الأكزيما ميننتني . مادري شسوي لولدي :(

صباح الخير بنات ..
شلونكم .
انا عندي مشكله كبيره .. وحابه اي وحده مرت بهالموضوع تفيدني
موعارفه شسوي ؟؟؟؟

الأكزيما كلت جسم ولدي..
خدوده ..
ريوله .. صوب ركبه ..
ايدينه وحده مكان ابرة التطعيم ..
واربع على أكواعه ثنتين باليمين وثنتين باليسار..

وديته الجلديه عطاني علاج .. راحت منه وردت مره ثانية
سألته يمكن من شي معين او الحليب او السيريلاك
قاللي لا عطيه اكله عادي
..
انا حاسه انه من الحليب لما كنت اعطيه نانضد الحساسيه ماكان فيه شي
بس لما عطيته سيميلاك بلشت فيه
المشكله نان أذاه بالغازات السيميلاك ارتاح عليه

محتاره
الحين قاعده احطله الفا كورت الابيض ..
عشان يهديه امس قطع قلبي قعدت من النوم لقيته يحك اللي بإيده
ومنزل منها الدم
قعدت ابجـــــــــــــــــــــــــــــي مو عارفه شسوي
على فكره ولدي عمره 6 شهور و اسبوعين

حبيبيتي انا سمعت ان القمح مرات يسبب اكزيميا
اذا تعطينه شي فيه قمح وقفيه ودوري اي شي بديل

انا ولدي كان فيه اكزيميا بس اكزيميا صيف
يعني بس ايي الصيف ركبه واكواعه تنشف ويتحكك
واذا صار الشتا سبحان الله يرجع طبيعي
عاد رحت مستشفى السلام والدكاتره مالوت الأطفال شاطرين ووصفولي خوش علاج بس ما اذكر اسمه لأن هالكلام من جم سنه والحمدالله خفت وايد وارتاح عليها

انتي اهم شي لا تخلين جسمه ناشف على طول دهنيه وخلي جلده رطب وراجعي مستشفى تخصصيى او عياده تخصصيه للأطفال احسنلج وان شاء الله يارب تروح منه الأكزيميا

انشاءالله اختي
على قولتج راح اوقفله القمح انا اعطيه سيريلاك قمح مع فواكه ..

راح اعطيه رز .. او تمر ..
بالنسبه للحليب تهقين سيميلاك سبب ؟؟
انا اليوم بوديه السلام ..
انا اساسا ولدت بالسلام وادري فيهم شاطرين
انشاءالله اوديه اليوم يزاج الله الف خير

أنا ولدي عمره أربع شهور و الأكزيما ذابحته مسكين ريوله و خدوده و رقبته و وديته حق رويال حياة عند دكتوره نسرين إتقولي أنا ما بي أعطيه كريم فيه كرتزون لأن وايد إصغير حاولي إترطبين جسمه على طول و أنا ما أعتقد من الحليب لأن جربت كل الانواع مافي فايده .

الله يعافيج إذا لقيتي دكتور شاطر بالسلام و عطاج حل للأكزيما ياريت إتبلغيني و إنشالله ما يشوف شر

بعد ديري بالج من السيريلاك كلش ما انصح فيه

سوويله اكل طبيعي

طبخيلة خضار مع عيش وايد ألذ أو أفيد له ليش تترسين بطنة مواد صناعية

او صح كلام الأخت أم عزيز القمح بعد يسبب حساسية للياهل شوفي يمكن السيريلاك اللي تعطينه له فيه قمح

او اذا ييتي بتعطينه خضار كل يومين ابدي بصنف واحد من الخضار مع العيش

مثلا أول يوم ابدي بجزر مع العيش او لاحظي اذا كان يسببله اي حساسية او اذا ماكو شي

بلشي ثاني يوم عيش مع بنوع ثاني

او بعدين ابدي خلطي كذا نوع
بس نصيحة لا تعطينه سيريلاك
مره قالتلي السستر الهندية مالت دكتور ولدي انتو عيالكم كله مرضى لانكم ما ترضعونهم طبيعي او تعطونهم سيريلاك

والله يشافي ولدج ان شاء الله

اختي بيرلا من عيوني انشاءالله اذا فاد معاه ولقيت دوا زين راح اقولج افا عليج
واله يشافي ولدي ويشافيج ..
بس ترا استخدميله الحين ال ألف كورت
حرام تخلينه جذيه ترا يهديه انا ولدي من الشهر الرابع نفس الشي بلشت معاه
ووصلي الدكتور الفا كورت ..
وترا مو ثقيل خفيف .. يعني مو قوي عليه لانه صغير ..
حرام تلاقينه تحكه حيل وتاكله أكااااااااااااال ..
زعلتيني عليه والله

اي صح ذكرت

آنا يوم ولدي صغير كلته الاكزيما عند حزة فخوذة صوب البامبرز او صار لون المنطقة بني غامج يخرع

او صار فيه اكزيما بعد بقمة راسه وتطلع غي اصفر

والله محد فاده إلا دكتور يوسف مال الله اهوه استشاري جلدية

وايد ممتاز او احس ادويته مو قوية عالياهل او فاهم شغله

شوفي احتماال من الحليب بس مو شرط
انا ولدي من ولدته الاكزيما بكل جسمه والله من الحكه بعد عمري يطلع دم حتى عينه تورم حمره و غيرت الحليب 4 مرات و مابقى طبيب ما رحت بس يعطوني كريم فيه كرتزووون معنه مو زين للاطفال استخدمه فتره والحمدالله يروووح عقب يرجع الطبيب قالي عادي في وايييد يهال جذي و من عمر سنتييين يخف 90 بالميه عاااد اذا لقيتي حل قوليلي ما بقى شي ما جربته اهو غسول و لا مرهم و لاعسل و لاصابون و لا زيت ماكووووو فايده

مس دلع انا قاعد اعاني نفس مشكلتج بضبط بنتي كبر ولدج بضبط مواليدشهر فبراير والدتها بسلام صدفة حلو لايكون انتي الي يمي بالغرفة وجايبة ولد بعدي بيومين؟؟؟؟؟؟؟؟؟؟؟هههاااااااااااااي كل شي جايز المهم
قالي الدكتور المستوصف غيري حليببها قبل اسبوع لان زادت الاكزيما حيل وصفلي حليب الحساسية مادري شسمةوحاولت اقطع اي شي يجيب الحساسية قطعت سيليلاك الفواكة لان يقولون الموز يجيب الحساسية لاطفال وقعدت الاحظها ولا البنت هدي اهي الاكزيما الوجة زادت حيل خدودها وحنجها ودم اه ياقلبي
وقالولي عليج بكريم (سودو كريم ) علي طول حطيةجنة المرطب وبليل حطي الفكورت بس لاتكثرين منةيعني 3 ايام وقطعية شوى وادا زادت حيل رد ي استخدمية اما الباجي عليج بسودو كريم انا قاعد اسوى جدي حاليا والحمدلله جربوا طريقتي وامانة الي تستفيد منها تقولي عشان اطمن اني ماشية صح

في وايد مسببات للأكزيما غير الأكل مثل الحيوانات والسجاد واللحاف ونوع الصابون اللي يغسل فيه المههم حبوبه تقصين أضافره عشان ما يجرح المكان

حبيبتي اي ياهل استخدم حليب نان صار في اكزيما لاتستخدمونه مو شي نان

هذ واحد يوصل للبيت كريم للأكزيما كذا وحده جربته وراحت الأكزيما منهم والله يشافي عيا لكم رقمه9666872

اختي جفنشي من وين الكريم يجيبة ؟

انا ريم قنواتي عطتني..
elocom
ويه مرطب نسيت اسمه من صيدليه مارينا
شترينه
لوننه ابيض اب ازرق