الام الظهر

اخواتي انا قبل شهرين اجهضت بالاسبوع الخامس
الحمدلله ما احتجت تنظيفات بس اخذت ادوية نفاس
وانا لازلت اعاني من الام بالظهر وخصوصا مع الدوره

تعتقدون هالشي طبيعي ولا لازم اراجع؟؟

روحي راجعي احسن علشان تطمنيييين حبيبتي

والله يعوضج يااااارب الشهر الياي

سلامتج أول شي والله إعوضج، لازم إتراجهين المستشفى أحسن

اشكركم خواتي
ابي رايكم انا فاتحه ملف عند الدكتوره ماجده اليتامى تعتقدون اهيا جيده حق مثل هالحالات

اي ما شاء الله ماجده اليتامى ممتازه

خالدة المجيبل روعه

في رويال حياة ممتازة و الزحمة عندها اقل من ماجده

ماجده ما تدخلين عندها على طول اذا اول مرة

ماتشوفين شر
راجعي دكتورة و اخذي قرص القمر هذا شي من الحواي تاخذينه و تطحنينة و يصير مثل البودر الابيض تلهمين قفشه أو تضيفينها فوق الحليب وايد زين لعوار الظهر اللي بعد الولادة أو بعد الاجهاض

ما تشوفين شر والله يعوض عليج ان شاء الله بالولد الصالح الكامل..

حبيبتي ييبيلج رداده ترددج احسن اذا ما طلع فيج سبب طبي..

انتي يبيلج ترديد للرحم
لان انا جربت الم الرحم اذا كان مايل يما يذبح
ورددته عند وحده بدويه والله من بعدها ماحس بشي كلش
تبين رقمها طرشيلي عالخاص