الانتساب في مصر ؟

مساء الخير ع أحلى كويتيات ..

الله يوفق الكل اللي محتاج وظيفه واللي بيكمل واللي يمتحن ويرزق الكل ان شاءلله ..

بنات بغيت استفءر للي عندها خبره بخصوص الانتساب بمصر ؟

انا عندي دبلوم تجاري متخرجه من 2024 ابي اكمل بكالوريوس وبصراحه افكر بالانتساب ، يعني حبيت اعرف شلون تقديم الاوراق وطريقة الدراسه والرسوم وغيرها ، يعني تفيدوني وتستفيدون ومالكم غير الدعوه والاجر ان شاءلله ..

ي الله بنات لاتردوني اللي عندها معلومات لاتبخل علينا ، او دعوه او رفع ، الله يخليكم لاتهملون موضوعي محتاجه لردودكم ومعلوماتكم ..

مادري حبيبتي وشكرا عالدعوة اب لعيونج

اب اب اب

الانتساب مو معترف فيه بالكــويت

في نظام الانتظام تروحين كل نهاية كورس تمتحنين وتردين

نظام الانتساب مو معترف فيه بالكويت..

وحتى الجامعات الي بمصر الي فيهم انتظام مثل ما قالت الاخت ^^طالبه^^ الغو الاعتراف فيهم

تقدرين تكملين بالجامعه العربيه المفتوحة

عنـــــدج الجـــــامعة العــــــربية المفتـــــــوحة

أختى أبرسل لك على الخاص ماقدرت مو مفعله تلقي الرسائل

السموحه ام نروفه زين نبهتيني كنت غافله عنه الله يجزاج خير تقدريت ترسلين لي ع الخاص الحين

أول شي الله يوفقج بكل خطوة تخطينها انشالله بس حبيبتي لا توهقين عمرج نظام الانتساب مرفوض تماما من قبل التعليم العالي يعني تدرسين سنتين تروح عليج وما تتعادل شهادتج بالأخير فديري بالج ولا درسي خطواتج

موفقة يا رب