الاعمال الممتازه

السلام عليكم
اشلونكم حبايبي
حبيت اسأل عن الاعمال الممتازه متى تنزل
اللي اعرفه انها تنزل شهر 4 على الميزانيه اليديده
بس قبل اربع ايام ريلي قالي انه مرت رفيجه انزلت لها
اهي موظفه بوزاره الاوقاف بالقارئ الصغير
مادري انا مو مصدقه
في احد منكم يدري متى تنزل الاعمال الممتازه
انا موظفه بالاوقاف بس ماعرف متى
وشنو شروطها عشان تنزل
وجم قيمتها
بليز ساعدوني مو عارفه ولا شي
ابي معلومات عنها


مو شرط
انا بالعدل سنة 2024 نزلت الاعمال الممتازة شهر 6
و السنة الي فاتت شهر 5
على مزاجهم

و انا بقول لج الكلام عن وزارتي عاد ما ادري الاوقاف شلون طريقتهم
اول سنة توظيف ماكو اعمال ممتازة
ثاني سنة اذا كان التقدير امتياز
يحدد على حسب اذا كان الامتياز (أ) 600 دينار
و يتسلسل الى امتيار (ج) اعتقد يا ياخذون 450 او 500

بتكلم عن المواصلات
تنزل اخر شهر 4 من كل سنه
وهالسنه 800 للرابعه وفوق
والخامسه وتحت 600