الافرازات بالحمل خطره ؟؟

بنات انا حامل بالثالث … و اليوم نزلوا علي افرازان خضره لزحه و من غير ريحه ( سوري على لوعة الجبد )
و عندي سوابق موت الاجنه جم مره في رحمي .. طمنوني بليز هل شي عادي ؟؟
و اغسل ببكربونات الصوديوم زين ؟؟ لين عيا
ة دكتورتي تفتح الاربعا انشالله و اروح؟؟ فيدوني بليز في احد صار له نفسي جذي ؟؟؟

والله مادري حبوبه افضل تسئلين دكتوره
بس اللي اعرفه اذا لون اخضر التهابات
بس ان شاء الله البنات يفيدونج

اتوقع التهابات بس روحي الطبيب لاتنطرين لي الاربعا
وانشالله مافيج الا العافيه

و الله ما عندي فكرة لاني اول مره احمل و عمري ماسمعت عن هالنوع من الافرازات احسن شي تلحقين عمرج مو شرط تروحين عند طبيبتج و الله يعافيج تطمنيني عليج على الخاص و ما تشوفين شر حبيبتي

ياااااااابعد عمري يا عروسة
ماتشوفين شر حبيبتي لاااااااازم تروحين الطبيب لانة بيفهم احسن منا كلنا
حتى لو تروحين الطوارئ لا تسكتين عن هالشي دام ان لج سوابق
حبيبتي الله يتمم حملج يارب وطمنيني عليج
عاد انتي وانا كانت سفرتنا بنفس الوقت ونفس الديرة والحين حوامل بنفس الشهر ماشالله
عيالنا بيطلعون امريكان ههههههههه
لا تنسين حبيبتي تطمنيني

ماعندي علم
بس الله يثبت حملج

مشكورين بنات .. و انشالله اروح باجر السلام اشوف شيقولون … انشالله خير
اتوقع قاعدين باجر الطواريء

واصله صج حامل ؟؟ الف مبروك .. ثالث حاله انتي لووول

عروس فديييتج مبروووك الحمل

ثاني شي الي مافيه ريحه مو خطر لا تحاتين والله يطمن قلبج وثبته لج بحق محمد وال محمد

ما اتوقع زين خصوصا انه اخضر ماحب اخرعج بس لازم تراجعين دكتورج لا تسكتين عن نفسج

سئلي دكتورج وان شالله ماعليج شر
بس اول مرة مرة اسمع افرازات خضرة شلون يعني؟؟؟؟؟؟؟؟؟

ما عندي فكرة
وحبيت ادخل عشان ادعيلج ان الله يثبت حمالج ان شالله وتشوفين مولودج باتم صحة وعافية

مشكورين حبايبي