|
|
بس الصج انه وزارة التربية متوفيه هههه
الخبر منقول من جريدة الوطن
اكتشفت الخطأ بعد مرور خمس سنوات.. وإبقاؤها رابطة بنت الحارث «التربية» تصحح: ثانوية ريطة بنت الحارث
كتب عبدالعزيز الفضلي: في عام 2024 قامت وزارة التربية بانشاء مدرسة في مدينة سعد العبدالله بمنطقة الجهراء التعليمية واطلقت عليها اسم ثانوية رابطة بنت الحارث ولا نعرف على أي اساس اطلقت لجنة التسميات بالوزارة هذا الاسم على المدرسة دون الرجوع الى كتب التاريخ و تحري الدقة، والواضح انها لم تبذل اي مجهود في التحقق بالاسم واستمرت به لمدة خمس سنوات قامت خلالها بطباعته على جميع كتبها الرسمية وشهادات الطالبات والامتحانات وغيرها من المستندات التربوية. وبعد مرور هذه السنوات وبين ليلة وضحاها اكتشفت التربية الخطأ وحتى لا تضع نفسها في حرج استغلت العطلة الصيفية ودون الاعلان عن ذلك قامت بتصحيح الاسم لتصبح ثانوية «ريطة بنت الحارث» والغاء ا لاسم السابق «رابطة بنت الحارث» ورغم ان المدرسة قام بزيارتها طوال تلك السنوات العديد من القيادات التربوية اضافة الى ان منطقة الجهراء التعليمية تعاقب عليها ثلاثة مديرين الا ان الجميع لم يسأل او يحقق في الاسم غير ان الوزارة اكتشفت الخطأ وصححته بعيدا عن الاعين الا ان «الوطن» رصدت عملية التصحيح وتبديل لوحات المدرسة في عز النهار، وعودة الى كتب التاريخ فان الاسم الصحيح للصحابية هو ريطة بنت الحارث القرشية التيمية وهي من الذين هاجروا الى الحبشة وماتت في رحلة العودة
الرابط للتأكيد
https://app.moe.edu.kw/MOELocalNews/N…aspx?nid=46931
صج صج فشلة
مادري شنو شعور الطالبات الحين
احس عاشوا بجذبة مدتها 5 سنوات
خاصة اسم مدرسة شكبرها بتغير بعد هالفترة
احسها حيل صعبة على الادارة وعلى الطالبات..
ما أقول الا…..
ولا أقول ماني قايلة
علشان حرمة رمضان
استغفر الله
ليش عاد هالعجله بعد٥ سنين مبجر كان انطروا بعد جم سنة وي شنو معجلهم
ماعندهم سالفة!!!!!!!!
صج صج هالوزارة من دحديرة الي حفرة الي قعر لا قرار له
وين المعلمات
التوجيه ؟؟ خاصه الإسلامية
أولياء الأمور
كلش محد قال رابطه منو وبحث؟
لاتحملون الوزاره الذنب بروحها
الكل غلطان << كلمة حق كان لازم تنقال
وصبااحكم خيرر
امبيه فششششششششششله
هذي غلطة الاخ او الاخت اللي كتبو الاسم و ودوه للمطبعه و سووه لافته شكبرها ما انتبهو …
زين شكانو كاتبين عند باب المدرسه ؟ معلومات المدرسه و تعريف الشخصية ؟ اللي كتب التعريف و دزه للمدرسه ما انتبه ؟
و موجه الاسلامية بصراحه موقفه بايخ .. الحين ما يقدر يتفلسف على الابلات .. ان تحجى قالو له وينك عن ريطه ؟؟ لوول فشله مالت على ابليس
اما المديرات اللي مرو عالمدرسة .. بصراحه لازم ما نحملهم مسئوليه
اهم استلمو المدرسة و الوزاره و اللجنة يقولون لها هذا الاسم .. شكو تروح اتدور و تسوي بحث بالتاريخ ؟
يلا يعدلون عقب 5 سنين احسن من ثلاثين سنه … تخيلو بعد 30 سنه يبون يهدمونها للتجديد و يكتشفون الخطأ @@ ههههه
اي و الله فشله
الاسم صعب ومو مار على احد وماندري منو ريطة وشنو سالفتها مادري سالفته
خل ينقون اسامي مرتبه مثل العالم والناس
لوووووووووووووووووووووووووووول
الوزارة متوفية الا شوي
وشالو اسم المدرسه وغيروه
بس مالنا شغل احنا خريجات الرابطه واللي بعدنا بنات الريطه
|
المشاركة الأصلية كتبت بواسطة nero
 بصراحة معذورين محد اكتشف
الاسم صعب ومو مار على احد وماندري منو ريطة وشنو سالفتها مادري سالفته خل ينقون اسامي مرتبه مثل العالم والناس |
حبيبتي هذي صحابيه شكو اسامي مرتبه
استغفر الله
.gif "Eh S(1)")