الاستشارة بخصوص التلقيح الصناعي

مساء /صباح الخير
حبيت استشيركم وخصوصا الي سوت تلقيح صناعي
انا عندي تكيس بالمبايض وزوجي عنده عدد الحيونات قليل وسال زوجي الدكتور عن التلقيح وقاله انها سهلة ومايبغا ليها شي وانها تصلح لحالتنا
ويش رايكم لوسويتها نسبة نجاحها بيكون كبير لو صغير ادري ان يمكن تنجح ويمكن تفشل بس بغيت تنصحوني اسويها او لا
ومشكورين والله يعطيكم العافية والذرية الصالحة

صبحج الله بالخير غزل
حبيبتي انا سويتها والحين ناطره النتيجه
وبالفعل مثل ماذكرولج ما يبيلها شي
اما نسبة نجاحها قالي الدكتور 40% وربج كريم

وعسى ربي لا يحرمنا ويرزقج ويرزق كل محروم الضنى

حبيبتي التلقيح الصناعي نسبة نجاحه 15%

و طفل الانابيب او الحقن المجهري نسبة نجاحه 40% واحيانا تكون النسبه اكثر على حسب المركز.

صحيح ان التلقيح الصناعي نسبة نجاحه قليله لكن تلقين حالات كثيره تحمل من أول محاوله طبعا هالشيء كله بإرادة الله سبحانه وتعالى

والتلقيح الصناعي سهل وبسيط وانصحج انج اتسوينه لأنه مرحله من مراحل العلاج واذا تبين تحملين لازم اتعالجين والله يرزقج.

جربي هذي بداية المشوار
و الله يسهل عليج

أنا ألحين أراجع عند د. شيماء اللي بعيادة د. فوزيه القطان وفالتلي نسبة نجاحها 80% روحيلها وايد راح ترتاحين لها
والله يرزقنا جميعا الذريه الصالحه

الله يرزقج بالذريه الصالحه اللهم آميين
وبنت عمي مسويه تلقيح عند الدكتوره فوزيه القطان وهي مشكلتها التكيس وزوجها فيه ضعف
وما شاءالله من اول محاوله حملت وتوها والده

انا اقول احسن عالجي التكيس اول وبعدين سوي تلقيح والله كريم
ان شاءالله تحملين من اول محاولة يارب

مشكورين حبايبي على النصيحة
والله اوقات اقول بعالج التكيس بس ارجع وقول مابي اتاخر اكثر خلاص كاعندي صبر ولا ادري شنو اسوي محتارة
يالله الله كريم انشاءالله ماحج اسوي شي وماشوف نفسي الا حامل يارب العالمين