|
|
السلام عليكم
خواتي ولدي عمره 8 شهور ونص تقريبا
من امس حايشه اسهال مو طبيعي
عزكم الله خروجه ماي اخضر !
رحت الصيدليه اخذت منه الدوا الي كرتونته خضرا
لونه ابيض مثل الطباشير
و ما تحسن الاسهال
والله ما نمت و بس ابجي
و ريلي قال لا بس دفي بطنه و باجر نوديه
فدفيت بطنه و قعدت على راسه لين صار الصبح
طرت فيه المواساة
عطوني دوا ريحته موز و دوا حق الجفاف
لا يكح و لا يرجع
بس مني و الطريج اسهال قوي
و للحين بطنه ماشي حبيبي
عطيته موز
عطيته روب
عطيته عيش ابيض
دهنت بطنه بزيت زيتون دافي
دهنت بطنه ببوفاس و لفيته
تحسن الخروج
يعني مو ماي صافي
لا صار اصفر بس للحين اسهال 
شسوي ؟
انا بنتي بعد اسهال عمرها سنه و 3 شهور !!
انا قلت يمكن مال التسنين بس شكله لا
ان شءالله ماكو الا العافيه
ياربي تكون اخر الاحزان
ثاني شي
شقاعد تسوين انتي حق هالاسهال الغريب ؟
ينفعج ؟
تحسن الاسهال ؟
قريت من عمر الشهرين وطالع عن النشا يوقف الاسهال بس ماجربته
60 مل ماي و قفشه نشا
انا سمعت ان الي يكون برازه اخضر معناته جاه برد بجسمه لازم تدفينه زييين ويشرب حليب دافي
جربي وكليه بطاطس مسلووقه واعطيه طريقه الاخت الي فوقي نشا مع ماي
وما تشوف شر
خذي سفن اّب و خضيه زين لين تروح الغازات عقب شربيه شوي شوي على فترات منه امره يخوز الاسهال و يقطعه انا هالكلام من دكتور يوم كان ولدي مرقد من الاسهال والجفاف في المستشفى و عمره ايامها 6 شهور و من يومها وانا انصح به الكل
مثل ما قالت حلم الطفله سفن اب خضيه حق الجفاف
سويله محلبيه و سويله بطاط مهروس و روب
و سويله تحليل شوفي شنو سبب الاسهال احسن يمكن بكتيريا و لا شي احيانا اذا ما عالجتي البطن ما ينفع معاه الاكل هذا و يزيد الجفاف فيه و اهو يعتمد عالحليب
سلامته ما يشوف شر
روحي الطبيب و سويله تحليل للبراز و خليه يوصفلج شي للاسهال ترا عمره ما يتحمل التجارب
الظاه من الجو الكل جذي .. .بعد عمري هاليهال
وبعدين ليش تعطينه روب ..ترا يمشي البطن ..
عطيه سوالف ناشفة . . مثلا عيش وبطاط .. سيريلاك . . خل ياخذ بيده قطعة بسكوت وياكلها
بس اهم شي كل شوية عطيه ماي عشان لايصير فيه جفاف ويمكن تلاحظينه دايما عطشان
انا امس رحت الصيدلية وقالتلي الصيدلانية هذي نزلة معوية .. وعطتني دوا اصصصفر لونه وريحته حلوة
بس للحينها ماتحسنت !
انا رديت عليج بموضوعج الثاني ياقلبي الظاهر من المنتدى انكتب مرتين
الله يشفيه يارب
عطي عليوي هالمسجون هذا قفشه عصير ليمون !
و ما يصير الا كل خير 
والله الليمووووووووووووووووون مفعوله *** ديفا والله ما أجذب عليج
قفشه عصري فيها ليمونه و شربيه
ميخالف بتكون حامضه عليه بس والله والله رح تدعيلي
" وصفه يدتي و امي و وصفتي الى الاجيال القادمة .. "
حتى اذا واحد كبير و حاشه اسهال .. قفشه ليموووووووووووون والله تقولين عنه جذاب مافيه الا كل خير
و حتى تمتمتي .. نفس النصيحه ..
ليمووووووووووووووووووووووووووووووووووووووووووووووو وووون