الانابيب وعلة الانابيب

السلام عليكم
بنات ابي اسالكم عن دكتور مصطفي تومسوووو منو جرب عندة اناااا رحت لة واخذت موعد بس ابي اعرف كل شي علشان يرتاح قلبي

وزوجي مايبي عيادات ومصمم علية لان واحد من ربعة مسويهاااا ونجحت واناااا احترت ولله وايد اهني مدوحولي الفريق البلجيكي وكل ماقولة مو راضي لان الانابيب بدار الشفاء 850 دينار مع الارجاع الاجنة يعني اهون بوايد من اللي برة وللعلم اناااا حملت مرتين طبيعي بدون اي شي اول مرة شهرين ونزل وثاني مرة غلطت دكتور مستشفي العرف مدحت خمس شهور ونزلة غصب ومن سوالي ولادة وتنضيفات بسب الاتهابات مع التنضيفات الغلط تسكرت الانابيب بعدهااابشهر سويت اشعة صبغة علشان اعرف شنو العيب اكتشفت ان الانابيب سكرت ولله وانا شوي يزر عقلي انا عمري 26 سنة تهقوووون تنجح وزوجي سووواا تحليل الحيونات المنوية طلعن ممتازة
ساااااااااااااااااااعدوني يابنات الله يخلي لكم صحتكم وعفياتكم انا ماعندي خوات وانتوووو خواتي اللي تعرف اي شي عن تومسوووو وكم التكلفة اللي سوتهاااا عندة ياريت تفيدني

ان شاء الله تحملين مافي شي كبير على رب العالمين حبيت ادعيلج
في دكتور اسمه باتريك حيل ممتاز بمستشفى لندن

,,,,,

والله بنت عمي كانت مسويه عند مستشفي لندن

طفل الانابيب وهي كبير منج بوااااااااااااااااجد والحين مشاااااء الله عندهاا 3,,,,,

ههم احسن اثنين
مصطفى تومسو دار الشفا
والفريق البلجيكي برويال حياة
عندج مصطفى سوت عنده لعضوة دانة الرشايده واحملت وجابت ولد

مصطفى يمدحونه انا ودي اروحله بس قاعده اسوي ريجيم بضعف اول شي وربج كريم

والله ماعرفة بس الله يرزقنا الذرية الصالحة عاجلا غير اجلا يارب العالمين.

الله يرزقج انا مجربه عند دكتور حازم الرميح بمركز الشعب اكثر من مرة وتكلفة العملية شاملة وكاملة تقريبا 1500 وحسب ما قالوا البنات مافى عملية طفل انبوب ارخص من هالسعر باكويت بس يمكن بالاردن ارخص مادرى بس عندنا هذا الرينج حق عمليات اطفال الانابيب وفى اغلى سمعت ان مستشفى العرف بالجهراء غالى وبعد دكتور باتريك وايد غالى توصل 3 الاف هالحجى سمعته ما جربته
الله يوفقج ويرزقج

الله يجزاكم خير يااااااحبيباتي بس انا رحت للشفاء هم قالولي تكلف 850 يعني اهم بيسون العملية بالمبلغ هذاااا شنو ممكن اللي يخلي المبلغ يزيد انا ماعندي اي ضعف بالمابيض بس قناة فلوب اللي مسكرة وزوجي عادي مافي اي ضعف هل انهم بعطوني ابر ومالت شنو ها الابر

بنات تكفوووون ساعدوني اللي سوت عند توووووووومسووو ياريت تفيدني وتفيد الجميع والله العالم بحالي وكم كلفتهاااا

آنا اللي أعرفه إن تكلفتها بحدود 1500 وبعض المستشفيات سعرها أكثر
حبيبتي دام تقولين انج ارتحتيله توكلي على الله صلي استخارة وشوفي والله يرزقج بالذرية الصالحة عاجلا غير آجلا يارب

الله يجزاج خير ياااااااااحبيبتي

بنات ولله احترت بين تومسووووو وبين الفريق البلجيكي وايد يمدحونهم طيب كم تكلفة الفريق البلجيكي

ياربي لاني بسويهااا علي حسابي والله ان الحسبة كلش حدي حدي الله المستعان بس يارب يكون في فايدة ولله من كثر مااااا شفت دكاترة ومستشفيات لاعت جبدي من نفسي وفلوسي ضاعت علي الدكاترة قربناااا انا وزوجي نعلن الافلاس ياااااااااارب تساعدني امانة ادعولي اني ماراوح الادكتور زين ويكون خيرة لي احترت يابنات لاتلومومني بلالحاح لاني صج تعب نفسياااااا

يلااااااا بنات ناطرتكم تكفووووون لاتبخلون علي قلبي يطق وصل الباب

حياتي سواء كنتو سليمين او في مشاكل

دام انك راح تسوي طفل انابيب لازم راح تاخذي ابر منشطة للمبيضين

و ابر او تحاميل تثبيت

و السر بعملية السحب و مدى قدرة الطبيب ومهارته بالترجيع ( ترجيع الأجنة )

وزراعة الأجنة بالرحم

ومدى العناية اللي راح تلقينها عند الطاقم الطاقم الطبي اللي راح يشرف عالعلاج

هذا اللي يخلي السعر يفرق من مكان للثاني

يااااااااااااالله يعني نتسلف ونقعد بتعب اعصاب الله المستعااااااااااااااااااان طيب بنات منو سوة عند تومسوووو؟؟؟؟

اررتفع ياااااااموضوعي لعل احد يبرد جبدي