الاخرى

السلام عليكم ورحمة الله وبركاته
عندما يتزوج الزوجين وبليلة زواجهم كل واحد يحلم بحياه سعيده مليئة بالحب والتفاهم … لكن ماذا يحدث لو تحوّل هذا الحلم الجميل إلى كابوس ؟؟ ماذا لو استطاع الشيطان أن يدخل بينهم ليهمس في أذن الزوج بكلمات الإغراء ليحوله عن حب زوجته إلى حب امرأة أخرى… ويقنعه بأنها الأجمل والأفضل من زوجته .؟؟ ماذا يكون موقف الزوجة منه ؟؟ بسال سؤالين واتمنى الاجابه عنها : لماذا تظهر المرأة الأخرى في حياة الزوج ؟؟
أيضا وماذا تفعل الزوجة لإنقاذ بيتها من الانهيار ؟؟
انتظر ردودكم
تحياتي اختكم تفاحة

وسؤالي الاخر اللي تحسفت ماكتبته

لماذا يهرب الازواج من البيت ؟؟؟
وشكرا

الله يبعد عنا شر المره الثانيه بحياة أزواجنا
بس صدقيني أذا ربج كاتب والله ما تقدرين تغيرين المكتوب
يعني أعرف وحده تهبل ما فيها قصور راح ريلها خذا عليها وحده أستغفر الله ماني قايله شنو
بس مبين أنه مسحور يعني أكيد لأنه ما طول معاها تقريبا 4 أو 5 شهور وطلقها
الله المستعان

مشكورة على الرد حبوبة وصح كلامج
بس مو شرط تكون الاخرى زوجه احيانا تكون عشيقه او صديقه
فسؤالي ليش الاخرى وهو عنده الاصل زوجه وحلاله
وهنا لا اتكلم عن الزوجه الاخرى

مادرى شقولج و الله حيرتني بس ما حبيت ادش و اطلع من غير ما اقولج شيء
بس كل اللى اقدر اقوله عسى ربي يهدى كل مره ريلها و كل ريال لمرته و يبعد عنهم شر المره الثانية

الفراغ والروتين الليء يصيب الزوج او الزوجين من بعضهم بعض

لازم المره او الريال بين فتره والثانيه يغيرون من حياتهم يسافرون المره تروح تقعد عند اهلها يومين تروح فيهم الصالون تغير من شكلها
الريال يعزم زوجته برا البيت

انا راح ارد على اسألتج بسؤالين

ليش الريال لا راح يخطب المره يستذبح عشان ياخذها واول ايام زواجه يكون شفقان عليها ؟؟ وليش مجابلها اربعه وعشرين ساعه في بدايه الزواج ؟؟

الله يبعدنا عن المره الثانيه والله اموت ، بس انا احس انه الرياييل يحبون التغير مو مثل الحريم اتلاقين الحريم فيهم وفا اكثر انا احس جذي

كل شي يديد له زهوته وكل ممنوع مرغوب

السلام عليكم ورحمة الله وبركاته اشلونكم بنات حبيت اشارك بالموضوع ساعات الريال يحب التغير بس المفروض قبل لا يتجه حق الطريج الحرام ينصح زوجته يلمح لها يعنى يقول ودى اتغيررين من شكلج شعرج قصيه صبغيه يعنى اي شي مو على طول يروح يعشق ويحب ساعات تصير نزوه وايد فيه ريايل يمرون بنزوات ويطلعون منها وبعضهم يستمرون فيها الله يهيدهم ويصلحهم وان شاء الله يبعد عنكم النزوات ويهديلكم رياييلكم ولا يشفون غيركم امين ادرى طولت عليكم انا اسفه

والله اغلب الرياييل ما اقول الكل عينه زايغه … اقل شي يحب يخوزر بالحريم وبنات ابليس ما يحلى لهم الا المتزوج يا زينه وهو ماسك مرته … يا زينه لي قال لها انه متزوج تستانس تحط في بالها انه فضلها على مرته …

اعتقد ان بعد الزواج بفتره الأثنين يتعودون على بعض ويصير في روتين وملل فالريال يبي يغير … ولا تكون الزوجة حنانة … ييب… ود …شيل… حط … نبي اغراض من الجمعية الياهل تعبان نبي فلوس …الخ

ليش تاخرت.. مع منو طلعت .. ما طلعتنا … الخ

بس العشيقة كلام حب وغرام مو طلبات .. طبعا هذا مو عذر لأن الزواج مسؤولية واللي مو قدها ليش يتزوج ؟؟؟؟

المراه لازم تكون ذكية ما تخلي زوجها يفكر بغيرها بالدلع والبس والكشخة والعطور ….الخ

يعني لا تعطينه مجال يفكر بغيرك … مشاغل الحياة وايد بس الحرص بنات واجب لا تهملين زوجك بسبة العيال والبيت … عطي الكل حقه ..
وخلي عينك على طيرك لا يلوف لغيرك …

مشكوريين على الردود قبل مااعلق على كلامكم حبيت اقولكم ليش كتبت هالكلام
لان رفيجتي لها 5 سنين متزوجين وخوش وحده وزوجها بس يكلم وصادته كذا مرة ويطلع دايما فطرا في بالي ليش يسوون جذيه وحبيت تشاركوني بتفكيري وبنفس الوقت حبيت انكم تفكرون ويمكن اكون نبهت وحده غافله عن زوجها
الحين ارد على وحده وحده
هرموني مشكورة على الرد وامين يارب
عشق كلامج ميه ميه مشكله هالروتين الرجل من طبعه الملل من كل شي ويحب التجديد

كويتيه اصيله
ليش الريال لا راح يخطب المره يستذبح عشان ياخذها واول ايام زواجه يكون شفقان عليها ؟؟ وليش مجابلها اربعه وعشرين ساعه في بدايه الزواج ؟؟
تصدقين اشوف الرجال اذا طار بالمراة والا يتزوجها يمل وتخف عاطفته حييييييييييل لانه حصل على اللي يبيه وعلى الزوجه انها تجدد

كات ومن الله يبعدج ويبعدنا عن الاخرى

جوانا اي والله صاجه

ام الفوز كلامج حلو حييييييييييييييييل ياليت الرياااجيل يحاولون مع زوجاتهم ويعدلون فيهم واذا مانفع عاد على الاقل حاول
كلامج عجبني

وخلي عينك على طيرك لا يلوف لغيرك …
اي والله قمر صااااجه بس شتسوي المراة وشتخلي كل شي فووووووووووووق راسها

الله يعين وفوق هذا مايعجب الرجال

الله كريم ان شاء الله