الآكزيما . قاتلها الله

بنات صديقتي العزيزة تعاني منذ سنوات من الأكزيما في القدم من تحت خاصة على كعب القدم ومتشققة وايد وتعورها وتحك وينزل قشر واحيانا ما تقدر تمشي على رجليها .. رجاء المساعدة بتجاربكم الطبية والمنزلية في علاج الأكزيما عموما واكزيما القدم خصوصا .. ولكن الأجر من الله ..

ودعوة حلوة منها ومني بالثلث الأخير من الليل وفي كل حين .. حفظكن الله من كل شر،،،،

امبييييي سكتي
ست سنوات اعاني من الاكزيما بايديني وخصوصاً اليمين وحتى لو بحط لجسمي خلطي ايديني تحرقني مااقدر
معاناة شنو العلاج النهائي مادري ياليت البنات يعطونا حل
الله يشافيها ويشافيني

اذكر أخوي الصغير فيه اكزيما و امي كانت بمكه خذت من حواج مكه كريم للاكزيما حطته له والحمدلله ماشاءالله راحت
وكانت تشربه ماي زمزم

الله يشفيييكم يااااااارب

عيادة بوحمرا روعه للاكزيما

و عندي دهان يهبببل

روحي طبيب جلدية افضل

حبيبتي الاكزيماا تجي من الحسد وعن تجربه لاتقولين مرض جلدي ..

وافضل علاج لها زيت الزيتون المقري فيه ايات قرانيه

ويفضل سورة البقرة واذا في حد دايم حاط عينه عليك من صديقاتك والا من الاهل اخذي من اثرهاا

وفي عشبة موجوده بالمغرب لعلاج الاكزيما قالت لي عنها مغربيه انشالله اصورها لك يمكن تلاقينها عند العطار لكن باسم غير اسمها عندهم عشان تستخدمينها ..

الله يشافيها ياارب ..

انا جاتني اول ناتروجت بسبب الحسد والعين المشكلة جات بأماكن حساسة بأوراكي وصدري طلع فيني عين .إن شاءالله بستخدم زيت زيتون مقروء فية مخلوط بحبة البركة مطحونه

زيت زيتون مقري و تصرعي بمائ زمزم وادعي من قلب عن تجربه

انا كنت اقرا في ماي واختي خذت منه وخلطته مع زمزم وراحت الاكزيما نهائيا بعدفترة قلتلها وش استخدمتي قالت المويه اللي تقرين فيها مع زمزم احطها علي الحساسيه وفي شي تاني عندك زبدة الشيا الخام مع زيت زيتون وادعيلي

سلامتها ماتشوف شر
شوفي هالعلاج باذن الله بيفيدها هالعلاج للحروق والاكزيما اخوي كانت سيقانه مليانه اكزيما مسكين تعذب والحمدالله هالعلاج نفع معه
اول شي ملعقه اكل خواجوا وله اسم ثاني ساق الحمامه وهذي صورته اخذتها من قوقل يجي لونه عنابي

وبياله زيت زيتون ونص ملعقه او كسره متوسطه من المره تدقينها شوي وهي بالكيس
تحطينها كلها مع بعض ملعقة خوا جوا وبياله زيت زيتون وكسره المره على النار شوي بس او ماتغلي شيليها
بيجي لونها عنابي غامق زي الصوره هذي بس اغمق

وتدهن مكان الاكزيما في اي وقت وان شاءالله بتروح عنها
وبعد تاخذ زيت النارجين من المعصره وتدهن رجولها وقت النوم بس اهم شي اصلي
وخليها تشرب عصير بطاط نئ مع تفاحه وجزر او اي فاكهه ثانيه بس اهم شي البطاط
هذا رابط العصير منزله موضوع عنه وفوائده ممتاز للبشره
اللي تبي خدود وبشره صافيه ومورده تتفضل عصير رائع

ولاتنسوني من دعواتكم

بارك الله في كل من شاركت سوى بالدعاء أو الوصفات أو النصائح وأدعو الله الواحد الأحد الفرد الصمد الذي لم يلد ولم يولد أن يبارك لكن في كل امور حياتكن ويسهل لكن الشديد وييسر لكن طريق الرزق الوفير والخير الكثير وأن يحفظكن وأسركن من كل
شر .. اللهم آمين ..

سوف نقوم بجميع ما ذكر من تجارب عسى الله يشفي المرضى إنه على كل شئ قدير ،،،

حبيبتي في مووضوع قبل فتره عن علاج الاكزيما قرأته
ادوره وارجع اكتبه لك او ارسله على الخاص

في انتظار الموضوع عزيزتي بارك الله فيك وحفظك وحقق أمانيك جميعها … اللهم آمين