|
|
مرحبا
صديقتي تعاني من الاجهاض المتكرر واجهضت سبع مرات وكل مره تغير دكتورها من السلام للهادي لدار الشفا للعرف لدكتور ماجد الشمري وعاليه ومستشفى سعد اللي بالخبر وماخلت دكتور الا وجرب فيها اخر حمل لها كان قبل سنه وصابها نزيف وادخلت مستشفى الصباح علشان التنظيفات وللاسف العمليه بغت تذبحها دكتور التخدير عطاها نسبه زايده وهي فيها حساسيه وبالعمليه توقفت الرأتين عن العمل وحطوها على التنفس الصناعي وبالعنايه المركزه اسبوع ليمن الحمدلله تجاوزت مرحلة الخطر وشالوالاجهزه عنها
واخطاء مستشفى الصباح كثيره ومحد يحاسبهم
والحين هي خايفه من ان السالفه تتكرر واطلبت علاج بالخارج وانشاءلله يوافقون عليها
بس اللجنه اطلبت اسم الدكتور اللي بلندن او امريكا ؟؟؟؟
وهي محتاره ماتعرف اساميهم وسمعنا اذا هي ماختارت تشتغل واسطة انفعني وانفعك يعني يحطون لها اي دكتور بس يستفيد من الفلوس ولايفيد المريضه والواسطه لها نسبه من الفلوس يعني كلها سرقه على حساب الدوله
انا ابيها تتشافى ويرزقها الله بالعيال واطلب منكم ياخواتي اللي اتعرف اسم دكتور بلندن او امريكا ممكن نغير اسم الدوله باللجنه بس اهم شي يساعدها
لاتقولون بالكويت لأنها ملت وماعادت تثق بأطباء الكويت ياليت تساعدونا
ماقول الا عسى الله يرزقها ويعوضها بالذريه الصالحه ياااارب
وعسى الله يفرحها بالضنى باقرب وقت يااااااااااارب