الالتهاب عند الحامل

قووه بنات بغيت أسئل الي عندهم خبره بالالتهاب . أنا طلع فيني التهاب بالبول وانا الحين بالشهر السابع ووصفولي مضاد حيوي، بس رفيجتي خرعتني تقول شلون تأخذين مضاد مايصير ! منو كان فيها وأخذته وما ضرها ! وشكرا مقدما

مشكوره على مرورج ، أنا سالت دكتوري وقال عادي ما يضر بس رفيجتي تقول ماع ليج من كلام الدكاترة !!

شكو ما يصير مضاد حيوي انا صار فيني بعيالي وكليت الحبوب لازم تاكلينهم وشربي ماي وايد واذا مو زين ليش الدكتور يعطيج

عادي حبيبتي اخذيه وانا حامل اخذته مرتين
حاشني بالسادس والثامن مافي خوف انشالله
دام الدكتور اللي واصفه لج توكلي على الله
ترى الالتهاب موزين حطي بالج

حبوبه دام الدكتوره عطتج ما يضر انشالله

بس شربي عصير التوت البري كل يوم يروح الاتهاب

ضروري تاخذينه
انا ياني التهاب مرتين بحملي والدكتورة وصفت لي اياه
مايصير تسكت عن الالتهاب
و كثري من الماي

عادي انا معاي افرازات وقالت الدكتوره نمشي عالتحاميل اول اذا مانفع

تعطيني مضاد

دام الدكتوره قالت لج

ماعليج شر ان شاءالله

الله يسهل عليج

عادي ما يضر . إلي يضر إنج ما تاخذيهم لأن الإلتهاب يسبب إجهاض في الأشهر الأولى إذا ماتعالج ويسبب ولادة مبكرة في الأشهر الأخيرة غير أنه ممكن أن ينتقل للطفل .
أنا أخذت المضاد في بداية حملي والحين قبل لا أدش التاسع أخذته 3 مرات في نهاية السابع مرة وفي بداية الثامن مرة وفي نهايته بعد مرة .

أخذي ولا تخافين وأشربي ماي وااايد .

الله يعطيج الصحة والعافية

مشكووررررين بنااات طمنتووني

عاااااااااااااادي المضاد بس الاهم مايكون بالاشهر الاولى والله يشفيج حبيبتي ………

حبيبتي انا نفسج صار معاي وانا حامل بالشهر الثاني وعطوني درب ومضاد وخذيته عادي مايضر والحمد الله انا اللحين بالثالت والوضع تمام

عليج بالماااااااااااي وبس كثريييييييييييييي اشربي جيكات

ماتضرج الحبوب اصلا لازم تعالجين الالتهاب انا بعد فيني وقعد أخذ مضاد وكثري ماي والله يشافينا يارب …

مشكوررين بنات ماقصرتوا