اقدر احول بناتي من الحكومة الى الخاص

اقدر احول بناتي من الحكومة الى الخاص بهالعمر الاولى بخامس ابتدائي والثانية في رابع ابتدائي وماشالله عليهم متفوقات بس ابي اعرف الصعوبات اللي ممكن تواجههم والمدارس اللي ممكن تقبلهم

والله أختي هو يعتمد على نوع المدرسه الخاصه اللي بتودينهم أذا عربيه وألا أجنبيه أعتقد العربيه مافي مشكله بس الأجنبيه راح يسوون لهم أختبار لازم مثل أي طالب ينتقل من مدرسه لي مدرسه حتى لو كان ياي من مدرسه أجنبيه أقصد مايكتفون بالشهاده اللي يايبها معاه من مدرسته! ومن ناحية الصعوبات اللي ممكن تواجههم أكيد تتعلق باللغه الأنجليزيه يعني المواد كلها راح يدرسونها بالأنجليزي علوم أجتماعيات رياضيات غير مادة الأنجليزي نفسها بالصف الرابع والخامس مو نفس مستوى الحكومه أكيد فهذا يعتمد على مستوى بناتك بالأنجليزي بس هم لازم تروحين المدارس وتسألينهم وشوفي كتبهم علشان تقدرين تعرفين المستوى وتقررين ! والله يوفقهم انشاءالله وتشوفينهم متفوقين دايما

نفس الكلام يعتمد علي المدرسه لازم اختبار في مادة الرياضيات والأنجليزي اذا سقطت بنتج يشوفون نسبه السقوط اذا نازله مايستقبلونها

اتفق مع اللي تفضلوا قبلي … بس انا كنت بمدرسه خاصه طول عمري.. واتذكر بثانيه متوسط كان اكو طالب يديد ما يعرف ولا كلمه انجليزي.. كنا احنا انترجمله … و ماشالله ليه نهاية السنه قام يتكلم و الحين ماشالله يدرس دكتوراه في امريكا

مشكورين حبيباتي على اهتمامكم والله استفدت من ردودكم وانشالله بفتر على المدارس اشوف الانسب وعسى الله يوفق الجميع