الأعشاب والأكلات المفيدة بفترة النفاس خباراتكم يا أهل الخبره

السلام عليكم ورحمة الله وبركاته

أخواتي نبيكم تساعدونا حنا ذوات الحمل الأول

نبي الطرق والأشياء المفيده الي تفيدنا وتخلي كروشنا ترجع مثل قبل الحمال لاصقه بظهرنا

شنو نأكل شنو نشرب شنو نلبس خلال فترة النفاس

يعني أسئلو أمهاتكم وجداتكم وفيدوا الي ماعنده خبرات ياررررررررررررررريت تساعدونا بجدول كامل متكامل عن أهم شي نسويه وشنو الي مالازم نسوية ومشكورييييييييييييييييييييين يا حبايبي أدري ماتقصرون

حلو موضوعج … أنا بجر مثلج اللي خلصت أربعينها قولولنا شسويتو

بصراحه يعطيج العافيه على هالموضوع المميز وياليت يكون فيه تفاعل وانا اول وحده ببدأ:
اهم اكل النفاس طبعا التمره مع الرشاد والسمن + الشوربه سواء دجاج او لحم ما تتصورون شكثر مفيده للنفاس لان النفاس تكون عروق جسمها كلها متفتحه من ألم الطلق والولاده ولما تشربين الشوربه راح توصل فايدتها بسرعه للعروق ويتغذى جسمج بأذن الله+هذا غير المرقوق والقبوط والخبز المفروك مع الادويه والحسو
ولا تكثرون من الحلويات والسكر لانه يمنع التئام الجرح(الخياط) ويطول على مايطيح الخيط فالافضل استبدال السكر بالعسل الطبيعى وهذا عن تجربه

اما البطن فيفضل ربطه من رابع او خامس يوم ولاده بس لاتضيجونه حيل لانه ممكن يأثر على الرحم والكلى وتعورج خاصرتج من الربط
وعسى الله يهون عليكم وعلى كل حامل

الزعتر عجيب
يوميا

واهم شي خل اتييج رداده

والله الرداده الي كانت اتيني بس تخلص التردد

احس الدم يخرخر مني

انا الوالده تسوي اعشاب وخبره من مردود و كبو شرب وبخور ودوى هوى النفاس والطعم الله يعينكم عليه بس ماعندها احد يوصل

يعطيكم العافيه مشكوووووووووووووووووورين

ماتقصرون أنزين نلبس الكورسيه كامل علشان البطن او الحزام بس

والأعشاب جاهزة من السوق من الحواي أو أحسن أحنا نخلطها

المرقوق مايتفخ الكرش علشان العجين ؟؟؟>> سؤال غريب بس جا في بالي

ممكن تذكرون أسامي الأعشاب بتفصيل الي نشربها

أختي ممكن تحطين رقم الرداده الزينه؟؟؟؟؟؟؟

للاكل شوفى هالموضوع ينفعج..وفيه خبرات البنات جزاهم الله خير..

https://q8yat.net/showthread.php?t=46238

وشوفى هالرابط بعد..

https://q8yat.net/showthread.php?t=69816

وتتطلعين من الشر ان شاء الله..

حبيبتى اذا المرقوق مسويته من الطحين الاسمر والنخاله طبيعى ما يمتن بالعكس يفيدج بس الطحين الابيض ينفخ ويمتن.

اما اعشاب النفاس والادويه انا افضل انج انتى تشترينها بنفسج وتنظفينها من الغبار والوصخ وتطحنينها لان الاعشاب بالذات بسرعه تسوس وتدود وتخرب وهذا كله يضر الكبد والمعده والكلى يعنى راح تحسين بعدين بالتعب من الادويه اللى مو منظفه عدل

ولاتنسون بفتره النفاس ماتشربون أشياء باااااااارده وحوامض لأنها إتأثر … وتطلعين من النفاس بالسلامة

عندج الاشياء اللزجه مثل الباميه والملوخيه ابتعدي عنها

الربط ثم الربط ثم الربط ………… هاهاها

انصحج بربط بطنج والله اهو اللي يردة طبعا اذا طبيعي ديري بالج مو قيصرية تربطين بطنج لووووول

ومثل ماقالوا البنات الاكل طبعا اكلي لما تشبعبن مو يقثونج علبونة نفسة اهم شي انج ماتيوعين …… والبنات ما قصروا عن الاكل والادوية و الزعتر والله احنا امي اللة يطول بعمرها دايم تسوية عقب الغذا والعشى وايد يهضم ويطلع الهوا ….. انا احبة واحسة يريح ……

والخياط لازم تحافظين على نظافة هالمنطقة ضروري علشان لا سمح الله مايصيرلج اشياء و تفاعلات عليج بالادوية اللي يوصفها الدكتور اللي اهو دايما يكون عبارة عن غسول و كريم مخذر وكريم معقم كل ما رحتي الحمام وانتوا بكرامة استخدميهم ودايما بدلي غياراتج لا تخلينها ترطب …… واي استفسار لا يردج الا يور لسان

السلام عليكم
بالنسبه لي انا طلعت من النفاس ببنت وولد بطني بظهري وجسمي وماشاء الله وايد حلو طريقتي اني اكلي متوازن شوربه بروكلي لحم هبر ودجاج المهم ما اكل زفرا ن ومن الاسبوع الثاني اسوي رياضه بطن وقاري وسلامتكم

مشكورين ينات وما قصرتوا وانا بعد بجريه وهذا شهري وكنت ابي اعرف هالسوالف وانتوا ما شالله ما تقصرون

الله يهون عليج حبوبة البنات كفو ووفو
مع التحية…………………