|
|
انا اليوم لازم اتكلم بموضوع مهم جدا الا وهو الزوج
خواتي وبكل صراحه بتكلم عن الاخوات الي يفكرون بالطلاق وهم عندهم اطفال او ماعندهم لي كم كلمه بقولها يمكن تخلي الاخوات الي ببالهم او ياسو من ازواجهم يطخون شوي ويبلعون العافيه
اول شي الطلاق خلي اخر شي ولاتفكرين فيه اصلا لعده اسباب
1-الطلاق حكم بالاعدام عليج كانسانه يعني تموتين وانتي حيه
2-نظره المجتمع لج تكون حقيره ومافيها رحمه مهما كانت الاسباب
3-الشماته فيج توصل لمستويات ماحلمتي فيها
4-ابتدي بعد الطلاق مشوار الاهانات الموجهه وبتنظيم من الي حةاليج
5-عند اي مشكله توقعي ينقالج يالمطلقه ياخرابه البيوت
6-في حاله كان احد ضايق خلقه ماراح يلقي احلي من اسمج وعرضج يلوك فيه وعنه الاف القصص الخياليه بس لفشه الخلق وتقزير الوق
7-اهلج الي شاده حيلج فيهم اول ناس بتنهشج
8-قدامج حريم اخوان ل وحده بتحد سجينها على رقبتج
9-لاتقولين ابوي اخوي ترى كلهم ذيابه والاب دايما ماله دور اذا كان الاخوان متسلطين
10-اذا عندج عيال ياحرام جهزيزهم للبهذله وكسره النفس
11-اذا عندج عيال جهزيهم للطق والاهانه بدون سبب بس لانهم عيالج
12-
اذا عندج عيال جهزيهم للشتم وشتم ابوهم يعني خليهم بلا كرامه حتى يتحملون الشتيمه
13-اذا عندج عيال عوديهم على الحبسه بالغرفه حتي مايتنفسون وينسى سكان البيت انهم عايشين اصلا لان وجودهم ماله داعي
14-اذا عندج عيال حبسيهم حتى مايشوفون عيال خوالهم مع ابهاتهم متهنين وعيالج ماكلين تبن
15-اذا عندج عيال عوديهم يرضون ينطقون لانهم مالهم حق وعين يدافعون عن نفسهم
16-اذا عندج عيال تاكدي انهم يتعرضون لحرب نفسيه فما في مشكله تراجعين دكتور نفسي شوي يخفف عنهم
17-اذا كنتي حلوة استعدي للكلام الوصخ الي بيطلع عليج لانج تطلقتي يعني الف نقطه استفهام
18-اذا كنتي مطلقه تحملي تحرشات وحقاره اقرب الاقربين وراح تنصدمين من ناس مريضه موجوده بحياتج وانتي موداريه
19-اذا كنتي مطلقه تاكدي انج ذبيحه والكل يتقاسمها يعني اذا عندج فلوس اشتري فيها راحه بالج وعيطها اهلج عشان يسكتون عن اذيتج يوم ولا يومين
20-اذا كنتي مطلقه استعدي لطلبات اخوانج الماديه من قروض وسلف وبعضهم يحجز الراتب بالقوة
21-
اذا كنتي مطلقه استعدي للبهذله بمعاملات النفقه لان اخوانج موفاضين لج وحريمهم كل همهم
22-
اذا كنتي مطلقه مافي مانع تتحملين نغزات يوميا حتى من امج الي تدعي انها تحبج بس لما تكونين ببيت ريلج وبس
23-اذا كنتي مطلقه تحملي تدافعين عن نفسج باي موقف لانج عار ولازم يندفن ويسكت
24-اذا كنتي مطلقع استعدي لتخلي صديقالتج عنج لانج مصدر قلق :
1-انج احتمال كبير مشفوحه وتبين ريل باي طريقه وتبوقين ريل رفيجاتج
2-انج منحرفه وتبين ريل باي صورة يعني تصيرني عشيقه لريل وحده من رفيجاتج
3-انج موليه وتديرين او مشاركه ضمن شبكه دعاره لانج بدون ريال يردج ويردعج
4-انج اكيد محتاجه ريال وموبعيد تبيعين نفسج لاي شخص وبسهوله
حبيباتي الحجي وايد والاعذار الي يحتلقها المجتمع حتى يكمل ذبحج لانج مطلقه بالملايين بس انا موفاضيه اكتبها
فرجاء حار كل الي تفكر بالطلاق ترجع لمووضعي بسرعه مهما كانت الاسباب من زوج خاين بخيل سكير مزور حرامي نصاب مايصلي ياي سبب اخواتي صدقيني ماراح يخليج تتحملين تبعات الطلاق الي كتبتها والحجي ببلاش وسالي اي مطلقه لو كانت اصدقه لتثولكم نار ريلي ولاجنه اهلي هذا اذا في جنه ياحسره والي ماتصدق خلي تتطلق وتقولي شنو رايها واعرف وايد بيكتبون اني ابالغ بس الي عاش الواقع وشاف عشرات الحالات بنفس الشكوي يعرف اني صادقه وانصح من قلبي وياليت الي ايدها بالماي ومرتاحه ماتايد وتشيش وحده بالطلاق لانها ارح تشيل ذنبها وياليت كل وحده تليقفت وفكرت بالطلاق تفكر باللي جايها والله لترجعين تبوسين راس ريلج ولو كان اردي انسان على وجه الارض
والي محظوظه وماعاشت هالظروف خلي تحمد الله لانها عاشت حاله استثنائيه في مجتمع مايرحم
بس منو اللي يفكر
ساعات يكون طلاق رحمه للمراه
إلى الحين في ناس فيها خير
وغلى الحين في الوقت فيه خير
والوحدة المعروفه بين الناس باخلاقها وبوصلها للرحم لو شنو ما حد يقدر يتكلم عنها بكلمه
وهالشي اشوفه مثل ما انتي تشوفين
وانا معاج ان الطلاق لازم الوحده تفكر الف مره قبل تقدم عليه
بس اذا الانسان اللي عشت معاه فترة من الزمن وكلة هالوقت كان اهانه لي ولكرامتي وما في مجال للاصلاح فاعتقد الطلاق يهون
والوحده ما تتطلق لانه ما يطلعني او ما يشتريلي الماركات او ما دخل عيالي الانجلش سكول او ما سفرني
لا الطلاق يجي لاسباب اكبر من جذي
وتقبلي مروري
وعسى ربي يبرد ع قلوب المطلقات و يردهم لازواجهم معززين مكرمين
كلامج صح اذا كانت البنت هي نفسها تبي خراب بيتها بيدها خل تتحمل كل ماييها وبلوتها بلوه اذا اهلها ناس حجرين اهني عاد صج صج صج كلامج بيكون مليون بالاميه صح بس اذا العكس لا والله يعني اذا الخراب من الريال تلقين الابو والاخوان اهم اللي يشيلون بنتهم ويخلونها عندهم ارحم مليون مره من عذاب بنتهم عند ريلها
واكثر الاهل يقول حق بناتهم البيت اللي رباج صغيره مو عيزان منج وانتي كبيره"
الحمدلله مااحاشني شى من اللي قلتيه جان تلقيني منذووووو مبطي بالطب النفسي قاعده احذف السسترات بالنعل ههههههههههههههههه
صح انه في حالات تكون ظروفها صعبه وتفضل انها تعيش مع زوج قاسي بلا رحمه على انها تتطلق وتتحمل الكلام واللوم اللي اييها من اهلها لانها فرضا ًما سمعت كلامهم او انها تزوجته بدون رضاهم واتفق معاج ببعض النقاط لكــــــــــن اقول :
محد ينكر ان الطلاق ابغض الحلال وله اثار نفسيه على المره وعيالها بـس في حالات يكون الطلاق اهو انسب حل
الطلاق احسن من انه العيال يعيشون ويتربون مع اب شاذ او فاسد او سكير او مدمن او زاني او يعامل المره بدون رحمه ويهينها ويطقها او ياكل فلوسها ويبهذلها ليش؟ الدنيا فيها قانون ليش الوحده ترضى تعيش في ذل و مهانه الله ما يرضى بهالشي … !!!
الطلاق مو جريمه بالعكس اذا الله ما وفق الوحده مع انسان …شاللي يمنع انها تشوف حياتها مع اللي احسن منه … وربي يعوض كل وحده تطلقت اذا مو بالدنيا بالآخره ان شالله !
وانصحها انه ما تيإس لانه الطلاق مو نهاية العالم ولازم تحمد ربها على كل حال وتكون واثقه من نفسها وتبدي تشوف حياتها وتخطط صح و تحاول تغير من نفسيتها اذا مو مكلمه دراستها مثلا ً تحاول تكمل او انها تمارس هوايه او تتعلم شي يديد وتشغل فراغها وتربي عيالها احسن تربيه وما عليها من كلام الناس.. اليوم يتكلمون باجر يتعبون واللي يبي يسمع كلام الناس ويتأثر ويبجي على كل كلمه انقالت بحقه راح يتعب ويموت ناقص عمروتصير فيه امراض الدنيا ومحد راح يخسر الا اهيا
واذا على الناس تراهم يتكلمون على المتزوجه والمطلقه والبنت والارمله يعني مايخلون احد بحاله .. فما فرقت ..
الطلاق احيانا ً يكون دمار .. واحيانا ً يكون حيـــاة ..
|
المشاركة الأصلية كتبت بواسطة مهناز
 حبيبتي مانقدر نعمم هالشي عالكل كل انسان وظروفه ، انا مو قاعده اشجع الناس على الطلاق بالعكس انا اضم صوتي لصوتج في انه المره لازم تفكر مليون مره قبل لا تتخذ هالقرار
صح انه في حالات تكون ظروفها صعبه وتفضل انها تعيش مع زوج قاسي بلا رحمه على انها تتطلق وتتحمل الكلام واللوم اللي اييها من اهلها لانها فرضا ًما سمعت كلامهم او انها تزوجته بدون رضاهم واتفق معاج ببعض النقاط لكــــــــــن اقول : محد ينكر ان الطلاق ابغض الحلال وله اثار نفسيه على المره وعيالها بـس في حالات يكون الطلاق اهو انسب حل الطلاق احسن من انه العيال يعيشون ويتربون مع اب شاذ او فاسد او سكير او مدمن او زاني او يعامل المره بدون رحمه ويهينها ويطقها او ياكل فلوسها ويبهذلها ليش؟ الدنيا فيها قانون ليش الوحده ترضى تعيش في ذل و مهانه الله ما يرضى بهالشي … !!! الطلاق مو جريمه بالعكس اذا الله ما وفق الوحده مع انسان …شاللي يمنع انها تشوف حياتها مع اللي احسن منه … وربي يعوض كل وحده تطلقت اذا مو بالدنيا بالآخره ان شالله ! وانصحها انه ما تيإس لانه الطلاق مو نهاية العالم ولازم تحمد ربها على كل حال وتكون واثقه من نفسها وتبدي تشوف حياتها وتخطط صح و تحاول تغير من نفسيتها اذا مو مكلمه دراستها مثلا ً تحاول تكمل او انها تمارس هوايه او تتعلم شي يديد وتشغل فراغها وتربي عيالها احسن تربيه وما عليها من كلام الناس.. اليوم يتكلمون باجر يتعبون واللي يبي يسمع كلام الناس ويتأثر ويبجي على كل كلمه انقالت بحقه راح يتعب ويموت ناقص عمروتصير فيه امراض الدنيا ومحد راح يخسر الا اهيا الطلاق احيانا ً يكون دمار .. واحيانا ً يكون حيـــاة .. |
انا معاج 100% الصراحه كلامج منطقي ليش اصبر ولقانون كافلي حقي وديني مشرعلي هشي اسكت عشان عيال باجرر من الي يشوفونه بيطلعون معقديننننن ومرضى نفسين انا ضد الطلاق الي مثل العبه ما يابلي ما حطلي طلقني وضد المره الي تسكت على الاهانات والطق بس عشان عياله اخر شي عياله معقديننننننننن ووايد اعرف حلات جذيه تصبر عليه واهو سكير وراعي قعدات وعنده منه 4بنات وصبي بنتين عايشين عند عماتهم والسبه انهم يكرهون قعدت البيت من ابوهم وثنتين صغار ليلحين عند امهم وولد فاشل دراسياااااا مسكين الام الدرس وتنطق وحتى رمي تنرمي وتسكت ليشششششششششششششششششششششششششششششششششششش تخيلي تنرميييييييي يعني لو حايشه جان ماتت شلفايده واعرف اختين وحده اطلقت من الريل وعايشه ببيت ابوه معززه مكرمه ليش الريال مامنه فايده شكاك ومغازلجي وعافسه عفاس اتطلقت باول زواجه وفتكتتتت وعنده منه ولد ومشااء الله ريااااااااااال قول وفعللل والثانيه نفس المشاكل بس شتقول ظل راجل ولا ظل حيطه شك وغيره ومغازل وسفراتتتت وبلاوي سوده يركبله كامرات بدار اخر شي شصار بعد 20 سنه زواج طلبت الطلاق ب5عيال وبهذله وحاكم وشك وتشهير وقذف لا وعياله نص صافين معاه ونص معاه تمت سنتين لين افهمو العيال الثانين انه امهم على حق وردو لها والابو تزوج وراح بحياته والمره انسبت ونقذفت حتى من عياله شلفايده صبر 20 سنهههههه لو رايحه بيت اهله من اول مو ابرك جان عاشت معززه مكرمه
اسمحووولي اذا دشيت عرض…بس باطين جبدي هالنوعيه …اللي عادي عندها تنهان وتتمصخر بس أروح بيت أهلي…لا..
وترا انا توني بنوته ..
كلامج صحيح اذا الاهل مو شايلين البنت او حتى البنت مو شايله نفسها من ناحيه الشغل مثلا بس بصراحه الطلاق امر مشروع حتى لو اهو ابغض الحلال بس ربج شرعه والبنت تصبر على الريال سنه او سنتين او ثلاث بس انها تصبر على واحد لو قلنا انه سكير او واحد يقعدها ويقومها بطراق وتييب منه كوكش عيال وبعدين تقول بتطلق اعتقد ان هاذا سوء تدبير من البنت وياما بنات عاشو مدللين من بعد طلاقهم والسنعه سنعه والناس الله يخليج يتحجون بالكل البنت والمتزوجه والمطلقه صحيح ان في فئات معرضه للحجي اكثر من غيرها بس طبع الناس الحجي والله انشالله يفرجها على الجميع البنت انشالله تتزوج والمتزوجه الله يتمم عليها والمطلقه انشالله الله يرزقها بالاحسن منه