الاراده و الرجيم (اذكروا تجاربكم؟)

يمكن هالموضوع وايد دار النقاش حولة واهو اساس المشكلة

الا وهي (((( الاراده ))))

انا ابي كل وحده تقولنا شنو الشغله الي خلتها او ساعدتها انها تستمر بالرجيم او تبلش فيه او تضعف

احنا تكلمنا وايد بهالموضوع وعارفيين هذا عامل اساسي ومهم علشان نقدر نحل المشكلة

بس بالنسبه لي الحجي ما قام يأثر لان تعودت على نفس المنوال والشغلات وساعات تأثر فيني تأثير وقتي

حزتها ايييييي وجان زين او ودي او معرفش اييش

وبعدين خلاص يروح مفعولة بسرعه قاتلة

فممكن نسمع منكم شغلات غييييييييييير اكيد كل وحده تجاربها والشغلات الي أثرت فيها مختلفة من

عضوة لي اخرى فيمكن من خلال تجاربكم او نظرتكم نحط ايدنا عالجرح يعني نمسك الخييييييييييط

الاراده تييلج فجاه من موقف يعني تروحين السوق تلقين كل شي ضيج تييج وحده تغثج تقولج يمااااااااااااااااااا شلون جذي متنتي ولا تييلج يعني تقولج يزينج حرام مو مخرب عليج الا المتن عاد تقومين تشدين حيلج وتسوين رجيم

بنسبالي اخر مره يتني الاراده طبعا من جم سنه وصلت رقم فلكي من المتن وصارت نزلتي من السلم صعبه مع اني ماتجاوزت الرقمين صار وزني اقولكم تسعين

تكدرت رحت عاد الطبيب قالت لي سوي اشعه جان تقولي فيج يا دارين خشونه جان تخيل ركبي تتفتفت واني بتحرول جان تحوشني الاراده واسوي ذاك الرجيم وانزل واصير شزيني عاد عقبهاكافئت نفسي وزدت الوزن الي نزلته الحين قاعده ادور عن الاراده مره اخرى عساني القاها

انا اول وحده بقولج شنو صار معاى..

انا قبل الحمل والولاده كان وزنى 61..

وبعد النفاس وصلت 74..وطولى 161…تخيلى شكلى..ما اقولج وانا كاشخه ومرتزه بالكعب العالى لان معروف يشيل من الوزن..

الا تعالى شوفينى وانا بشقتى..حافية القدمين ..والا تكرمين بالمداس..

كان ايام شتا..الملابس ثقيله..يعنى فوق المتن ملابس..

زوجى كان يعلق على بس كنت احتر بوقتها..اقول بسوى رجيم..وطول ماهو عندى ما احط شي بحلجى الا شرعى…واول ما يطلع ابتدى اخربط…!!!

المهم سويت رجيم ماكنت جاده فيه قدام الناس انا وحده مهتمه باكلى بس بيني وبين نفسي خرابيطى ياكثرها..

ونزلت 3 كيلو بشهر ونص وكانو وووووووين عندى..وحضرت عرس وانا كلى ثقه بشكلى..

لما قالتلي وحده.. والله على هالجسم ناقص بس تقولين…ازايك يا حبيبجى…يعنى جسمى مثل فيفي عبدو!!!!!!

وثانى يوم واجهتها اسالتنى انتى امس بالعرس كنتى لابسه مشد؟؟؟ قلت ايه..جان تنرسم على وجهها علامة تعجب ولا تعليق…

هنيه انا انقهرت وقررت افاجأها بشكلى..

وسويت رجيم جاااااااااااااااااااد من نص فبراير ليومج هذا..وامتنعت عن العزايم ما ابى اطلع الا لما اخلص صيانة اللوك الجديد..

وهذى تجربتى وان شاء الله تفيدج..واسفه على الاطاله..

حبيبتي اوعك تفكري ان الاراده سهله الإراده اصعب شي وانا طولي 159ووزني 104 تخيلي حامل بالتاسع ملابسي وعلاقتي بزوجي وشكلي ببيتي كانو السبب في قراري والاراده والحمدالله وصلتني 72 الحمدالله ويارب الله يتمم عليكي ويقوي ارادتك

انا الارادة كانت قبل جم سنه الي صج صج نزل ونزل مشالله من 94 لي 67 بس صج بفتره طويله نسبيا حوالي السنه ونص وكنت التزام بالرجيم عادي اروح المطاعم مع اهلي وما اكل اشوفهم هههه الحين ماقدر رجيم حدي بواسبوع طبعا ،،

الحين بعد السنوات العجاف رد وزني لي 90 والمسأله عندي عادي ودي اسوي رجيم وانزل وزني لكن ماكو ارادة ماكو شي يحفزني والوزن يزيد ومادري شسوي

ابي ارادة حديدية

موضوعجحلو
والاراده فعلا تييج من موقف يمس احاسيسج
وغالبا تضبط لما تكونين وقتها مشغوله بموضوع يعني ما عندج وقت فراغ

تم تعديل العنوان بواسطة المشرفه

انا الاراده يتلي فجأه وكان ريلي مسافر لندن علاج شهرين
فقلت لازم اسويله مفاجاه بالمطار ولوووووووووووووك يديد وصج صار جسمى عجيب الحمدلله وتفاجا اهو وكل اللي زاروه بالمطار

وقصيت شعري وصبغته يعنى تغيرت وااااااااااااااايد

انا بقولكم تجربتي والي خلتني انزل تقريبا فوق العشرين كيلو بشوي

انا الله يسلمكم عندي اخت اكبر مني بـ18 سنه و اهي نوعيه جسمها الي ما يمتن و يوم كانت مراهقه امي كانت توديها اطبه بس عشان تمتن و يصير فيها لحم شوي و الله سبحانه عوض امي فيني لوووول عكسها تماما

المهم خل ابدي قصتي

يوم كان عمري تقريبا 14 سنه اختي كان عمرها 32 و كانت توها والده ,, ياتني على يوم قالت لي يانوحه هاج اخذي هالتنوره لان حسافه اقطها شريتها يوم كنت حامل اخر الايام (يعني يوم كان شهرها ) و ما استفدت منها فحرام اقطها او اوديها الخياط يخربها ,, انا يوم قالت لي جذي جنه واحد طقني طراق على ويهي @@ شلوووووووووون اختي الي اكبر مني بـ 18 سنه قياس تنورتها يوم كانت حامل بشهرها ايي قياسي انا و انا بعدي 14 سنه

فهالشي اهو الي صحاني و خلا ارادتي قويه صج الموقف كان مؤثر بس الحمدلله انه فادني

و سوري على الاطاله

اوكي دوري :d

انا كل ماأطلع من البيت ؟؟ واشوف هالبني شلابسيييين اموووت قهر !! واقول شناقصني عنهم ؟؟ ليش مااسد هالحلج

والشي الثاني هالاوادم الفاضية !! كل ماشافني احد ؟؟ قاللي شحلاااااااااااااااااااااااتج ملكة جمال (((بس))) لو تظعفين!

هالبس هذي تلوع جبدي !!

المهم انا اكثر كمية كيلوز ضعفتها 32 كيلو بفترات متقطعه بس مابين على 100% لان كان وزني كبير !!

بس فررررررررررقت يعني كان يبيلي 10 بعد بس .. لكن للأسف انغريت وهات ياطلعات ويا لبس لان جسمي تعدل !!

بس هم ماشفت نفسي رشييييييييقه ولا مرره بحياتي !!!! كنت متروسه .. وبس زدت تقريبا 10 !!! والحين ناوية انزل

هال 30 كيلو امنية حياتي اوف نفسي ضعيفة عصقوله لوووووول

واذا على المواقف ؟؟ وااااااااااااايد !! مع انه الحمدالله شكلي مو مقزز ؟؟ بس الكل لازم يتفلسف !! مايبيلج شي وكلها

جم كيلو ومن هالخرابيط .. منهم مرره سمعت اخو زوجي يقول حق زوجي بالتلفون بيوم ملجتي جنه الجسم مو اوكي !!!!!!!!!!!!!!!!!!!!

الأثول ;/ هالموقف حررررني موتني قهر مع انه ريلي ماقاللي بس سمعت الفوليوم كان عالي .. مع اني ماكنت ماتنه ؟؟

بس عشتو الظاهر يبيني اصير منكان واهوا شكو !! لووول شكلي قرقت عليكم وايد

ايييييييييييييييه انا قاطه 1000 دينار على شركات تغذيه وماكو فايده فيني
لاعت جبدي من كلام امي واختي قاعدين ويدقرون فيني انا مشكلتي لي بطلت حلجي خلاص ما اصكره طول اليوم
الي اسناني تتعب من الاكل

وناطره الاراده متى اتييني اذا على المواقف ياكثرها بس هم ماكو فايده اراده لمده 3 ايام وبعدين اقول بالطقااااااااااااق مابي اضعف واتحسف بعدين

بنات سمعوا!!!! انا قبل شهر وزنت 98 عن السنة الي طافت كان وزني فيه 79 يعني ما اعتقد في قهر اكثر من جذيه, وصارلي فترة مو رايحة بيت اهل ريلي من ذاك الوقت عشان لحد يقولي متنانة, وكل ما بسوي رجيم انوي بداية الاسبوع و بعدين ايووع واهون, بس تدروون … انا احس لمن الوحدة تمتن ومعدتها تكبر صعب انها تقاوم, ف لازم المعده تصغر وبعدين تبلش رجيم واهيا مرتاحه , اليوم ثالث يوم مقاومة بس اشرب سوائل عشان معدتي تصغر لاني حالفة ان ما يطب بحلجي شي غير السوائل… وان شاء الله اييب نتيجة ادعوولي, والله يعطيكم مرادكم ان شاء الله

وان شاء الله تتشيشون تبدون معاي

داريين

اييي شتفي سبحان الله الواحد بين يوم وليلة ممكن اتيله الارادة وبنفس الوقت ممكن بيوم وليلة يبتدي يدمر كل شي

نفس الي يصير وياي اذا ضعفت شوي وارد ازيييييييد بزيادة عن قبل

بس حرااااااااااام دارين تذكري قبل ولما شعفتي وحاوليي

سما الكويت

لا بالعكس اخذي راحتج كل الحجي مهم لنا

انزين شنو شعورج وانت بمرحلة التغيير معنوياتج شلونها ؟؟

ويالله انا اقول دام يت الارادة تمسكي فيها ولا تطخين وانشالله توصلين للتارغت واحنا ويااج

انا تدرين شلي يقهرني ان تخيلي ملابس يدد شاريتهم ليلحين ما لبستهم صاروا صغار قبل لا البسهم

صدى الاحزان

مشالله انشالله تستمرييييييين وانت بصحة وعافية ومشكورة

مس ون

واييي حرااااااام حاسة فيج نفس الي يصير فيني عاد تصدقيين قهر لما تذكرين التعب والمعاناة الي عانيتيها واخر شي

خلال شهر تعب الايام الي عانيتها كلها يروح بسسسس خلج ويانا وانشالله يصير لج موقف يخليج الامرأة الحديدية p:

سمسمية

مشكورة وحياج الله

ام جوري

ونااسه وايد حلوة المفاجأة واهم شي ان ردة الفعل كانت ايجابية

يالله الحمدالله بس ديري بالج وحافظي

نوحاا

موقفج فعلا مؤثر بس الحمدالله ان أثر فييج وانشالله تكونين بصحة وعافية وبالعكس اخذي راحتج

وانشالله كل وحده عندها مشكلة يصير لها موقف ويخليها شي ثاني يارب

لوف / هييت

مشالله وناسه لما تضعفين وتجمعين التوتال تحسين فرق

انشالله تكملين الي تبينهم بصحة وعافية بس هالمرة لا تردين حراام

وانا عن نفسي مابي اصير عصقولة ماحب كله عظم ويلد p: ( لول يعني حاصلي بس صج ااانا مافضل جذي )

وصج موقفج يقث الصرراحه مادري ليش الناس تتليقف الحين انت ريلي ولا اخوك ! بس اشوة كان دافع

انصار

اي انا نفس والله لو بجمع بالآلاف

وانت مثل مشكلتي ومشكلة الاغلبية ان ارادة وقتييييييييييييييية

يالله خلج ويانا وشدي حيلج

اقولج شي انا جذي نفسج زدت فوق ال 20 كيلو بس تدرين كان تدريجيا فما حسيت فيها

هذا القهر ولما اذكر قبل كان شكلي جذي وطالع الحين وايييييييي بس خلاص المشكلة هالموضوع مو يديد

يعني علشان جذي ما قام يأثر

وحرام لا تسوين جذي هذا الغلط انا جربت مره جذي يوم واحد ومن بعدها جني كنت بمجاعة

علشان جذي الحرمات ما ينفع ومعدتج راح تصغر بس مو على سنع يعني وقتي الموضوع واول ما تردين تاكلين

بتاكلين اكثر ديري بالج

اللي يعطيني ارادة اذا شفت ناس كانوا متاااااااااااااااااااااااااااااااان وشفتهم فجاة غزال ومايصيدونه اقول هذي مواحسن مني !!! وهم اذا كنت مسوية دايت وشي ضيج قام يصك علي زي الورد اهني اسهم الدايت ترتفع

وانا مستحيييييييييييييييييييييييييييييييييييييييييييييي يل اسوي دايت بدون يوم مفتوح والا يزر عقلي خخخخ

اعلى وزن لي 103 الحين انا ب80 وكسور وهدفي 58 هههههههههههه صج يبيلي طريج

بس في شي غريبر انا بيصيرلي سنتين موقادره اتعدى ال 80 وبنات بشهرين 60 توصل ؟؟؟!!! شلووووووووون؟؟؟

طبعا انا نادي انسواااااااااااااااااا ريجيمي بدون نادي

بس هال ايام افوكر في مشروعنادي

واي ابي اوصل 66 راضية

70 انزين هههههههههههههه