل الردود لما اشوف احد أول مره أما أكش منه أو أرتاح له و هذا شي يصير لي داخلي

يعني مثلا معاي وحده بالدوام أول ما شفتها ما رتحت لها بس تعرفت عليها بطبيعة شغلي و حتكيت فيها من جريب و لا حليوه بالتعامل بس عقب سنتين طلعت على حقيقتها و طلعت كل الهوشات اللي صير بالدوام من تحت راسها و أكتشفنا بالصدفه

و كنت ما أأمن بالاحساس لما بديت ألاحظ ان اللي احس فيه أول شي يطلع صح و لو بعد فتره طويله

و مع هذا اتعرف على الكل و ما أخذ فكره مو زينه عن أحد الا اذا شفت أكثر من موقف لان الانسان بطبعه خطاء و جل من لا يسهو

اما اذا فيها خطبه فالسؤال سيد الموقف

حياكم الله خواتي

سبحان الله في ناس عندهم حدس بسرعه يكتشفون شخصية اللي جدامهم
بس مشكلتج اللي مايملك هالحدس!

هاااااااااااااااي بنات ….

ابصراحه انا شكلي مغروره وانفيسه مثل مايقولون هذا الي ايشوفونه البنات لكن الرياييل ياخذونه ثقل…….. ومع ان شكلي غيييييييييييير جدا عن حقيقتي ودايما اسمع هلكلمه من الناس المقربين لكني دايما اعتمد علي الانطباع الاول بالحكم علي الناس … انا اعتبرها مساله احساس من النظر او بالكثير من اول ربع ساعه من النقاش ودايما يطلع احساسي صح حتي لو بعد وقت طويل وماعتقد ان في معيار يحددها مثل الابتسامه او الطريقه لان ممكن الوحده اتكون جدامي قمه في الذوق والبشاشه لكن من داخل احس ان في شي غلط وسبحان الله بعد ايام يطلع ظني بمحله!!!