|
|
السلام عليكم … حبيت أعرف اذا عندكم فكره عن الشغل بالأمانه العامه للأوقاف … شلون المكان والوضع والراتب …وادري انكم ماتقصرون ..
انا مادري عن الوضع بس رفيجتي تشتغل هناك ووواااااااااااااااااااييييييييييييييييد مدحتلي المكان ودوامهم مثل المدارس وعندهم اجازة 3 اشهر >>>لحظة اهي تشتغل بقسم جنه الاستشارات الاسرية
وعليكم السلام ورحمة الله
ام دعيج حبيبتي الامانة شي و الوزارة شي
انا اشتغل بالامانة العامة للاوقاف ، و ماعندنا استشارات اسرية
المكان محافظ جدًا
و أغلب اللي فيه خوش ناس
و الشغل و المعاش يعتمد على التخصص و الإدارة ، انا تخصصي محاسبة و معاشي مثل اي محاسب في أي قطاع حكومي ما عدا وزارة المالية
لكن زيادة عليه شي يسمونه الفارق الوقفي يصرف بعد سنة من مباشرة العمل إذا كان التقدير امتياز ، و اذا كان جيد جدًا يصرف 75% منه ، و للموظفين الجدد تقريبا 150 دينار
و اي سؤال انا حاضرة
مشكوره أم دعيج و مشكوره سنابل على ردكم وجزاكم الله خير