الالتهابات المتكرره شهريااا

ياكويتيات اناا حيل اعاني مممن الالتهابات
لدرجه كل شهر قبل موعد نزول الدوره تجيني التهابات
وحرقان وحكه حيييل مأذيتني تعالجت منها وماكو فايده
تردلي … مننووو عانت مثلي.. وشنو الحل ؟؟؟؟؟

شتنصحوني فيه ..
قبل امس سويت تحليل مسحه مهبليه وبوليه والنتيجه بعد 3 ايام

ما تشوفين ش انشالله ونطري النتيجه والتزمي بدوا الدكتور اللي يكتبه لج
تنشفي عدل بعد كل حمام لا تخلين المنطقة مبلولة
الملابس الداخله قطن طبيعي ومو ضيجه تكون شوي واسعة وانا افضل مالبس شي اذا كان فيني التهاب بس انتي وراحتج
في بنات يبالغون بغسل المنطقة وقت الالتهاب ويفضلون الغسول بهالفترة مادري بس انا اعتقد ان المبالغه تقتل البكتيريا الطبيعية اللي تحمي من الالتهابات وتخلي مجال للبكتيريا الضارة انها تتكاثر ..سئلي الدكتور عن الموضوع
واذا دخلتي الحمام وانتي بكرامة وتبين تغسلين انتبهي لا تغسلين من ورا لي جدام لان في بكتيريا تعيش بالمستقيم بشكل طبيعي اذا دخلت المهبل تسوي التهاب انتبهي حاولي تغسلين من جدام عدل وبعدين غسلي من ورا
مرة قريت بكتاب ان الزعتر يعالج الالتهابات طبعا الزعتر البري الاعشاب مو مال الاكل .. تشربينه بعد الاكل واهم شي تكون مرة من المرات قبل النوم مباشرة
وطريقته تييبين كوب ماي مغلي تحطين عليه ملعقة كبيرة زعتر وتغطينه ربع ساعة بعدين تصفينه وتشربينه
هاذا كل اللي اعرفه واكيد الدكتور يفهم اكثر مني لا تنسين تقولينله كل شي

الله يعينك
بس انا كان معي التهاب بسيط والحمد لله اختفى بشكل نهائي
وهو اني كنت اغتسل بمغلي البابونج روووعه طبعا وهو داافي

بس انتي قبل التزمي باللي كاتبه لج الدكتور

انا صارت فيني التهابات ة عالجت وكل شوي يصير فيني و تنتقل حق المهبل بس …

روحي شوفي الدكتوري شنو يقول لج و المضاد كمليه لي الاخرررر

عندنا وعندج خير

انا تجيني التهابات بس من فتره لي فتره
حتى الحين وانا حامل
فيني التهاب تكرمين بالبول

لاعت جبدي من الادويه بس شنو اسوي
الله كريم ..

انتي شوفي دكتورج شنو يقولج وامشي على كلامه
ما تشوفين شر ان شاء الله

ماتشوفين شر
لازم لما تاخذين علاج الدكتوره تكتب لك علاج حق زوجك
لان كل ما تتعالجين وتطيبين اهو يرده لك ( لانه خذاه منك)
هذا هو الحل الامثل
وتفتكين من الالتهابات

ماتشوفين شر…

واذا ع الحرقه بالبول تكرمين كثري مااي وعصير توت بري

اي والله متعبه حيل .. اليوم تطلع نتيجه التحليل الله يستر
وباخذ العلاج وبقول لزوجي يوصفون له علاج معاي مثل ماقلتي

ومشكوره لكل وحده ردت واستني

الله يشفيج ياااااارب

حبوب التون البري تنباع بالصيدليه روووعه

وبعد ماااي

مشكوره
بنات النتيجه طلعت فيني التهاب اسمه
" كانديدا البيكانس Candida albicans "وتقول موخطير
‏​الحمدلله رب العالمين منن تعرف عن هالالتهاب

ماسمعت فيه من قبل بس مدام مو خطير الحمد لله رب العالمين بس شنو الدوا اللي وصفولجياه؟؟؟؟

اي صاجه يمدحونهم

ماوصفلي شي ابدا
مافي بكتيريا ولا مايكروب
التهاب بسيط وقالي كثري ماااااااي

جيكي عالسكر