|
|
السلام عليكم
بغيت اعرف شنو دور الاخصائية النفسية في المدرسة ؟
وشنو الفرق بينها وبين الاخصائية الاجتماعية؟
ان شاءالله البنات مايقصرون وياج
الاخصائيه الاجتماعيه شغلها جنه ريسبشن حق اولياء الامور والطالبات يعني اللي ما يدري وين يروح او بيوصل اغراض او يشتكي دايركت عالاجتماعيه مع انه مو شغلها
طبعا الحالات الصحيه – الاقتصاديه – الفرديه – الجماعيه – مجلس الطالبات – مجلس اولياء الامور والله يعينج عليهم – مجلس الاداره – الجماعه طبعا تسوي جماعتين – و تستلم نسخه من انذارات الغياب والتعهد والتأخير وتكتب اسماء الطالبات وتروح تحاجيهم وتدق على اهاليهم وطبعا كل ابله تدز عليج بنت مشاغبه ولا بنت ما كتبت الواجب .. وطبعا تسوي لقاءات دوريه مع اولياء الامور والمدرسات واجتماع اولياء الامور بعد كل شهاده على راس الاخصائيه وتدزين الدعوات وكل هالشغل ينحط بملف و سجل و الصادر والوارد غير المواقف اليوميه و المشاكل اليوميه ….. يعني ترجع جنها طالبه عندها واجبات و تكتب والموجهه تجي تصحح لج السجل و تكتب رايها فيه نفس ايام المدرسه …. وطبعا غير المشاكل اللي تقطها على راسج الناظره والوكيله وغير سخافة اولياء الامور والطالبات ولاااازم الناظره تطل في وجهج كل يوم اهي والوكيله
وطبعا الاخصائيه تسوي انشطه ورحلات ولازم توقف طابور الصباح وتفتر عالبنات والله يعين اذا الناظره عوووبه وما يبين في عينها شغلج
اما الاخصائيه النفسيه عايشه بربيع لانها تستلم الحالات النفسيه فقطططط المحوله من الاجتماعيه و تسوي اختبارات عليهم بس الحالات قليله ما تتعدى 3 وتسوي رحله ونشاط وماهي مطالبه بحضور طابور الصباح ولا الفراره على المدرسه ولا تجابل اولياء الامور والطالبات و المدرسات لان شغلها مختص بالاشياء المحوله لها
ومو ملزومه ان الناظره تطل في خلقتها كل يوم اهي والوكيله …انا جربت 3 مدارس وكل الاخصائيات النفسيات مرتاحات عكسي … وتقعد مع الاداريات براحتها و تتمشى والناظره ما تقولها شي عكس الاجتماعيه اذا طلعت تصير مشكله بغيابها ولا شي تذبحها الناظره
والحين الاخصائيه النفسيه اللي عندنا مرشحه تصير اخصائيه اولى وكله امتيااازات مع انه شغلها كله جذب في
جذب بس تكتب في سجلها علبو انها اشتغلت وهي ما تسوي شي و مسويه مكتبها مطبخ حق البلعه والسوالف لان محد يدشه والبنات يوقعون لها وتتأخر عاادي تجي عالعشر لان غيابها ما يأثر
ولو ادري صرت اخصائيه نفسيه بدل اجتماعيه لانها متعبه وانصحج تصيرين اخصائيه نفسيه لان الحين نزل لهم كادر و راحه واجازات بعد مافي احلى من جذي
لا كادر ولا قيمه مع اني احب التخصص بس الصراحه تندمت اني تخصصت خدمة اجتماعية والقهر ان التربية طالبين بس علم نفس والاجتماع مدرسات واحنا الله يرحم حااالنا مع انا تخصصنا وايد مهم وفعال بشخصية الواحد واللي حوااليه بس ما اقول الا الله يسامحك يا دكتور حمود القشعان اللي اقنعتني اتخصص خدامه اجتماعية العفو اقصد خدمة اجتماعية وماورانا ظهررررر ……..(أحب الصدق وأعمل به كسبت أو كنت أنا الخسران ولو صدقي يخسرني تشرفني خساراتي