|
|
السلام عليكم
يا بنات آنا كنت رايحة مراجعتي عند طبيبتي الأسبوع اللي طاف وكنت توني مكملة 13 أسبوع يعني 3 أشهر
بالسونار قالت لي أن الجنين مات وأنه توه أمس بس صار هالشي بدون سبب لأنه البيبي نموه مكتمل
طبعا ما أقدر أوصف شعوري وقتها بالصدمة والضيقة بس حمدت الله وأسترجعت وقلت اللهم آجرني في مصيبتي وأخلف لي خيرا منها
حطولي طلق صناعي ونزل الجينين وعانيت من الألم والتعب وحتى هاللحظة وآنا أحس أني تعبانة
طبعا آنا الحين أعتبر بالنفاس وقاعدة أسوي كل شي من حسو ولهوم وشغلات النفاس
الطبيبة قالت لي أن مافي مشكلة أحمل على طول
آنا خايفة من الإجهاض مرة ثانية وماني عارفة شنو بيصير لي بس مسلمة أمري لله ومتكلة عليه
أدعولي الله يسهل أمري وأحمل مرة ثانية بدون مشاكل وأن الله يرزقني الذرية الصالحة والخلقة الزينة
ياااااااااارب
أشرايكم بموضوع الحمل بعد الإجهاض؟
الله يخليكم إذا تعرفون أحد أو سامعين سالفة تشبه سالفتي قولولي طمنوني آنا وايد أحاتي
أدري موضوعي مأساوي بس شسوي ؟ أبي أشوف إذا فيه شغلات توصوني عليها أسويها
والله يرزقج بالذرية الصالحه والخلقه الزينه إن شاء الله
انتي روحي طبيبه ثاية وقولي لها انج توج اجهضتي من غير سبب (من الله سبحانه وتعالى)
وقوليلها متى احسن وقت ولد فيه بعد الاجهاض
لأن يمكن مو زين على طول (الله العم)
والله يكتب لج اللي فيه الخير والصلاح لج يارب
الله يعوضني خير
اول شي ..
اقولج الحمدالله علي كل حال وربي يرزقج بذريه الصالحه ياربي وكثير من استغفار والحمدالله كثير
لا تضايقين نفسج حبيبتي.
عادي انا كنت نفسج اول حملي وطاح البيبي بروح اوكي وهم امي سوتلي النفاس ولده بس 20 يوم اوكي الحمدالله بعدها علي طول حملت بس سولي ربط.
وان شاء الله ربي يفرج وتحملي ثاني مره .
والحمدالله علي كل حال وهذا البيبي اللي طاح ماتدري شنو فيه ربج عالم فيه الحمد الله علي كل حال والبيبي هذا يشفعلج يوم القيامه.الحمدالله علي كل حال .ربي يفرح قلبج قولي امين.
ادري طولت علي وقرقرت عليج انا اسفه
مشكورة وماقصرتي بعد عمري والله لا يخيب ظني وظنج والله يبارك لج و يرزقج الذرية الصالحة
تقدرين تحملين حبيبتي عادي ومو شرط كل حمله استغفرالله يصير شي
ان شالله المره الثاانيه ثااابت ياارب
رفيجاتي2 ماشاءالله حملو على طول بعد الاجهاض الاول والله رزقهم اولاد